Mak 9:23 - Nobonob Baibel

²³ Nug anam a amu Jesus Nug aum, “Da hekkulnu elele, amge na amunu ootppa genab doottemte? Danab nug ooppa genab doyak ele amu, nug keeke oh hekkunu elele,” awa aum.

Mak 9:23 Iomraidhean Croise

2 Stori 20:20

Aria anam heeg ukke, deɗ amu uue, deɗ amu wagɗe, Juda dilag daup ag ahan, atu taɗak onig Tekoa, ag appa gokkulagnu goppig. Ag gokkulagnu daaegeg, Jehosapat nug aha, danab ah amelagppa aum. “O Juda danab ah oh, laa ag Jerusalemnu, laa ag Juda wanppa laih laihnu, ag dahil nai doyeg! Ag Yawe, ahilag Kayak, ag nuhignu oolagppa genab doyeg! Ag amu hekkulag dayeb, Nug heeb, ag ɠagattag qak daaglag. Ao, ag nuhikkud propet nainu oolagppa genab doyeg! Ag amu hekkulag dayeb amu, ag aɗi hekkulagnu hetteb, amuam meu okku.” Jehosapat nug anam awa aum.

Matyu 14:29

Pita anam a amu, Jesus aum. “Na do!” awa aum. Nug anam a, Pita nug uub uua noa, le qaɗeppa tappa ukka, Jesus nakok gumitta gokkunu waum.

Matyu 17:20

Aeg amu Jesus Nug ag amelagppa aum. “Ahilag ooppa genab doyak am iitta bia amunu ag elele iitta. Da genab ag amelagppa attem, ahilag ooppa genab doyak nakokib dayeb, ad mastet aeg bia amu, ag keeke okkai hekkulagnu elele. Ao, ooppa genab doyak ahilag nakokib anam dayeb amu ag qauko umunu, ‘Na ahan laih uppa wa!’ appeg amu, geha wakku. Amunu ag aɗi hekkulagnu daatte amu ag hekkulagnu elele.

Mak 11:23

Da genab ag amelagppa attem! Danab laa nug Kayaknu ooppa genab doyak ele, nuhig dabmak aɗit iitta amu, nug qauko imu amegppa, ‘Na ahan yuppa ukke!’ ab amu, nug anam hekku.

Mak 9:22

Haen kuɗum ouɗi nau nug nid imu heeb mauhkkunu ha, nug buɗie, aab aɗuppa o leppa na qette amunu, na elele daattem dayeb, na ihinihnu oo bodoetta le mak doona ehanite!” awa aum.

Mak 9:24

Jesus Nug anam a amu nid mameg nug aum. “Da oolppa genab nakokib doottem, amge na heppe okkai baɗ!” awa aum.

Luk 17:6

Aeg amu Naɗi Nug aum. “Ag ahilag ooppa genab doyak am mastet aeg, am aeg nagnag, am amubia dayeb amu, geha ag ad mulber imu, nuhignu, ‘Na diɗin ele oh kakeɗinna, gona yuppa be!’ akkulag amu, nug geha ahilag nai am dim lamidkku.

Jon 11:40

A am Jesus Nug aum. “Da tatam na amenppa imu ami. ‘Na ootppa genab dookkut amu, na Kayak ebehi gemu anidkkut,’ ” awa aum.

Aposel 14:9

Nug Pol nai mattie doyeye, Pol nug tutukku danab amu neekkitta, nug nuhig ooppa genab doyakppa eɗua ena daakkunu elele anttom

Hibru 11:6

Danab laa nug ooppa genab ii dootte ele amu, Kayak Nug nuhignu oo ena dookkunu elele iitta. Aɗinu? Danab ag nuhigppa wakkulagnu oolag hette amu, ag Kayak Nug daatte, amu danab ag oolag unuqagppanu Nug mattin oitteb ele, Nug ag nob ena madatte oolagppa genab dooglagoitte. Ib laa iitta.