Mak 9:21 - Nobonob Baibel

²¹ Anam heehe amu Jesus Nug nid mameg oɗ mettom. “Nid imu nug inam hette ele amu, haen adekkuppanab digmeum?” Awa a amu nid mameg nug aum. “Nug nid nakokppa imu digmeum.

Mak 9:21 Iomraidhean Croise

Job 14:1

Danab oh ag ah oolkadppanu dotteb ele, ag wanppa haen elab ii daatteb. Ao, ag uug kuɗumnab ele maon oitteb.

Job 5:7

Am genab, uug digdig ig danab, ihinigppa betteb am hamu ii betteb; ig heut betteb. Ao, aab ewewe, aeg genabnab pitigna tetteb, nak o laih laih ukkak iitta, genab amubia ig heut, uug ig iqatte.

Sam 51:5

Antte! Anai menuiɗom, haen amuppa da hipunin danab daami. Ge, anai ooppa nid bekkulnu meul oum, haen amuppa da hipunin danab daami.

Mak 5:25

Amu ah laa appa dayom ele nug tiig nak oɗe maɗ 12 nuhigppa dayom. Iitta ii mettom.

Mak 9:20

Nug anam a amu ag nid omalna, Jesus toppa waeg, ouɗi nau nug Jesus antta, nug paha he, nid nug beɗu hahaɗeɗe, na qa wanppa niiaya, itoɗieye, hipaɗu neum.

Mak 9:22

Haen kuɗum ouɗi nau nug nid imu heeb mauhkkunu ha, nug buɗie, aab aɗuppa o leppa na qette amunu, na elele daattem dayeb, na ihinihnu oo bodoetta le mak doona ehanite!” awa aum.

Luk 13:16

Amu ah imu, nug amu Abraham aɗeg laa, am Satan nug maɗ 18 oɗe metta aɗa dayom. Amu diig aɗinu da Sabat deɗppa da nug beɗu ii uhuqkkul? Am aɗinu amuam elele iitta?” awa aum.

Luk 8:43

Ukkaegeg, ah laa ele appa dayom amu, nug tiig nak oɗe maɗ 12 nuhigppa dayom. Iitta ii mettom. Nug dokta gumatta ukke bappaidnana, ehanidkkulagnu elele iitta, nug men doɗo nuhig iitta meum, amge nug eɗua ena ii dayom.

Jon 9:1

Jesus Nug ukka wana, ib man ugakka, danab ameg gaɗuak ele anttom. Nug anig ooppanu ameg gaɗuak ele anam doum.

Aposel 14:8

Am Listra appa danab laa dayeye anidpiɗ. Nug baekuɗ kaliak amunu ii oiyom, dayakib dayom. Nug anig ooppan baekuɗ amu anam ele doa, laa ii oiyom.

Aposel 3:2

Ukkaeh, danab laa ag danab laa, nug baekuɗ kubuku bata noak kaliak daapiɗ, ag nug maon uɗippig. Nug anig ooppanu anam doum. Ag deɗ oh nug aon gona, Kayaknu mettid lagnu aɗ odppa, od amunu ag, Anttaknu Enanag atteb, amu gukkuidna meeg dayeye, danab ah ag Kayaknu mettid lag ooppa noegeg, men doɗo mettaglagnu unuqadkkunu dayom.

Aposel 4:22

Danab nug kobol danab haknu elele iitta, amuppa eɗua ena dayom ele amu, nug nuhig maɗ 40 anam amunu, diig amunu danab ah ag Kayak binag meppig.

Aposel 9:33

Daanna aab amuppa Pita nug danab laa anttom, nug onig Ainias. Nug eppeg baeg ele mauhak amu, nug maɗ eblaih ewam ele anam abenppa niiakib niiom.