Mak 6:41 - Nobonob Baibel

⁴¹ Ag anam daaegeg amu Jesus Nug bret tanig ele, kakai aɗit ele diia aɗa, Nug hab attan neekkakka, Kayak amegppa, “Ena hen mekkame,” awa aum. Anam hewowa amu, Nug bret, kakai ele pane ne, nuhikkud ippunittak awak danab ag aon panin mattaglagnu matte, ag danab ah madappig.

Mak 6:41 Iomraidhean Croise

Matyu 14:19

Ana amu, Nug danab ah amelagppa, “Ag gikkiɗahppa dayeg!” awona, Nug bret tanig ele, kakai aɗit ele amu diia aɗa, Nug hab attan neekkakka, Kayak amegppa, “Ena hen mekkame,” awa aum. Anam hewowa amu, Nug bret pane ne, ippunittak awak danab matte, ippunittak awak danab ag diin panin, danab ah madappig.

Matyu 15:36

Ag anam daaegeg, Jesus Nug bret kunum eblaih aɗit ele, amu kakai ele diia, Kayak amegppa, “Ena hen mekkame,” awowa, pane ne, nuhikkud ippunittak awak danab mattom. Matte, ippunittak awak danab ag danab ah madappig.

Matyu 26:26

Jesus Nug anam a, ag ee lanana daanna, Jesus Nug bret awa, Mameg amegppa, “Ena heme” awowa, pane ne, pania nuhikkud ippunittak awak danab madatta, Nug aum. “Ag aon laig! Imuam da beɗul,” awa aum.

Mak 14:22

Jesus Nug anam a, ag ee lanana daanna, Jesus Nug bret awa, Mameg amegppa, “Ena heme” awowa, pane ne, pania nuhikkud ippunittak awak danab madatta, Nug aum. “Ag imu aweg! Imuam da beɗul,” awa aum

Mak 6:40

Nug anam a amu ippunittak awak danab ag aeg, danab ah anam daappig. Ameg laala ebqak 100, ameg laala ebqak 50. Ag anam daaeg ukkom.

Mak 6:42

Mattaeg, danab ah oh ag laeg, oolag dittie,

Mak 7:34

Nug anam ha amu, Nug hab aabppa neekkekke, oo hik boppane, danab amegppa, “Epata,” aum. “Epata,” eɗuak am “Matulak daye!”.

Mak 8:19

Deɗ laa da bret kunum tanig ele panai, danab 5,000 ag lana malaeg amu, ag ee huppu kaleg gane inaeg ambeum?” awa aum. Awa a amu ag, 12 appig.

Luk 24:30

dimppa ee lakkulagnu hena, Jesus Nug aa ele oh balalppa daanna, Nug bret awa Kayak amegppa, “Ena heme,” awowa, pane ne, Nug matete,

Luk 9:16

Daaegeg, Jesus Nug bret tanig ele, kakai aɗit amu ele diia aɗa, Nug hab attan neekkakka, Kayak amegppa, “Ena hen mekkame,” awa aum. Anam hewowa amu, Nug pane ne, ippunittak awak danab ag aon panin, danab ah mattaglagnu matte, ag danab ah madappig.

Jon 11:41

Jesus anam a, ag men oɗe ameg matulppig. Matuleg, Jesus hab attan neekkakka aum. “Mame, na unuqittak dahil doome amu da amunu, ‘Ena heme,’ awe attem.

Jon 17:1

Jesus nai mattiowa, Nug ameg huma, hab attan neekka dayaya, unuqitta aum. “O Mame, haen aakku uɗiom. Da am na bekkat. Da danab ah na meɗame ele, da ag bauklel hanhannu madakkulnu, na da danab ah oh dilag ikkilag daakkulnu ɠagattag meɗame amunu, da na binan amahlak oppiaawak ele na medakkulnu, na da binal amahlak oppiaawak ele meɗakkutnu oɗ medattem.

Jon 6:11

Ag daaegeg, Jesus bret diia aɗa, Kayak amegppa, “Ena hen mekkame,” awowa he, ⌊nuhikkud ippunittak awak danab ag⌋ panin, danab daappig amu oh anen anen madappig. Nug kakai amu ele anamib heum, amu danab oh ag ee elele aoppig.

Jon 6:23

Aria ag anam doonna daappig, amu uub laala Taiberiasnu ag uɗin, Naɗi Nug unuqittowa, bret matte lappig abenppa eeɗppig

Aposel 27:35

Nug anam awa amelagppa awowa, nug bret awe, ag anttegeg, nug ag noolagppa Kayak unuqitta, nug bret pana awa, digma laum.

Rom 14:6

Amu danab laa nug deɗ laanu gun dootte, danab amu, nug Naɗinu dabmaama anam dabmette. Amu danab laa nug ee oh latte, nug Kayak amegppa, “Ena ha meɗom,” anana latte amunu, nug ele Naɗinu dabmaama anam hette. Aria, danab laa nug ee oh ii latte, nug ele Naɗinu dabmaama, teppu laa lamanu gun mette, amuppa nug ele am Kayak amegppa, “Ena ha meɗom,” awa atte.

1 Korint 10:31

Amge ag ee le ele lakkulag, o keeke laa hekkulag amu ag keeke amu ohppa ag Kayak binag amahlak oppiaawak ele mekkulagnu aakkuib dabmenan heig!

Duteronomi 8:10

Ag wana, wan amu aon, ee elele lappeg, oolag aɗakku amu, ag Yawe, ahilag Kayak, Nug ag wan ena mattomnu binag meig!

Kolosi 3:17

Ag nai madittebtai, o iitta ag uɗat hettebtai, o iitta ag aɗi keeke hetteb amu, ag Jesus onigppa Mame Kayak amegppa, “Ena heme,” anana, ag keeke amu oh Naɗi Jesus onigppaib heig!

1 Samuel 9:13

Amu aa goya, aabppa teya, ooppa noyaya, aa nug anidkkulah. Nug aabppan mettid lag nakokppa, danab laa ele mana mettaknu doɗ lakkulag amunu, aa ig amut bia hekkulah dayeb, aa nug aben amuppa ii tak haenppa anidkkulah. Aɗinu? Nug teppu amu ititteb, danab ag aakku lakkulag; tatam ii itittom haenppa ii lamana. Aa paha teiɗ! Aɗinu? Aa anam hekkulah amu, aa haen amuppa anidkkulah,” aon appig.