Mak 7:7 - Nobonob Baibel

⁷ Ag dup nona binal metteb, amge ag kobol genab dim lamidna ii hetteb. Iitta. Ag danab dilag dabmakppaib, amu ag danab dilag ɗoppaib amu hetteb.’

Mak 7:7 Iomraidhean Croise

Aisaia 29:13

Am Naɗi Nug atte. “Danab ah imu ag oɗelagppan nai mattiakppa da gumiɗna uɗitteb. Ao, ag nai mattiak ahilagppa da binal meɗatteb, amge ag oolag da ii meɗatteb. Ag dup nona binal metteb, amge ag danab dilag dabmakppaib, amu ag danab dilag ɗoppaib amu hetteb.

Malakai 3:14

Ag anam aeg, Yawe Nug ag oɗelagppa awa atte. “Ag inam appig. Ig Kayak waappa daata, Nug oɗe dim lamidkkunig amu, ig meu ena laa ii anidmata. Aɗinu? Ig nuhig ɗo dim lamidmut amu, amuppa ig aɗi keeke ena aomut? O laa amu, ig Yawe Nukka Ɠagattag Oh Ele noobppa danab nug hipunin qa, ooppa guittak okkai amunu doya, lamen heɗiag ele takka, Yawe noobppa anam oitte bia oimut amu, amuppa ig aɗi keeke ena aomut?

Matyu 15:9

Ag dup nona binal metteb, amge ag kobol genab dim lamidna ii hetteb. Iitta. Ag danab dilag dabmakppaib, amu ag danab dilag ɗoppaib amu hetteb,’ awa yom.” Jesus Nug anam aum.

Matyu 6:7

Amunu haen ag unuqidtteb amu, ag iitta aɗi danab nai hamu kuɗum mattinna unuqidtteb, ag amubia aib heppig. Iitta aɗi ag atteb, ‘Ig nai kuɗum madipput amu Kayak Nug dookku,’ aon atteb,

1 Korint 15:14

Kristus Nug eɗua ii hibaittom am genab daalo amu, aria nai ig mehuqttem am hamu, kaya naiib daalo. Ag oolagppa genab dootteb ele amu, keeke amu ele am meu iitta, keeke hamu daalo.

1 Korint 15:58

Anam amunu O lailad, ag ɠagattag dayeg! Bittumttum amu aib goppig! Ag hanhan Naɗinu uɗat yagbak ele heig! Aɗinu? Ag dootteb, ag Naɗinu uɗat hetteb, amu geha hamu ii qettoɗma.

Duteronomi 12:32

Ag haknunab anak da attem imu oh tutukku dabmettan dim lamitteg! Ag nakok laa aib tuɗidppig, maha laa ele aib otaɗppeg neum.

Kolosi 2:22

Keeke ag ig ii aɗamtanu, ii lamatanu, ii lauɗidmatanu atteb ele amu, keeke amu oh am dimppa iitta mekku. Ɗo amuam danab dabmakppanuib. Keeke genabnab iitta.

Taitus 3:9

Amge na danab ag dabmak tutukku iittappa nai aeg ona aeg doak hetteb, ag kaino onilagnu ge iitta mattiak hetteb, amu ag ɗo meunu nug mehqak, aeg ona aeg doak ele hetteb amu, na ahilagnu awaidna laih ukke! Aɗinu? Keeke amu oh am keeke hamu; am ig kobol enappa laa ii ehanigmana.

Jems 1:26

Am danab laa nug, “Da amu Kayaknu danab ena, da hanhan genab Kayak binag mettem,” awa akkutai, amge nug oɗe ii atognotte dayeb amu, nug nukka oo buppuidtte amunu, Kayak binag mak nuhig am keeke hamu.

Jems 2:20

Na danab dabmak tutukku iitta! Kobol ena hak ooppa genab doyakppa ii betteb dayeb, ooppa genab doyak amuam keeke hamu daatte. Da amu nai imuppa ippunidkkul.

Revelesen 22:18

Danab oh ag Kayak nai buk imuppa yaak daatte amu ag ebqena dooglag ele amu, da nau aomnanu nai imu ahilagnu inam attem. Aun laa nug nai buk imuppa niitte ele amu awa, nai laa ele tuɗidkku amu keeke nau kuɗum, Kayak Nug buk imuppa amunu aum ele amu, Kayak Nug danab amu nuhigppa keeke nau amu oh qagmekku.

1 Samuel 12:21

Ag Yawe dim lamidnana, ag kayak hambuppuak aib dim lamidppig! Kayak hambuppuak amu, ag am keeke genab iitta amunu, ag ehanadkkulagnu, o laa eppelagppanu diiadkkulagnu am elele iitta.