Mak 8:11 - Nobonob Baibel

¹¹ Jesus Nug ukka te, ɗo gumak danab-Parasia laala ag Jesus gumidna gona, ag digmena Jesus keeke laalanu oɗ medappig. Amu ag Jesus ma anttak mettanna, ag Nug Kayak dabmettaknu kobol danab haknu elele iitta laa heeb anidkkulagnu oɗ medappig.

Mak 8:11 Iomraidhean Croise

Eksodas 17:2

danab ah ag Moses ele aeg ona aeg do, ag appig. “Le mekke! Ig le lakkunig,” aon appig. Aria, Moses nug eɗua amelagppa aum. “Aɗinu ag da ele nai aut ona aut dotte? Aɗinu ag Yawe ma anttak medatteb?” awa aum.

Eksodas 17:7

Israel ag Yawe ma anttak mettan, “Yawe ig ele daattemte?” appig amunu, Moses nug aben amu onig laa, Masa ataɗom. Aria, Israel ag Moses ele nug mehqeppig amunu, Moses nug aben amu onig laa Meriba ele ataɗom.

Malakai 3:15

Anam amunu, ig inam attem. Beɗuppa tak danab ag itittak ena aon oitteb. Laa ag eheɗ hetteb, ag en okkai aotteb, am laa ag Kayak Nug ahilagnu eheɗ hekkunu, Nug amegppa atteb ele amu, ag uug laa ii anidtteb amunu, ig anam attem. Ag dahilnu anam atteb.” Yawe Nug anam atte.

Matyu 12:38

Haen amuppa ɗo gumak danab-Parasia amu ɗo mehuqak danab ele ag Jesus amegppa appig. “Ippunittak danab, ig na Kayak dabmettaknu kobol danab haknu elele iitta laa heppe anidkkunignu oonig daatte,” aon appig.

Matyu 19:3

Nug bappalattette, ɗo gumak danab-Parasia laala ag Jesus ma anttak mettaglagnu Nug gumidna uɗin, inam oɗ medappig. “Ihinig ɗoppa danab nug oo uug ohppa ah nuhig lamitteb gokku am enate o ena iittate?” aon appig.

Matyu 21:23

Amu dimppa Jesus Nug Kayaknu mettid lakka noa, danab ah amelagppa nai mattieye, mana mettak danab okkai, amu Juda dilag ikki danab ele ag Jesus gumidna gona, oɗ mettan appig. “Na ɠagattag aɗippa uɗat imu hettem? Aun nug ɠagattag amu mettom?” aon appig.

Matyu 22:15

Jesus Nug nai amu mattia male, ɗo gumak danab-Parasia ag ahan, laih gona, ag attem heppeg, Jesus Nug nai eheɗ laa ab, ib anidna heppeg, ɗo danab Nug aɗaglagnu nai madippig.

Matyu 22:18

Ag anam appig, amge Jesus Nug ag eheɗ hekkulagnu heppig doya, Nug aum. “Ag am hambuppuak danab. Aɗinu ag heppeg, ɗo danab ag da aɗailkkulagnu hetteb?

Matyu 22:23

Deɗ amuppaib ɗo gumak danab-Sadyusi ag Jesus toppa uɗippig. Danab amu ag, “Danab mauhtteb amu ag eɗun ii hippaidmana,” aon adappig amunu, ag Jesus inam oɗ mettan appig.

Mak 12:15

Ig mettagnig o iitta?” aon appig. Ag anam appig, amge Jesus Nug ag hambuppuak danab dilag kobol heppig doya, Nug aum. “Aɗinu ag heppeg, ɗo danab ag da aɗailkkulagnu hetteb? Ag men doɗo laa onig danarius aon doppeg, da anttei!” awa aum

Mak 2:16

Aria, ag ee lanan daaegeg, ɗo mehuqak danab amu ɗo gumak danab-Parasia ele ag anadna, Jesusnu ippunittak awak danab oɗ madappig. “Aɗinu Jesus Nug takis awak danab, danab ag ihinig ɗo oh ii dim lamidtteb ele, Nug ag ele oh daanna ee latteb?” aon appig.

Mak 9:16

Anam aeg amu Jesus Nug ag oɗ mattom. “Ag keeke aɗinu ɗo mehuqak danab ele nai aeg ona aeg dotte?” awa aum.

Luk 10:25

Aria, deɗ laa ɗo mehuqak danab doyak okkainab ele laippu laa aha, nug Jesus eheɗ aab anidkkunu oɗ ma aum. “Ippunittak danab, da attem heina da bauklel hanhannu aokkul?” awa aum.

Luk 11:16

Ag anam aeg amu, danab laala ag Jesus ma anttak mettanna, ag Nug Kayak dabmettaknu kobol danab haknu elele iitta laa heeb anidkkulagnu oɗ medappig,

Jon 4:48

Jesus Nug nug amegppa inam aum. “Da heppi, ag Kayak dabmettaknu kobol danab haknu elele iitta digdig ii anidkkulag amu, ag oolagppa genab iinab dooglag,” awa aum.

Jon 6:30

Jesus Nug anam aum amunu ag appig. “Na Kayak dabmettaknu kobol danab haknu elele iitta aɗi laa heppe, ig anidta, nahipnu oonigppa genab doognigte? Na amu laa attem hekkut?

Jon 7:48

Ig ikki danab, ig oonigppanu o iitta ɗo gumak danab-Parasia ag oolagppanu laippu laa Jesusnu ooppa genab doottete? Iittanab!

Jon 8:6

Ag nai amuppa Jesus nai eheɗ laa ab amu ag heppeg, ɗo danab ag Nug aɗan aon, hettoɗiakppa mena, nai beɗuppa yaaglagnu ib madippig. Ag anam appig, amge Jesus Nug gomela, eppeg hiqalppa digma wanppa yaaya dayom.

Aposel 5:9

Ah nug anam a, Pita nug amegppa aum. “Amu aɗinu aa oh nai laippu mattiya, aa Naɗinu Ouɗi ma anttak mettaglahnu hepiɗ? Doye! Danab ag na gamut boumona, geha iikku eɗun doppig, ag odppa hippaidppig daatteb, geha ag na ele boumidkkulagnu mawidkkulag,” awa aum.

1 Korint 10:9

Ig Kayak ma anttak, Israel oolagppa laa heppig amubia, ig aib hemut. Ag oolagppa laala ag anam heeg, mat ag emalatteg mauhppig.

Duteronomi 6:16

Ag Masa appa, ag Yawe, ahilag Kayak naittuɗ mena, ma anttak medappig bia aib heppig.