Namba 1:18 - Nobonob Baibel

¹⁸ Moses, Aron, ag ele ag danab ah oh onilagppa eeg, ag kalam ebqak aɗit, kalam amunu deɗ tatam amuppa ag uɗin, laippu tamanin daappig. Danab ah ag uɗin daanna amu, ag maɗ 20, o iitta maɗ 20 eɗittak, ag anen anen, ahilkad aab ikki, ag mamelkad am aun aɗi amu aeg, Moses, Aron amu ahilah ehanittak danab ele, ag ag onilkad anen anen yaappig.

Namba 1:18 Iomraidhean Croise

Esra 2:59

Danab laa ag Babilonnu aab onilag Telmela, Telharsa, Kerub, Adon, am Imer ele, ag appanu uɗippig, amge ag mamelkad aɗi ag, ag genab Israel buɗulkadib daappig, ag laa amu tutukku ippunadkkulagnu elele iitta amu, ag mamelkad aɗi onilkad am inam:

Nehemaia 7:61

Danab laa ag Babilonnu aab onilag Telmela, Telharsa, Kerub, Adon, am Imer ele, ag appanu uɗippig, amge ag mamelkad ag, ag genab Israel buɗulkadib daappig, ag laa amu tutukku ippunadkkulagnu elele iitta amu, ag mamelkad aɗi onilkad am inam:

Eksodas 6:14

Amu Israel danab baelkadppa anen anen dilag ikki danab onilkad am iikku. Ruben, Jakopnu nid danab tatamnu, nug bekkod nid danab waɗele. Ag onilag am Hanok, Palu, Hesron, amu Karmi ele. Israel dilag huu okkai Ruben ooppa am, aab ikki waɗele daatteb, amu danab waɗele amu ag am aab ikki amu alalkad aakku.

Namba 1:1

Israel danab ah ag Isipnu ahan ukkaeg, maɗ aɗit bia uue, ag atu taɗak onig Sinai, appa daappig. Maɗ amunu kalam ebqak aɗitnu deɗ tatam amuppa, Moses nug mettid haknu peh lag danab ah appa qagmetteb ele, nug appa dayeye, Yawe Nug amegppa aum.

Namba 1:17

Amu Yawe Nug Moses amegppa anam aum amunu, Nug Aron ele, aa danab Yawe Nug onilag diiom ele diiatteh ehanatna,

Hibru 7:3

Kayak nai am nug anig mameg amu nug memetab ele ii ippunigtte. Menuak deɗ nuhig amu mauhak deɗ nuhig ele ii ippunigtte. Nug am Kayak Bekka bianab daatte. Nug am mana mettak ikki danab hanhannu daatte.

Hibru 7:6

Melkisedek nug am Lewi buɗub ooppanu iitta, amge nug Abrahamnu keeke ameg 10 oolagppanu ameg laippu awowa, nug danab, Kayak nug amegppa keeke laa heeb bekkunu nai qakka aum ele amu, nug itittak ena mettom.