Mak 8:17 - Nobonob Baibel

¹⁷ Anam amu, Jesus Nug ag aɗi nai mattiegeg doya, Nug aum. “Ag aɗinu bret iittanu nai maditteb? Ag gemu ele elele iite anidtteb; diignu doyak tutukku ele iite dootteb? Ahilag dabmak am ituak daattete?

Mak 8:17 Iomraidhean Croise

Aisaia 63:17

O Yawe, da ig ib nahip ii ettamtanu, na ib laa oɗe oo ii nettemnu diig dookkulnu ool daatte. Ao, ig ebehinig oh bodoetta le mak kobol nahipnu dim ii lamidtutut, na ib amu oɗe ii oo nettemnu diig dookkulnu ool daatte. Ig am nahipad maɗi nid maɗi ah ele, amu na eɗun ehanigkkutnu oɗ medattem. Ao, ig Israel dilag huu okkai oh, ig am danab ah nahipadnab daattem, amu na eɗun ehanigkkutnu unuqidttem.

Matyu 12:15

Am Jesus Nug nai amu doyom amunu, Nug aha, aab amu uua ukkom. Ugekke, danab ah kuɗum ag Nug dim lamittegeg, Jesus Nug oɗe danab ah oh bappalatte, ena daappig.

Matyu 15:17

Dimittimnu keeke, danab latte ele amu, nug danabnu dabmak abenppa ii gotte. Iitta. Nug danab biigppa ukke, nug biie gotte.

Matyu 16:7

Nug anam a amu, ippunittak awak danab ag akka akka appig. “Ig bret ii aomut amunu Nug anam aum,” aon appig.

Mak 16:14

Dimppa amu Jesus Nug ippunittak awak danab 11 ag ee lanana daaegeg, Nug tula gumatta wana, Nug ag ooppa genab doyak iitta daanna, ag laa ag Nug eɗua hibaittom dimppa anidna, ag amelagppa appig, amge ag oolagppa genab dooglagnu uun, ahilag dabmak amu ɠagattag eppom, Nug amunu daulag batom.

Mak 2:8

Ag dabmak amu aoegeg, Jesus Nug nuhig dabmakppa amu doya, Nug ag amelagppa aum. “Ag aɗinu dabmak anam aotteb?

Mak 3:5

Ag toettan daaegeg, Jesus Nug neekka anatta, Nug oo nauhak doya, ag ahilag dabmak ɠagattag eppom ele antta, Nug amunu oo uugnab doya, Nug danab eppeg mauhak ele amegppa aum. “Na eppen taiette!” awa aum. Jesus Nug anam a amu, danab amu nug eppeg taiette, eɗua laih bia, ena dayom.

Mak 6:52

Aɗinu? Ag Jesus bretppa kobol heum amu ag oolag ii maittom. Ag ahilag dabmak ituak dayom.

Mak 8:16

Nug anam a amunu ippunittak awak danab ag akka akka appig. “Ig bret iitta amunu Nug anam aum,” aon appig.

Luk 24:25

Aa anam aeh, Jesus Nug amelahppa aum. “Aa am danab dabmak tutukku iitta ele. Kayaknu propet ag nai amu mehuqppig, amge aa paha oolahppa genab dooglahnu ii hettep,” awa aum.

Jon 16:30

Gemu amu ig doottem, na keeke oh doottem amunu, danab laa nug tatam na oɗ metteb, na dimppa nug nob medakkutnu iitta. Iitta. Na oɗmak amu matu doon malan, nob mekkutnu elele. Amuppa na Kayak toppanu uɗime amu, ig oonigppa genab doottem,” aon appig.

Jon 21:17

Jesus baula ewam batak Pita oɗ mettom. “Saimon, Jon bekka, na dahilnu oot mauhttete?” awa aum. Pita Jesus haen ewam batak, “Na dahilnu oot mauhttete?” aum amunu ooppa guittak doyaya, nug Jesus amegppa aum. “Naɗi, na keeke oh doon malame, amu na da nahipnu ool mauhtte ele doottem,” awa aum. Pita anam a amu Jesus amegppa aum. “Dahil sipsip bekkadna meɗe!” awa aum.

Revelesen 2:23

Da nuhikkud nid ele heppi mauhkkulag. Amuppa Kristen tamaniak oh ag dooglag, da danab oolag, amu ahilag dabmak ele epeɗie aute aottem. Amu ele, da Taiataira daatteb, da ahilag hak attemu amu, da amuppa nob madakkul.