Mak 5:34 - Nobonob Baibel

³⁴ Nug anam a amu Jesus Nug aum. “O aɗel, na ootppa genab doome amunu, oɗe nahip iitta meum. Na maɗoɗ ele ukke! Na oɗe amunu guittak baula ii doomna,” awa aum.

Mak 5:34 Iomraidhean Croise

2 King 5:19

Naman nug anam a amu, Elisa nug amegppa aum. “Na ootppa maɗoɗ ele ukke!” awa aum. Elisa nug anam a, aria Naman nug Elisa uuitta noa, nakok uma ugekke,

Eklisiastis 9:7

Am gemu amu, Kayak Nug na gamag ahak doon, ee, wain ele nahip lakkutnu oo hette amunu, na gona, oo gamag ahak ele nahip ee, wain ele la!

Lewitikas 14:48

Mana mettak danab nug deɗ eblaih aɗitppa nug gililppa aben gi qak anidkkunu ukka, anam anidkku dayeb amu, nug anam aakku hekkuoitte. Amge simen laittak dimppa, mana mettak danab nug eɗua ukka, lag amu gililppa gi qak amu ⌊baula ii beum,⌋ aben laih ⌊ele⌋ ii ukkom anidkku dayeb amu, nug lag amu aakku Kayaknu neekkakppa dubuttid iitta akku. Aɗinu? Gi, oɗe gaɗa nau bia, keeke laa aɗa he nauhtte ele amu, gi amu aakku iitta meum.

Matyu 9:2

Ukka, appa dayeye, danab laala ag lailag oɗe ele, nug baeg eppeg mauhak ele, ag nug qaɗaqaɗppa maon, Jesus toppa uɗippig. Uɗieg, Jesus Nug ooppa genab doyak ahilag antta, Nug oɗe danab amegppa aum. “O nan, na ootppa ɠagattag doye! Nahip hipunin oh amu da uhuqe medattem,” awa aum.

Matyu 9:22

Lauɗitte amu, Jesus Nug eɗua neekka antta, amegppa aum. “O aɗel, na ootppa ɠagattag doye! Na ootppa genab doome amunu, na ena daattem,” awa aum. Awa a, haen amuppaib ah nug ena dayom.

Mak 10:52

Danab nug anam a amu Jesus Nug aum. “Na dahilnu ootppa genab doome amunu, na ena daattem,” awa aum. Nug anam a amu, geha aakkunab danab amu ameg obate, neekka aha, ibppa Jesus dim lamittom.

Mak 3:10

Diig aɗinu danab ag Jesus hautkkulagnu heppig? Jesus Nug oɗe danab kuɗum bappalattom amunu, deɗ amuppa ele oɗe danab kuɗum danab ah oolagppa daanna, Jesus gumidna wana, Nug beɗu aɗaglagnu wagai meppig.

Mak 5:29

Lauɗitte amu nuhig tiig nak oɗe laippun iitta me, nug amu doye,

Mak 5:33

Dayeye amu ah amu nug, “Da nuhig lamen lauɗitten ena daami amunu, Nug dahilnu atte,” dabmakppa ana, nug baɗa hahaɗaɗa, Jesus noobppa wana, Nug baegppa laippun gateg qaun o, gomela, iɗu wanppa ma, keeke oh nuhigppa beum, nug amunu oh miag Jesus amegppa aum.

Luk 17:19

Nug anam ana amu Nug danab amu amegppa aum. “Na ahan ukke! Na ootppa genab doome amunu, na eɗun ena daattem,” awa aum.

Luk 18:42

Amu Jesus Nug amegppa aum. “Na amen eɗua oppateb, amahlak antte! Na dahilnu ootppa genab doome amunu, na ena daattem,” awa aum.

Luk 7:50

Anam aeg amge Jesus Nug baula ah amu amegppa aum. “Na ootppa genab doome amunu, na Padal ii maknu ehanittak aome daattem. Na maɗoɗ ele ukke!” awa aum.

Luk 8:48

Amu Jesus Nug ah amu amegppa aum. “O aɗel, na ootppa genab doome amunu na ena daattem. Na maɗoɗ ele ukke!” awa aum.

Aposel 14:9

Nug Pol nai mattie doyeye, Pol nug tutukku danab amu neekkitta, nug nuhig ooppa genab doyakppa eɗua ena daakkunu elele anttom

Aposel 15:33

Aa anam heyaya, nakok haen elab Antiok daayoya, aa eɗuya Jerusalem tamaniakppa gokkulahnu heeh, aa lailti Antioknu ag “Aa maɗoɗ ele enad ukkeɗ!” appig,

Aposel 16:36

Amu gumak danab nug doya, Pol amegppa aum. “Epeɗiak danab ag nai meeg uɗiom am da na, Silas ele uhuqatppi, aa dimittim doya gokkulahnu appig amunu, aa oolah ena dayebeb ukkeɗ!” awa aum.

Jems 2:16

ag oolagppan laa nug aha, laa tutu meum daatte ele amu, nug amegppa, “Na maɗoɗ daanna, na gona beɗun ulah doomanu na lamen laa aon, ee ele lappe oot dittiaɗ!” awa akku dayeb, amge nug layag lamen laa ii medakku, eeppa ele ii ehanidkku dayeb amu, nai amu layag ehanidkkute? Iitta.

1 Samuel 1:17

Hana nug anam a, Eli doya, nug nob ma aum. “Na ahan, na oot maɗoɗ ele ukke! Amu Kayak, Israel dilag Kayak, Nug na aɗi keeke Nug unuqidme amu, Nug amu na medakkunu ool daatte,” awa aum.

1 Samuel 20:42

Aa gaaya maloya, Jonatan nug Dawit amegppa aum. “Na ena, oot maɗoɗ ele ukke! Aɗinu? I Yawe onigppa nug ehanittak hekkunihnu nai ɠagattag qeɗa amuɗ, amu Yawe Nug geha amu haen oh dabmedakku. Dabmettebeb amu, i oonihppanu laa nug nai amu tippaleb, aria Yawe Nugib nug epeɗidkku,” awa aum. Jonatan nug anam a, Dawit aha ugekke, Jonatan eɗua, aab okkaippa ukkom.