Mak 8:6 - Nobonob Baibel

⁶ Ag anam aeg, Jesus Nug danab ah kuɗum oh ag wanppa heɗep nena daaglagnu a, ag aakku daappig. Ag anam daaegeg, Jesus Nug bret kunum eblaih aɗit ele awa, Kayak amegppa, “Ena hen mekkame,” awowa, pane ne, nuhikkud ippunittak awak danab paniglagnu matte, ag panippig.

Mak 8:6 Iomraidhean Croise

Matyu 26:26

Jesus Nug anam a, ag ee lanana daanna, Jesus Nug bret awa, Mameg amegppa, “Ena heme” awowa, pane ne, pania nuhikkud ippunittak awak danab madatta, Nug aum. “Ag aon laig! Imuam da beɗul,” awa aum.

Mak 8:20

Anam aeg amu Nug aum. “Aria, deɗ laa da bret kunum eblaih aɗit ele panai, danab 4,000 lana malaeg amu, ag ee huppu kaleg gane inaeg ambeum?” awa aum. Awa a amu ag, “Eblaih aɗit ele,” appig.

Mak 8:5

Ag anam aeg, Jesus ag oɗ mattom. “Ag bret kunum gane ele?” awa aum. Awa a amu ag appig. “Bret kunum eblaih aɗit ele,” aon appig.

Mak 8:7

Kakai naunau laippu laippu ele dayom amunu Jesus Nug amunu ele Mameg amegppa, “Ena heme” awowa, paniglagnu ippunittak awak danab ele mattom.

Luk 12:37

Am danab okkai nug uɗia, nuhikkud maɗi nid ag ii niippeg anadkku, aria maɗi nid amu, ahilagnu am ena. Da genab ag amelagppa attem. Geha danab okkai nug nukka lamen tutu matagiɗ ele takkowa, nug ab, maɗi nid amu ag balalppa daappeg, nug nukka ag ee madakku.

Luk 24:30

dimppa ee lakkulagnu hena, Jesus Nug aa ele oh balalppa daanna, Nug bret awa Kayak amegppa, “Ena heme,” awowa, pane ne, Nug matete,

Jon 2:5

Jesus anam a amu, anig nug maɗi nid amelagppa aum. “Nug aɗi nai laa ag amelagppa ab amu, ag Nug oɗe dim lamitteg!” awa aum.

Jon 6:23

Aria ag anam doonna daappig, amu uub laala Taiberiasnu ag uɗin, Naɗi Nug unuqittowa, bret matte lappig abenppa eeɗppig

Rom 14:6

Amu danab laa nug deɗ laanu gun dootte, danab amu, nug Naɗinu dabmaama anam dabmette. Amu danab laa nug ee oh latte, nug Kayak amegppa, “Ena ha meɗom,” anana latte amunu, nug ele Naɗinu dabmaama anam hette. Aria, danab laa nug ee oh ii latte, nug ele Naɗinu dabmaama, teppu laa lamanu gun mette, amuppa nug ele am Kayak amegppa, “Ena ha meɗom,” awa atte.

Kolosi 3:17

Ag nai madittebtai, o iitta ag uɗat hettebtai, o iitta ag aɗi keeke hetteb amu, ag Jesus onigppa Mame Kayak amegppa, “Ena heme,” anana, ag keeke amu oh Naɗi Jesus onigppaib heig!

1 Samuel 9:13

Amu aa goya, aabppa teya, ooppa noyaya, aa nug anidkkulah. Nug aabppan mettid lag nakokppa, danab laa ele mana mettaknu doɗ lakkulag amunu, aa ig amut bia hekkulah dayeb, aa nug aben amuppa ii tak haenppa anidkkulah. Aɗinu? Nug teppu amu ititteb, danab ag aakku lakkulag; tatam ii itittom haenppa ii lamana. Aa paha teiɗ! Aɗinu? Aa anam hekkulah amu, aa haen amuppa anidkkulah,” aon appig.