Mak 5:35 - Nobonob Baibel

³⁵ Jesus Nug anam mattiaya dayeye, danab laala ag Juda dilag nai doyak lagnu ikki danab Jairus, amu nug laugppanu uɗin, Jairus amegppa appig. “Na aɗen mauhom amunu, na ippunittak danab imu uɗat baula aib mettame,” aon appig.

Mak 5:35 Iomraidhean Croise

Matyu 26:10

Am Jesus Nug nai ahilag doyom amunu, Nug ag amelagppa aum. “Ag aɗinu ah imu oo uug medatteb? Nug dahilppa kobol enanag heum.

Matyu 26:18

Ag anam aeg, Nug ⌊ag oolagppan aɗit laa amelahppa⌋ aab okkaippan danab laanu awowa, Nug aum. “Aa aab okkaippa noya, danab amu gumidya goya, amegppa inam aiɗ! ‘Ippunittak danab ihinig Nug inam aum. “Dahil haen aakku miag daatte amunu, da dahilad ippunittak awak danab ele ig na lautppa Pasowa hobul gamag ahak ele hekkunig.” ’ Aa anam aoya aiɗ!” awa aum.

Matyu 9:18

Jesus Nug anam nai mattieye, ikki danab laa Jesus gumitta uɗia, Nug noobppa gateg qaun o aum. “Nid ahin dahil nug geha iikku mauhom, amge na gona, eppenppa aɗappe, nug eɗua bau daakku,” awa aum.

Mak 10:17

Jesus Nug anam ha mala amu Nug ibppa ugekke, danab laa nug qaiqaɗ Jesus gumitta ukka, Jesus baegppa laippun gateg qaun o, nug aum. “Ippunittak danab ena, da attem heina da bauklel hanhannu aokkul?” awa aum.

Mak 5:22

Ag anam daaegeg amu, Juda dilag nai doyak lagnu ikki danab laa onig Jairus nug uɗia, Jesus antta, nug Jesus gumitta ukka, Nug baegppa laippun gateg qaun o, gomela, iɗu wanppa ma,

Luk 8:49

Jesus Nug nai amu mattiaya dayeye, danab laa nug Juda dilag nai doyak lagnu ikki danab Jairus, amu nug laugppanu uɗia, Jairus amegppa aum. “Na aɗen mauhom amunu, na ippunittak danab imu uɗat baula aib mettame,” awa aum.

Jon 11:21

Marta nug ukka, Jesus antta amegppa aum. “Naɗi, na ippa daalom, da appinal nug ii mauhlo,

Jon 11:25

Anam a amu Jesus Nug aum. “Da am eɗua hibaittaknu diig, bauklel hanhannu diig ele. Laa nug dahilnu ooppa genab dootte ele nug mauhkku, amge nug bauklel aokku;

Jon 11:28

Marta anam awowa, nug lakka ukka, nug Maria, nug Maria ele aa emakkeg, nug nug onigppa e do, omala nakok giginppa ukka, amegppa aum. “Ippunittak danab uɗiom, uppa uma ibppa dayaya na oninppa ette,” awa aum.

Jon 11:32

Maria nug ukka, Jesus aben amuppaib dayeye anttom. Antta, nug guguitta wana, Jesus baegppa gateg qaun o, gomela, nug amegppa aum. “Naɗi, na ippa daalom amu Lasarus ii mauhlo,” awa aum.

Jon 11:39

Amu Jesus Nug amelagppa aum. “Ag men oɗe amu matuleg!” awa aum. Nug anam aum amge Marta nug aum. “Naɗi, nug deɗ waɗele moɗppa niiom amunu uɗig otte,” awa aum.

Jon 5:25

Da genabnab genab ag amelagppa attem. Haen laa uɗikkunu hette, gemu iikku uɗiom amu, mauhak aɗi ag Kayak Bekka da, da baal dooglag. Am danab amu oolagppanu aun aɗi ag amu doona amu, ag bau daaglag.