Mak 8:34 - Nobonob Baibel

³⁴ Anam ana amu, Nug danab ah, amu nuhikkud ippunittak awak danab ele ag onilagppa e uɗieg, Nug amelagppa aum. “Laa nug da dim lamiɗkkunu oo dayeb amu, nug nuhig dabmak dim lamidkkunu dab-iinab-mema. Iitta! Nug nuhig ad emaitak amu mawa, da dim lamiɗaɗ!

Mak 8:34 Iomraidhean Croise

1 King 14:8

Da Dawit bekkod dilagppanu Israel oh dilag king dayaknu ehah amu eɗue awe, laih imunu uɗat amu, da na mettami. Da na mettami, amge na kobol ena ii dim lamidme, maɗi nid dahil Dawit dim lamittom bia. Nug haknunab nai dahil oh dim lamitta, nug da meu ohppa dim lamiɗom. Nug kobol ena, kobol tutukku oh ele da ami amu, nug heum.

Namba 14:24

Amge dahil maɗi nid Kalep, nug am diig laa; nug oo unuqag eleppa genab da dim lamiɗtte amunu, da geha nug omale, wan nug ukkom eleppa gokkul. Amu nug buɗub ag geha wan amu aon daaglag.

Matyu 10:38

Laa ele, danab nug nuhig ad emaitak awa, da dim ii lamiɗtte, nug da layal iitta.

Matyu 16:24

Haen amuppa Jesus Nug nuhikkud ippunittak awak danab amelagppa aum. “Laa nug da dim lamiɗkkunu oo dayeb amu, nug nuhig dabmak dim lamidkkunu dab-iinab-mema. Iitta. Nug nuhig ad emaitak mawa, da dim lamiɗaɗ!

Matyu 27:32

Ag aon gonana, ag wan laa onig Sairini ted onig Saimon uɗappa tena, ag nug duttuna heeg, nug Jesusnu ad emaitak mawom.

Mak 10:21

Awa a amu Jesus Nug danab amunu dabmak awa, nuhignu oo mauhe amu nug amegppa aum. “Keeke laippunu amuppaib na elele iitta. Na gona, na enun oh meppe, danab laala daden meppeg, na men doɗo amu oh aon, daɗek danab mattona, na hab attan enun okkai ele daakkut. Na anam hewona amu, na eɗun dona, da dim lamiɗe!” awa aum.

Mak 7:14

Aria, Jesus Nug baula danab ah kuɗum appa daappig gumidna gokkulagnu e, ag ukkaeg, Nug ag amelagppa aum. “Ag nai dahil daulagppa doon, nai diig tutukku doyeg!

Luk 13:24

“Ag od hogogdoak ele noaknu ebehilag qaiettaɗ! Da ag amelagppa attem, danab kuɗum ag od oɗe nakokppa nokkulagnu hekkulag, amge ag elele iitta.

Luk 14:33

Amge amubia ag oolagppanu danab nug nuhig keeke oh uuatta ii dimadatte dayeb, aria nug dahil ippunittak awak danab daakkunu elele iitta,” awa aum.

Luk 18:22

Nug anam a, Jesus Nug nai amu doya, amegppa aum. “Keeke laippu amuppaib na elele iitta. Na gona, na enun oh meppe, danab laala ag daden meppeg, na men doɗo amu oh aon, daɗek danab mattona, na hab attan enun okkai ele daakkut. Na anam hewona, na eɗun dona, da dim lamiɗe!” awa aum.

Luk 20:45

Amu danab ah oh ag daanna, Jesusnu nai doyegeg, Nug nuhikkud ippunittak awak danab amelagppa aum.

Luk 9:23

Anam ana amu Nug nuhikkud ippunittak awak danab oh amelagppa aum. “Laa nug da dim lamiɗkkunu oo dayeb amu, nug nuhig dabmak dim lamidkkunu dab-iinab-mema, nug nuhig ad emaitak deɗ oh mawa, da dim lamiɗaɗ!

Jon 10:27

Sipsip dahilad amu, ag da baal dootteb. Da ag doyadttem, amu ag da dim lamiɗtteb.

Jon 19:17

Pailat Jesus ag eppelagppa me, ban danab ag aoeg, Jesus nukka ad emaitak mawewe, aben laa onig Ikki Ebehinu Aben, appa goppig. Hibru naippa ag aben amunu Golgata aon atteb.

Aposel 14:22

Aa goyaya, aa Kristen ɠagattag aqai, ag ɠagattag daanna oiyegeg, ahilag ooppa genab doyak na qemanu ayaya, inam ele apiɗ. “Ig Kayaknu ɗo maɗoɗ ooppa nokkunignu, ig tatam uug kuɗum aot oignigoitte,” aoya apiɗ.

Rom 6:6

Amu ig doottem, ig oonig alag, ihinig oiyak alag amuppa beum ele, nuhig ɠagattag ig duttunigmanu, ig ele hipuninnu begbeg maɗi nid ii daamtanu, Kristus ad emaitakppa mauhom, haen amuppa ihinig oiyak alag am ele appa Nug ele mauhom.

Rom 8:17

Amu ig Kayak bekkod daattem dayeb, ig geha keeke Nug megakkunu dabmette ele aognig. Laa ele amu, Kayak Nug keeke Kristus medakkunu dabmette amu, ig Nug ele oh amu aognig. Yo, ig Kristus uug mawom, uug amu genab tuɗidta maognig dayeb, dimppa ig Nug hab aabppa dayak enanag awom ele, ig amu ele aognig.

1 Korint 15:31

O lailad, deɗ deɗ ohppa da mauhak ib oɗeppa oittem. Nai laa imu, ig oh ihinig Naɗi Jesus Kristusnu daattem amunu, da ahilagnu maɗoɗppan gamag ahak doottem, nai amuam genab, amubia da deɗ deɗ ohppa mauhak ib oɗeppa oittem am ele genab.

1 Korint 8:13

Anam amunu da doɗ teppu ag main, kayak hambuppuak medappig ele, da amu lappi, kobol amunu da layal nug hipunin hekku dayeb amu, aria da doɗ teppu amu baula ii lapa. Da hanhan amu dimetten oippi ukkeb, wan haen iitta mekku. Aɗinu? Da heppi, layal nug hipunin hemanu dabmettem.

1 Korint 9:19

Da danab laa nug he, maɗi nid nuhig ii daattem. Iitta! Amge da danab kuɗum eeɗadppi, ag Jesus dim lamidkkulagnu hettem amunu, da dakka danab oh dilag begbeg maɗi nid daakkulnu ool he daattem.

Galesia 2:20

Da Kristus ele oh ad emaitakppa aihlop bia mauhmi amunu da gemu bau ii daattem. Iitta. Kristus Nug da oolppa bau daatte. Anam daatte amunu, dahil oiyak wan imuppa oh amu da Kayak Bekkanu oolppa genab doyeye oittem. Nug dahilnu oo mauhe amu dahilnu ele mauhom.

Galesia 5:24

Kristus Jesusnu danab oh ag oolag alag, nuhig beɗunu kobol amu oo ahak nau kobol ele oh ad emaitakppa atulppig daatteb.

Galesia 6:14

Amge da keeke laa binag ii mepa. Iitta. Da Naɗi Jesus Kristus, Nug ad emaitakppa mauhom, da nuhig uɗat amu oh aakkuib da binag mekkul. Kristusnu ad emaitaknu ɠagattagppa amu, wan imuppan kobol da ii toniɗtteb. Da ele, da kobol amu dim lamidttem.

Pilipai 3:10

Kristus, Nug mauhowa, Kayaknu ɠagattagppa eɗua hibaittom amu, da Nug, amu ɠagattag amu ele dookkulnunab hettem. Ele amu, Nug aɗi uug mawawa oiyom amu, da ele mawewe oikkulnu, Nug attem haaha mauhom amu, da ele anam mauhkkulnu ool daatte.

Pilipai 3:7

Amge da gemu Kristusnu dabmak anuqak aottem amunu, keeke amu oh, anukka da amunu, “Keeke imu binag ele,” ami amu, da gemu keeke amunu amu, da hamu bia doottem.

Kolosi 1:24

Amu da gemu beɗulppa guittak maottem imu amu, da amunu maɗoɗppan gamag ahak doottem. Aɗinu? Da Kristusnu Kristen tamaniak, amuam Nug beɗu aakku amu, da tamaniak amu ehanidkkulnu ool daatte. Guittak Kristus Nug Kristen tamaniak ehanidkkunu mawom amuam daatte, amge guittak da dakka beɗulppa maottem imuam da amuppa hei, Kristus Nug guittak mawom amu aakku ambette.

Kolosi 3:5

Amunu ag wan imunu kobol, kobol amu ag oolagppa uɗat henana daatteb ele amu, ag kobol amu oh aqappeg iitta meig! Amu da kobol imunu attem; gappai kobol, kobol dubuttid ele, kobol naunu oo ahe ittag doyak, amu baubau awaknu hik qak kobol, amuam kayak hambuppuak binag mak kobol laa aakku, kobol amu ele.

2 Tesalonaika 3:11

Ig nai imu yaattemnu diig am, ig gemu laala ag uɗat hak kobol uuna, hamu oina, ag akka kobol ena ii henana, ag laa dilag dabmak, maittak keeke baolikkulagnu hettebnu nai daunigppa doottem.

Taitus 2:12

Kayaknu ehanittak okkai hamu mettak amu, nug ig Kayak dimettak kobol amu wannu oo gamag ahaknu dabmak nau ele, ig amu oh uuta, ig wannu haen imunu oitta, ig ikka ig ihinig oiyak pehettak atognota, tutukku oita, Kayaknu kobol dim lamidkkunignu ippunigtte.

Hibru 13:13

amunu ig ele aab okkainu aɗ dimittim nuhigppa gota, Nug uɗa nak guittak ele Nug mawom bia maotu!

1 Pita 4:1

Aria, Kristus Nug danab beɗu awom, beɗu amuppa guittak naɗi awom amunu, ag ele Nug heum bia dabmak ɠagattag aweg! Aɗinu? Danab nug guittak beɗuppa awom amu, nug aakku hipunin tuɗitta hekkunu oo ii daatte.

1 Pita 4:13

Iitta. Dimppa Kristus binag amahlak oppiaawak ele miag atiak bekku, haen amuppa ag maɗoɗppan gamag ahak naɗi dooglagnu, ag uug mawak haenppa ag uug anamppa ag Kristus uug mawom bia ag uug maotteb doonna, maɗoɗppan gamag ahak doyeg!

2 Pita 1:14

Aɗinu? Da ihinig Naɗi Jesus Kristus, Nug da ippuniɗom bia, haen elab iitta amu da beɗul imu uuidkkulnu doottem.

1 Jon 3:16

Kristus Nug ihinignu mauhom, amuppa ig oo mauhak kobol doottem. Amubia ig ele ig lainkad dilagnu mauhkkunignu daatte.

Revelesen 2:10

Nakok laa ele ag Smerna, ag uug baula maoglag, amge ag keeke amunu aib baɗappig. Doyeg! Ag Smerna daatteb, ag ahilag ooppa genab doyak am genab, o genab iitta doyaknu, ag ma anttak aoglag. Amuam Satan nug heeb, ahilkad kekeɗ ag oolagppanu laala maniguittakppa maadkkulag. Laa amu, ag deɗ 10 ag Smerna eheɗ hattaglag. Na oo metta ii uuak kobol dim lamidna, ootppa genab doyak ɠagattag aɗappe ukkeb, haen na mauhttem, amuppa amu da na bauklel hanhannu medakkul.