Mak 9:12 - Nobonob Baibel

¹² Ag anam aeg amu Jesus Nug aum. “Ɗo mehuqak danab ag, ‘Elaiya nug tatam uɗia, keeke oh bappaidkku,’ atteb amu, ag genab atteb, amge ag dahilad, ag Kayak nai laa ele dabmekkulag. Nai amuam inam. ‘Danab Bekkalag da, da guittak dooppi geɗilkkulag.’

Mak 9:12 Iomraidhean Croise

Sam 74:22

O Kayak, na binan lokkumak daamanu na heppe, miag atiak daakkunu oɗ medattem. Ao, na danab ag Kayak dab-ii-menan ii dim lamidtteb ele, ag deɗ oh amun tuqan ele na aon aon nidatteb amu, na amu dabmekkutnu unuqidttem.

Aisaia 49:7

Yawe, Nug am Israel, ahilag qagaiettakppanu eɗua uhuqaknu ehanittak daatte, Nug Israel dilag Kayak Oppiaawak Ele amu, Nug nuhig maɗi nid, laa ag nuhig danab amunu oolagppa ena iinab dootteb, nuhig danab amu Nug wanppan okkai dilag maɗi nid daatte amu, Nug nug amegppa atte. “King ag na anidna, ag ahaglag. Danab okkai laa ag na anidna, ag dup nona, gomelna daaglag,” awa atte Ag amu hekkulagnu diig am, Yawe Nug nuhig diignu oo metta ii uuak kobol dim lamidtte; Nug aɗi hekkunu atte amu, Nug hette, ag amu anidkkulag. Ao, ag amu hekkulagnu diig am, ag Yawe, Nug Israel, ahilag Kayak Oppiaawak Ele, ag Nug na tituanittom amu, ag Nug anam heum anidkkulag.

Aisaia 50:6

Haen danab ag da gomel mataɗppig amu, da gomel ag mattami. Yo, ag da akkaɗil hiɗaegeg, da ag iɗul mattami. Ge, ag da eheɗ aon aon iunna, hunu iuppig amu, da iɗul ii lokkummi.

Aisaia 52:14

Laa ag heppeg, nug beɗu nauha auttanab aokku. Ag anam heppeg, danab ah laa ele ag nug beɗu am danab beɗu bia ii anidmana. Ao, nug beɗunu anttak am keeke laa bia daakku. Nuhigppa anam bekku amunu, laa kuɗum ag nuhignu, am dabmak huanaknab aoglag.

Sekaraia 11:13

Ag meɗaeg, Yawe Nug da amelppa aum. “Buɗippe ukkeb, waa keeke hak danab nug awaɗ!” awa aum. Ag dahilppa heppig amu, ag eheɗ hena, uɗat dahilnu nob men doɗo honapnab da meɗappig. Amu Yawe Nug anam aum amunu, da men doɗo amu buɗii ukke, waa keeke hak danab, nuhignu Yawe laugppa ukkom.

Sekaraia 13:7

Yawe Nukka Ɠagattag Oh Ele Nug atte. “Qep elab, na ahan, dahil sipsip gumak danab qe! Ge, qep elab, na danab da gukkuiɗak daatte ele qe! Qep elab am sipsip gumak danab qeeb amu, sipsip, ⌊dahilad danab ah amu,⌋ ag oolna, matatun gokkulag. Anam, amge da dahiladnab sipsip gumak danab sipsip nakkud bekkadtte bia atognoadkkul.

Malakai 4:6

Amu da uɗie heppi, ahilag wan eheɗ laa awaknu anak waappa daamanu amu, Elaiya nug uɗia heeb, nid mamelkad ag ahilkad nid dilagnu oolag daakku; amu nug heeb, nid ag ele ag mamelkad dilagnu oolag daakku.” Yawe Nukka Ɠagattag Oh Ele Nug anam atte.

Matyu 16:21

Haen amuppa Jesus Nug digma, Nug ib laa iitta, Nug Jerusalem ukkeb, appa Juda dilag ikki danab, mana mettak danab okkai, amu ɗo mehuqak danab ele ag heppeg, Nug guittak kuɗum dookku, ag qeppeg mauhkku, deɗ ewam uueb Kayak heeb, Nug eɗua hippaidkku amu, Nug nuhikkud ippunittak awak danab amelagppa aum.

Matyu 26:24

Danab Bekkalag da, Kayak nai atte amubianab da mauhkkul, amge danab nug Danab Bekkalag da, kekeɗ eppelagppa meiɗkku amu, nuhignu gadonnab gadon. Nug anig nug ii menulo am ena,” awa aum.

Mak 10:33

“Doyeg! Ig gemu iikku Jerusalem gottem. Gopput, laa nug Danab Bekkalag da, mana mettak danab okkai amu ɗo mehuqak danab ele ag eppelagppa meiɗeb, ag da hettoɗiakppa meiɗna, iuppeg mauhkkulnu nai qakkana, ag da iitta aɗi eppelagppa meiɗkkulag.

Mak 9:13

Anam amge da ag amelagppa attem. Elaiya nug matu uɗiom amu, ag nuhigppa eheɗ hekkulagnu oolagppa dayom bianab ag heppig. Kayak Nai amunu niiom bia ag heppig,” awa aum.

Mak 9:31

Aɗinu? Nug nuhikkud ippunittak awak danab nuhignu inam ippuanattatta aum. “Danab Bekkalag da amu, laa nug geha da danab eppelagppa meiɗeb, ag heppeg da mauhkkul. Mauhoya amu deɗ ewamppa da eɗuen hippaidkkul,” awa aum.

Luk 1:76

Sekaraia nug anam ana, nug nai baula tuɗitta aum. “O nid dahil, na Naɗinu ib bappaidkkutnu, na Kayak, Nug danab nuhikkud hipunin uhuqa mettak ibppa eɗua diikkunu ippunadkkutnu amu na Naɗi noob aon, anuqna gokkut amunu ag nahipnu, ‘Nug am Kayak Attannab Laa Oh Eɗattaknu propet,’ aon akkulag

Luk 23:11

Herot nug nuhikkud daup ele ag Nug hippeg qakkan, aon aon qettan, dimettan, lamen elab enanag laa aon takkidna meeg, eɗua Pailat toppa ukkom.

Luk 23:39

Danab nau aɗit atulatppig amu, laa nug ele Jesus awa awa qetta aum. “Na am Kristusde! Na nagakka beɗun uhuqna, i ele uhuqite!” awa aum.

Aposel 1:6

Anam amunu, haen laa ag oh qagmena, ag Nug oɗ medappig. “Naɗi, haen imuppanab na heppe, Rom ag ahappeg, ig Israel ig eɗut wan ihinig gumagnigte?” aon appig.

Aposel 4:11

Kristus Nug am ‘men laa, ag lag hak danab ag uuppig, amge Nug men anuqak beum daatte.’