Mak 8:33 - Nobonob Baibel

³³ Jesus Nug eɗua, ippunittak awak danab laa oh neekkattatta, Nug Pita daug bata, amegppa aum. “Satan, na dimulppa ukke! Na Kayaknu dabmak ii dim lamidttem; na danab dilag dabmak dim lamidttem,” awa aum.

Mak 8:33 Iomraidhean Croise

2 Samuel 19:22

Nug anam a, Dawit nug aum. “O Seruia bekoɗ, ahilah dabmak, am dahil dabmak ele laippu iitta. Gemu aa da uug meɗattep. Ig gemu hepput, Israel oolagppa danab laa mauhkku am enate? Iitta! Gemu da king daattem doottem amunu, laa nug ii mauhma,” awa aum.

Job 2:10

Job wau nug anam a, Job oɗeppa awa aum. “Na am ah nug dabmak tutukku iittappa keeke hette bia nai madittem. Kayak Nug keeke ena ig mekkebeb, ig oonig bodoetteb aognig am ena, amge Nug uug ig mekkebeb, ig oonig bodoetteb, amu ele aognig am ena. Ig enaib Nug eppegppa aognignu aib dabmemut,” awa aum. Job anam aum amunu, uug amu oh nuhigppa beum amu, amu ohnu Job nug nuhig naippa hipunin laa ii heum.

Sam 141:5

⌊Amu da digmein, eheɗ hekkul hettem dayeb amu, na heppe,⌋ genab tutukku hak danab nug da bu iukku, o nug da daul batakku, am ena; Da bu qak, o daug batak amu ii uupa. Da eheɗ hak danab ag hanhan tuɗidna, eheɗ hemananu unuqidttem.

Lewitikas 19:17

Na layapnu nau ninig ele aib doome. Amge na layap laa nug hipunin heebeb, na Kayak noobppa na nug ele beɗulttippa aab ele daamyanu, na genab layap daug bate!

Matyu 15:23

Ah nug anam aum, amge Jesus Nug oɗeppa nakok laa ii awom. Oɗeppa nakok laa ii awe, nuhikkud ippunittak awak danab ag Jesus gumidna dona appig. “Ah imu nug ewawa, ig dim lamigttede! Na heppe ukkaɗ!” aon appig.

Matyu 16:23

Pita anam awa a amu, Jesus Nug eɗua Pita amegppa aum. “Satan, na dimulppa gona, da ippulppa aib daame! Na Kayaknu dabmak ii dim lamidttem; na danab dilag dabmak dim lamidttem,” awa aum.

Matyu 4:10

Awa a amu, Jesus Nug Satan amegppa aum. “Satan, na qe me! Kayak naippa yaak inam daatte. ‘Na Naɗi, nahip Kayak, na Nug noobppa dup nona binag me! Na Nugib waappa daanna, Nug oɗe dim lamitte!’ ” awa aum.

Mak 3:34

Nug anam ana amu, Nug neekka oiyaya, ag Nug talilidna daappig amu anatta, Nug aum. “Antteg! Imuam da anil amalad ele.

Mak 3:5

Ag toettan daaegeg, Jesus Nug neekka anatta, Nug oo nauhak doya, ag ahilag dabmak ɠagattag eppom ele antta, Nug amunu oo uugnab doya, Nug danab eppeg mauhak ele amegppa aum. “Na eppen taiette!” awa aum. Jesus Nug anam a amu, danab amu nug eppeg taiette, eɗua laih bia, ena dayom.

Luk 22:61

Anam he, Naɗi Nug eɗua Pita neekkitte, nug ameg qewoya, Pita aakku Jesusnu nai, “Tuqan imuppa na dahilnu, ‘Da Nug ii doottem,’ aon, haen ewam batak akkut. Na haen ewam anam appe, geha matuk dawai nug gaakku,” nai amu Pita daugppa doum.

Luk 4:8

A amu Jesus Nug Satannu nai nob ma aum. “Kayak naippa yaak inam daatte. ‘Naɗi, nahip Kayak, na Nug noobppa dup nona binag me! Na Nugib waappa daanna, Nug oɗe dim lamitte!’ ” awa aum.

Luk 9:55

Anam apiɗ amge Jesus Nug eɗua ⌊neekkata⌋, aa daulah batom.

1 Korint 5:5

aria danab amu nug beɗu nauhkkunu, amge nug ouɗi Naɗi Jesusnu deɗppa Padal ii maknu ehanittak aokkunu, ag danab amu aon, Satan eppegppa meig!

Pilipai 3:19

Ag akka ag beɗulagnuib dabmetteb, amu dabmak amuam ahilag kayak aakku daatte. Ag uɗa nak keeke digdignu oolag gamag ahehe, ag wanppanu keekenuib dabmetteb. Danab amunu ag geha padal mak aoglag.

1 Timoti 5:20

Am danab laa hipunin haaha daakku amu, na danab ah noolagppa daug batan, tutukku mette! Amuppa amu danab laala oh ele baɗan, hipunin ii hemana.

Taitus 1:13

Nai amuam genab amunu, ag ooppa genab doyak tutukku mettaglagnu, na ag daulag ɠagattag bate!

1 Pita 4:1

Aria, Kristus Nug danab beɗu awom, beɗu amuppa guittak naɗi awom amunu, ag ele Nug heum bia dabmak ɠagattag aweg! Aɗinu? Danab nug guittak beɗuppa awom amu, nug aakku hipunin tuɗitta hekkunu oo ii daatte.

1 Jon 2:15

Ag wan imuppan kobol amu keeke laa wanppa niitte ele, ag amunu oolag aib mauhom. Laa nug wanppan keekenu oo mauhtte amu, nug Mamenu oo ii mauhtte.

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!