Mak 8:12 - Nobonob Baibel

¹² Ag hekkunu aeg amu Jesus Nug nai amunu gaɗa tuqak bia doya, Nug aum. “Aɗinu gemun danab ag da Kayak dabmettaknu kobol danab haknu elele iitta heppi anidkkulagnu oɗ meɗatteb? Da genab ag amelagppa attem. Ag gemu daatteb imu amu, ag anidkkulagnu uɗat amubia amu da laa ii hepa,” awa aum.

Mak 8:12 Iomraidhean Croise

Aisaia 53:3

Danab ah ag nuhignu ena iinab doon, ag nug guhuɗidppig. Nug bau dayaya, nug oo doyak huanaknab doyaya, guittak huanak ele doyom. Danab ah ag laa, ag nug nakok laa anidkkulagnu oolag iinab hette amu, ag Yawenu maɗi nidnu ena iinab dooppig. Ig nug binag nakok laa ii mettamut.

Matyu 12:38

Haen amuppa ɗo gumak danab-Parasia amu ɗo mehuqak danab ele ag Jesus amegppa appig. “Ippunittak danab, ig na Kayak dabmettaknu kobol danab haknu elele iitta laa heppe anidkkunignu oonig daatte,” aon appig.

Matyu 16:4

Ag danab nau. Ag Kayak uuna, kobol laala dim lamadtteb ele. Ag da Kayak dabmettaknu kobol danab haknu elele iitta heppi anidkkulagnu atteb, amge da laa ii hepa. Jona nuhigppa aɗi beum aakkuib ag ippunadkkul.” Jesus anam awowa, Nug uuatta ukkom.

Mak 3:5

Ag toettan daaegeg, Jesus Nug neekka anatta, Nug oo nauhak doya, ag ahilag dabmak ɠagattag eppom ele antta, Nug amunu oo uugnab doya, Nug danab eppeg mauhak ele amegppa aum. “Na eppen taiette!” awa aum. Jesus Nug anam a amu, danab amu nug eppeg taiette, eɗua laih bia, ena dayom.

Mak 6:6

Ag oolagppa genab ii dooppig amunu, Nug dabmak kuɗum awa, Nug aab amuppanu aha, aab laalappa ukka, Kayak nai mehuqom.

Mak 7:34

Nug anam ha amu, Nug hab aabppa neekkekke, oo hik boppane, danab amegppa, “Epata,” aum. “Epata,” eɗuak am “Matulak daye!”.

Mak 8:13

Nug anam awowa amu Nug uuatta, uub attan baula ta, le ameg Galili mataɗa laih ugekke, ippunittak awak danab nuhikkud ag ele oh goppig.

Mak 9:19

Danab nug anam a amu, Jesus Nug oɗeppa awa aum. “Ag oh oolagppa genab doyak iitta. Da ag ele haen elab daamut, amge ag dahilnu oolagppa genab ii dootteb amunu, da ool uug ele. Ag haen ganeb ag dahilnu oolagppa genab dooglag? Ag nid omalna dahilppa doig!” awa aum.

Luk 19:41

Jesus anam ana Nug ukka, Jerusalem guguitta wana, Nug aab okkai amu antta, ameg leb ne,