Mak 7:9 - Nobonob Baibel

⁹ Jesus Nug anam ana amu, Nug nai baula tuɗitta aum. “Ag ahilag dabmak anukkanu dim lamidkkulagnu, Kayaknu ɗo tabappeg nekkunu doon autna aotteb.

Mak 7:9 Iomraidhean Croise

Sam 119:126

O Yawe, na keeke laa hekkutnu haen aakku doum daatte. Danab ah ag nahip ɗo loppaɗtteb.

Aisaia 24:5

Wan imuppan danab ah ag heeg, wan imuam Kayaknu neekkakppa dubuttid tak ele daatte. Aɗinu? Ag ɗo dim ii lamidna, ⌊kobol nau digdig henana,⌋ ag Kayak dimettan, nai nuhig tappaeg ne, ag nuhig nug tituana nai qakkak hanhannu Kayak Nug ag ele heppig amu, ag tippalppig.

Aisaia 29:13

Am Naɗi Nug atte. “Danab ah imu ag oɗelagppan nai mattiakppa da gumiɗna uɗitteb. Ao, ag nai mattiak ahilagppa da binal meɗatteb, amge ag oolag da ii meɗatteb. Ag dup nona binal metteb, amge ag danab dilag dabmakppaib, amu ag danab dilag ɗoppaib amu hetteb.

Daniel 11:36

Wan yawalti uɗitteppanu daatte, wan amunu king nug aɗi hekkunu oo hette amu, nug aakku hekku. Nug nukka haaha, nug kayak oh eɗattak dabmekku. Nug Kayak, kayak laa oh eɗattak daatte amu, nug nuhignu nai nau, laa nug nai amubia deɗ laa ii mattiom amu, nug nai amu nuhignu madikku. Kayak Nug danab ah hipunin heppeg, oppoɗi bak doya, bu madakkunu haen tituanom, haen amu iitta ii meebeb, king amu nug aɗi hekkunu dabmekku am hekku. Laa nug ib oo ii nema. Aɗinu? Kayak Nug danab ah ag eheɗ heegeg, bu atten aoglagnu dabmak awe ɠagattag eppom daatte amu, ag amu haenppa aoglagoitte.

Daniel 7:25

King amu nug Kayak Attannab Laa Oh Eɗattaknu nai nau anana, nug Kayaknu danab ah oppiaawak ele uug nau madatta, nug heeb, ɗo laala Kayak meum, keeke laala ele Kayak meum daatte baolikkunu hekku. Nug anam heebeb, Kayak Nug ib oo ii nekku amunu, king amu nug Kayaknu danab ah oppiaawak ele maɗ ewam maha ele eɗadkku.

Mak 7:13

Ag ag alalkad dilag ɗonu anuqak doon dim lamidtteb amuppa ag heeg, Kayaknu ɗo amu hamu bia daatte. Ag keeke kuɗum amubia hetteb,” awa aum.

Mak 7:3

Ɗo gumak danab-Parasia amu Juda danab laala ele ag eppelag ii ihana, ag alalkad appig amubia, ag ee ii latteb.

Mak 7:5

Ɗo gumak danab-Parasia, amu ɗo mehuqak danab ele ag anam hanhan hedappig amunu, ag Jesusnu ippunittak awak danab eppelag ii ihappig, ee laeg anadna, ag Jesus amegppa appig. “Ippunittak awak danab nahipad ag eppelag ii ihona, ee latteb. Aɗinu ag alai aɗi anukka ɗo meppig niitte ii dim lamidtteb?” aon appig.

Rom 3:31

Amunu ig ooppa genab doyak amuppatai ɗo qeut neumte? Iittanab! Ig ɗo aakku qappamut daatte.

2 Korint 11:4

Aɗinu? Danab laala ag gumadna gona, Jesusnu nai kabolinna, ahilag dabmakppa nai ag amelagppa mehuqeg, ag aotteb. Jesusnu nai amu, da Jesusnu nai mehuqttem ele amu, aa laippu iitta, am laa. O iitta danab amu ag ouɗi laanu mehuqeg, ag aotteb. Nug am Kayak Ouɗi, ag anukka aoppig ele amu, Nug iitta, am laa. Amu ag nai diig laa mehuqeg, ag aotteb. Nai amuam Nai Ena, ag matu aoppig ele amu iitta, am laa. Danab ag kobol amu ag oolagppa hetteb ele, ag Korint danab ag agib dabmettan daanna, oolag hette.

Galesia 1:14

Da lailad oolagppa, danab bau kuɗum da ele huu laippu amu da ag eɗatte, da Juda dilag kobolnab dim lamidmi. Da alalad aɗi dilag kobol amu, da amu oh ɠagattagnab dim lamidkkulnu hemi.

Galesia 2:21

Da Kayaknu ehanittak okkai hamu megatte ele, da amunu keeke hamu bia ii doottem. Am ig danab ig ɗo dim lamidta, genab tutukku hak danab bekkunignu elele daalom amu, Kristus Nug ihinignu mauhom amu Nug aakku hamu mauhlo.” Da anam Pita amegppa ami.

2 Tesalonaika 2:4

Danab amu nug danab laa oh ag keeke oh dilagnu, “Imuam Kayak,” atteb, keeke amu noolagppa ag gatelag qaun otteb ele amu, nug amu oh tappeb neeb, nug onigib humeb, attan tekku. Nug Kayaknu mettid lag, appa nug aguppa daakkunu ta dayaya, nuhignu, “Da iikkuib am Kayak,” awa akku.