Mak 7:18 - Nobonob Baibel

¹⁸ Oɗ mettaeg amu Jesus Nug aum. “Ag am danab laala ag dabmak iitta biate amunu, ag nai amunu diig ii dootteb? Ag doyeg! Dimittimnu keeke nug danab ooppa noa heeb, danab amu nug oo dubuttid ele ii daama.

Mak 7:18 Iomraidhean Croise

Matyu 15:11

Keeke dimittimnu danab ooppa notte ele, keeke amu danab oo dubuttid ii medatte. Iitta! Keeke nau danabnu dabmakppa lokkumak dayaya, nai oɗeppanu dimittim bette amuam he, danab oo am dubuttid ele daatte,” awa aum.

Matyu 16:11

Ag attemun keeke imunu ii dooppig? Da bretnu ii ami, amge da baula attem. Ag ɗo gumak danab-Parasia, ɗo gumak danab-Sadyusi ele dilag yisnu dabmeig!” awa aum.

Mak 4:13

Jesus Nug anam ana amu, Nug Nai baula tuɗitta aum. “Da keeke danab ag dootteb ii dootteb ele ouaqaten ippuanatten ami amu, nai amuam uug iitta, amge ag meunab nuhig ii dooppig amunu, dimppa da nai amubia, amge ɠagattag ele madippi, ag attem oolag maidkku?

Mak 7:17

Nug anam ana amu, Nug danab ah ele uuatta, lakka ukke, nuhikkud ippunittak awak danab ag keeke danab ag dootteb ii dootteb ele ouaqata ippuanittak nai amu diignu oɗ medappig.

Mak 7:19

Aɗinu? Danab nug ee latte amu ee amu nug danabnu dabmak abenppa ii gotte. Iitta. Nug danab biigppa ukke, biie gotte,” awa aum. Jesus Nug anam aum amunu ig doottem. Ee oh lanaknu am enaib.

Luk 24:25

Aa anam aeh, Jesus Nug amelahppa aum. “Aa am danab dabmak tutukku iitta ele. Kayaknu propet ag nai amu mehuqppig, amge aa paha oolahppa genab dooglahnu ii hettep,” awa aum.

Jon 3:10

Nug anam a, Jesus baula Nikodemus oɗeppa awa aum. “Na am Israel dilag ippunittak danab okkai laa, amu attemun na keeke imu ii doottem?

1 Korint 3:2

Nid yuɗ ag ee ɠagattag ii latteb, ag huh latteb, amubia haen amuppa da ag nai unuqag mattalom, ag aoglagnu elele iitta daalob amunu, da nai unuqag ii mattimi. Iitta. Da nai gai-iitta aakkuib mattimi. Ag gemu ele nai unuqag aoglagnu elele ii daatteb.

Hibru 5:11

Aria, Melkisedeknu nai am unuqagnab, ig nota apput, ag nai imu aotteb ele ag dooglag am ena, amge ag oolag ootot ele daatteb, ag paha oolag maidkkunu elele iitta amunu, ig apput dooglagnu am uug ele.