Mak 9:33 - Nobonob Baibel

³³ Ag gona, Kaperneam tena, lakka daanna amu Jesus Nug oɗ mattom. “Ig ibppa oitta amu ag aɗi keekenu madippig?”

Mak 9:33 Iomraidhean Croise

Matyu 17:24

Amu dimppa ag gona Kaperneam teppig. Teeg amu Kayaknu mettid lagnu takis awak danab ag Pita toppa uɗin inam appig. “Ahilag ippunittak danab nug Kayaknu mettid lakkanu takis hettete o iittate?” oɗ medappig.

Mak 2:8

Ag dabmak amu aoegeg, Jesus Nug nuhig dabmakppa amu doya, Nug ag amelagppa aum. “Ag aɗinu dabmak anam aotteb?

Mak 3:19

amu Judas Iskariot ele. Nug am Jesus kekeɗ eppelagppa meum.

Jon 2:25

Nug danab dilag dabmak, diilag ele oh doyatta malom amunu, Nug danab laippu laa nug danab dilag dabmaknu, diilagnu ele Nug amegppa akkunu duttunak laa ii doyom. Iitta!

Jon 21:17

Jesus baula ewam batak Pita oɗ mettom. “Saimon, Jon bekka, na dahilnu oot mauhttete?” awa aum. Pita Jesus haen ewam batak, “Na dahilnu oot mauhttete?” aum amunu ooppa guittak doyaya, nug Jesus amegppa aum. “Naɗi, na keeke oh doon malame, amu na da nahipnu ool mauhtte ele doottem,” awa aum. Pita anam a amu Jesus amegppa aum. “Dahil sipsip bekkadna meɗe!” awa aum.

Hibru 4:13

Amu keeke laippu laa Kayak Nug amegppa lokkumak iinab daatte. Iitta. Keeke oh am Nug amegppa miagib amahlakppa daatteb. Amu dimppa ig Nug noobppa daata, ihinig haknu Nug amegppa mattignig.

Revelesen 2:23

Da nuhikkud nid ele heppi mauhkkulag. Amuppa Kristen tamaniak oh ag dooglag, da danab oolag, amu ahilag dabmak ele epeɗie aute aottem. Amu ele, da Taiataira daatteb, da ahilag hak attemu amu, da amuppa nob madakkul.