Mak 6:3 - Nobonob Baibel

³ Nug lag hak danab iite daatte! Ig doottem, nug am Maria bekka. Nug amakkud am Jems, Josep, Judas, Saimon ele. Amu nug appinkkud ag oh ig ele iite daattem?” aon appig. Ag anam anana, ag oolagppa Jesusnu ena iinab dooppig.

Mak 6:3 Iomraidhean Croise

Aisaia 49:7

Yawe, Nug am Israel, ahilag qagaiettakppanu eɗua uhuqaknu ehanittak daatte, Nug Israel dilag Kayak Oppiaawak Ele amu, Nug nuhig maɗi nid, laa ag nuhig danab amunu oolagppa ena iinab dootteb, nuhig danab amu Nug wanppan okkai dilag maɗi nid daatte amu, Nug nug amegppa atte. “King ag na anidna, ag ahaglag. Danab okkai laa ag na anidna, ag dup nona, gomelna daaglag,” awa atte Ag amu hekkulagnu diig am, Yawe Nug nuhig diignu oo metta ii uuak kobol dim lamidtte; Nug aɗi hekkunu atte amu, Nug hette, ag amu anidkkulag. Ao, ag amu hekkulagnu diig am, ag Yawe, Nug Israel, ahilag Kayak Oppiaawak Ele, ag Nug na tituanittom amu, ag Nug anam heum anidkkulag.

Matyu 11:6

Amu danab aun nug nuhig ooppa genab doyak dahilnu ii paɗe nette amu, nug itittak ena awom daatte,” awa aum.

Matyu 12:46

Jesus Nug danab ah kuɗum appa daappig nai anam madette, Nug anig, amakkud ele ag Nug anidppeg, Nug ele nai mattiglagnu uɗin, dimittim daappig.

Mak 15:40

Amu Jesus Nug ad emaitakppa dayeye, ah laala ag piɗe daanna, neegna daappig. Ag oolagppan laa am Maria, Makdala ted, laa amu Jems gehanu Josep ele anilah Maria, laa am Salome.

Mak 3:18

⌊Laa oh am⌋ Andru, Pilip, Bartolomyu, Matyu, Tomas, Alpius bekka Jems, Tadius, Saimon, nug am Selot,

Luk 2:34

Simeon anam ana, nug itittak ena matowa, nid anig Maria amegppa aum. “Doye, nid imu heeb, Israel danab ah kuɗum ag nena qekkulag, amge Nug heeb, kuɗum ag eɗun ahaglag. Nug am Kayak anidkkunignu epponak keeke daakku, amge danab kuɗum nuhignu nai nau akkulag.

Luk 7:23

Amu danab aun nug nuhig ooppa genab doyak dahilnu ii paɗe nette amu, nug itittak ena awom daatte,” awa aum.

Luk 8:20

Ag uɗin daaegeg, danab laa nug Jesus amegppa aum. “Na anin, amapad ele ag na anidkkulagnu uɗin, dimittim daatteb,” awa aum.

Jon 14:22

Jesus anam awa a amu, Judas laa, Judas Iskariot iitta, nug aum. “Naɗi, diig aɗinu igib nahip diig ippunigkkut, amge wanppan danab ah wannu kobol dim lamadtteb ele dilagppa, amuam iitta?” awa aum.

Jon 6:42

Ag inam mattinna appig. “Danab umu Nug am Jesus, Josep bekka. Nug anig mameg ele amu ig iite doottem? Attem he Nug, ‘Da hab aabppanu uɗimi,’ awa atte?” aon appig.

Aposel 1:13

Haen ag aab okkaippa tena amu ag gona, ag lag oo attan, ag daappig ele amuppa teppig. Ag onilag amu Pita, Jon, Jems, Andru, Pilip, Tomas, Bartolomyu, Matyu, Alpius bekka Jems, Saimon, nug am Selot, amu Jems bekka Judas aakku.

Aposel 12:17

Ottaina dabmak kuɗum aoeg, nug eppegppaib toettaglagnu awowa, Naɗi attem he nug maniguittak ooppanu dimittim doumnu amelagppa mattiom. Nug amunu mattia mala, nug, “Ag Jems amu ig lainkad laala ele imunu appeg doyeg!” awa aum. Anam awowa, nug laih ukkom.

1 Korint 1:23

amge ig ib aɗit amuppa ii gottem. Iitta! Ig Kristus ad emaitakppa atulitteg mauhom, ig amunu nai mehuqttem. Ig anam mehuqutut, Juda danab ag nai amunu ag eheɗ doon, ag kekeɗ mettaegeg, Grik danab ag nai amunu, “Dabmak tutukku iitta,” aon anana, ii aotteb.

1 Korint 9:4

⌊Da Barnabas ele⌋ i ⌊tamaniak eppelagppa⌋ ee le ele lakkunihnu elele iittate?

Galesia 1:19

amge da Jesusnu totol danab laa ag ii anadmi. Da Jems, Naɗi amag, nugib da anidmi.

1 Pita 2:4

Naɗi Jesus Nug am men laa bauklel daatte bia daatte. Nug men anuqak bia anam daatte; danab ah ag Nug uuppig, amge Kayak Nug nukka tituana, nuhignu am enanag dootte. Nug anam daatte, amu ag nuhigppa uɗiegeg,

Jut 1:1

Da Jut, da Jesus Kristusnu maɗi nid laa iikku. Da Jems ele i am eamag. Nai imu amu Kayak, ig Mamenig, Nug baekkudppan danab, Nug ag onilagppa eum, ag nuhig oo mauhak ooppa daatteb, Jesus Kristus Nug ag atognoadtte ele amu, da ahilagnu yaattem.