Mak 9:41 - Nobonob Baibel

⁴¹ Da genab ag amelagppa attem. Aun nug ag anatta, ag am dahilad amunu nug da onilppa ag ehanatta, le ougib kap-ppa madatte amu, Kayak Nug danab amu nob ena medakku, Nug daug iinab atima.

Mak 9:41 Iomraidhean Croise

Matyu 10:42

Amu danab laa nug danab hamu onig iitta laa anidtte, amge danab hamu onig iitta amu nug da dim lamiɗtte amunu, danab laa amu nug danab onig iitta ehanitta, nug le ougib kap-ppa medatte amu, da genab ag amelagppa attem, Kayak Nug danab amu nob ena medakku. Nug daug iinab atima,” awa aum.

Matyu 25:40

Ag anam appeg amu, da ag oɗelagppa awe akkul. ‘Da genab ag amelagppa attem. Ag keeke aɗi laa da lailad, onilag iitta ele, ag oolagppanu laippu laa ag nuhigppa heppig amu, ag dahilppa heppig,’ awe akkul.

Mak 4:10

Jesus Nug anam a amu dimppa Nug, amu nuhikkud ippunittak awak danab 12, amu nug laikkud laala ele ag akka daanna, ag Jesus keeke danab ag dootteb ii dootteb ele ouaqata ippuanittak nai aum, ag amu dilag meunu oɗ medappig.

Rom 14:15

Aria, laa nug keeke laa lakkunu eheɗ dootte dayeb, amge na ee amu lattem amu, kobol nahip amuppa na heppe, na layap nug ooppa guittak dookku, na amunu dookkut, kobol amuppa na layapnu oot ii mauhtte. Amu Kristus Nug na layap amu eɗua aokkunu mauhom amunu, na nahip ee lanak kobolppa nuhig ooppa genab doyak aib heppe nauhom.

Rom 8:9

Amge ag Rom danab, ahilagnu amu, Kayak Ouɗi Nug ahilagppa daatte dayeb, ag oo alag waappa ii daatteb. Iitta. Ag Kayak Ouɗi waappa daatteb. Amu danab laa nug ooppa Kristusnu Ouɗi iitta, nug am Kristusnu danab iitta.

1 Korint 15:23

Anam, amge amu oh anen anen, ahilag haenppa awaknu daatteb. Tatam Kristus Nug eɗua hibaittom, aria dimppa, haen Kristus Nug eɗua uɗikku, laa ag nuhigppa daatteb ele, ag geha eɗun hippaidkkulag.

1 Korint 3:23

amge ag am Kristusnu, amu Kristus Nug am Kayaknu aakku daatte.

2 Korint 10:7

Ag keeke unuqagnab amu ii anidtteb. Danab laa nug nuhignu, “Da am genab tutukku hak danab, Kristusnu danab daattem,” ɠagattag dabmette dayeb amu, nug eɗua imu ele doyaɗ! Nug am Kristusnu danab daatte, amubia ig ele am Kristusnu danab daattem.

Galesia 3:29

Amu ag Kristusnu daatteb dayeb amu, aria ag am Abraham buɗub aakku daatteb amunu, ag aakku Kayak Nug anukka Abraham amegppa keeke laa heeb bekkunu nai qakka aum amu, ag amu aoglag.

Galesia 5:24

Kristus Jesusnu danab oh ag oolag alag, nuhig beɗunu kobol amu oo ahak nau kobol ele oh ad emaitakppa atulppig daatteb.