Namba 1:16 - Nobonob Baibel

¹⁶ Danab amu ag Israel oolagppa onilag ele tituanak daappig. Danab amu ag Israel dilag huu okkai anen anen, huu amu ag tatam beppig daatteb amu, ag amu dilag ikki danab daappig. Ag am Israel oolagppa aab ikki ahilkad anen anen dilag okkai daappig.

Namba 1:16 Iomraidhean Croise

Eksodas 18:21

Na anam hekkut, amge na inam ele hekkut. Na danab ah oolagppanu danab ag keeke haknu elelenab daatteb laala, ag Kayaknu ebehilag oh bodoetta le mette, laa ag danab amunu genab elele dooglagnu elele, danab amu ag men doɗo awaknu nai hambuppuak ii mattimna ele amu, na danab amubia otiadna heppe, ag laala danab ah 1,000 gumadna, ahilag okkai daappeppeg, laala 100, laala 50, am laala 10 anam gumadnana, ahilkad ehanittak anuqak danab daaglag.

Eksodas 18:25

Nug Israel oolagppa danab keeke haknu elelenab daaeg epeɗiatta, danab ah ameg laala 1,000, ameg laala 100, ameg laala 50, am ameg laala 10 dilag ehanittak anuqak danab daaglagnu otiattom.

Maika 5:2

Amu Yawe Nug atte. “Amge ag danab ah Betlehem Eprata daatteb, ag Juda wanppan aab ikki laa oh oolagppa aab ikki nakoknab daatteb, amge dimppa laa Nug ag oolagppanu, Nug Israel dilag okkai danab dayaya, gumak uɗat amu ha meɗakkunu bekku. Laa amu hekku, Nug mamekkud huu am tumaiib ii digmeppig; iitta, Nug mamekkud am anukkanab digmeeg uɗie uɗie, gemu ele daatteb. Nug huu amuppa bekku.” Yawe Nug anam atte.

Namba 1:15

Naptali huuppanu am Ahira, nug am Enan bekka.” Yawe Nug Moses amegppa anam aum.

Namba 1:17

Amu Yawe Nug Moses amegppa anam aum amunu, Nug Aron ele, aa danab Yawe Nug onilag diiom ele diiatteh ehanatna,

Namba 1:4

Amu danab laippu laippu, Israel dilag huu okkai anen anen amuppanu, ag, ag baelkadppan ikki daatteb, ag geha aa ehanatkkulag.

Namba 10:4

Amge danab nug trampet laippuib iwaleb amu, Israel dilag huu okkai anen anen dilag okkai danab, ag aakkuib uɗippeg, na ele qagmekkulag.

Namba 11:17

Ag hippaidna daappeg, da geha noppi, appa na ele nai mattignih, amu da dahil Ouɗi nahip-ppa dayaya ehanidtte amu, da heppi, Nug danab 70 amu, ahilagppa dayaya ehanadkku. Geha da amu heppi, ag na ehanidna, uug danab ah imu na medatteb ele amu, ag uug amu ele maoglag. Geha ib amuppa na nakka ii hemana.” Yawe Nug Moses amegppa anam aum.

Namba 16:2

Ag Moses abenabppanu lamidkkulagnu hena, nuhig nai tappaeg ne heegeg, Israel danab 250 laa, Israel ag, ag ikki danab daaglagnu otiadppig ele amu, ag ahan, danab waɗele amu dim lamadna ehanadppig.

Namba 26:9

amu Eliap nug bekkod am Nemuel, Datan amu Abiram ele. Datan, Abiram ele, aa am danab ah dilag okkai danab aɗit laa, aa Moses, Aron ele dilah nai tappaeh neum. Amu hepiɗ ele am danab aɗit imu, laa iitta. Aa, am kuɗum laa ele, ag Kora dim lamitteg, ag Yawenu nai tappaeg neum.

Namba 30:1

Moses nug nai imu Israel dilag huu okkai dilag ikki danab amelagppa aum. “Yawe ag inam hekkulagnunab atte.

Namba 7:2

Anam he amu, Israel dilag ikki danab ag, amu baekkudppan danab okkai, ag Israel dilag huu okkai anen anen dilag ikki danab daappig, ag danab ebaqadkkulagnu okkai daappig, ag mana mettak hena, keeke Yawe medappig.

Duteronomi 1:15

amunu, da ag Israel da ahilkad huu okkai anen anen oolagppan ikki danab ag epeɗiadppig ele, ag am danab doyak dabmak ena ele, danab ag Israel, ag ahilagnu ena elele dooppig amu, da danab amu ag Israel danab ah ameg laala 1,000, ameg laala 100, ameg laala 50, amu ameg laala 10 dilag okkai danab daan gumadkkulagnu, ag ahilkad huu okkaippan ehanittak anuqak danab ele daaglagnu otiadmi.

Ikki Danab 6:15

Yawe Nug anam aum, amge Gideon nob ma aum. “Amge O Naɗi, da attem hein, Israel Midian eppelagppan eɗue diikkul? Aab ikki dahil am, Israel dilag huu okkai Manase ooppanu ɠagattag iitta daatte, amu da am ɠagattag iittanab baeladppa oolagppa daattem,” awa aum.

1 Samuel 22:7

Saul, am nuhikkud danab ele ag appa anam daanna, Saul nug nuhikkud danab amelagppa aum. “Ag Benyamin buɗub, ag doyeg! Jesi nug am Juda buɗubppanu danab, amu nug bekka king ba keeke, nug geha wan maha, am grep dad keeke ag madakkute? Nug geha king bekku dayeb amu, geha nug heeb, ag ban daup ikki bena, ag oolagppan laala ag geha danab 1,000 gumadnana, laala geha danab 100 gumadkkulagte? Iitta!

1 Samuel 23:23

Amu ag gona, nug lokkumtte, aben amu oh italna anidna, eɗun uɗin, amelppa aig! Appeg, da nug genab appa daatte doye amu, da geha ag ele gota, da geha nug antte aɗakkul. Genab, nug Juda wanppa daatte dayeb amu, da nug aɗakkulnu, da Juda danab ohppa da nug mattie mattie antten aɗakkul,” awa aum.