Mak 5:23 - Nobonob Baibel

²³ nug oo unuqagppanu Jesus unuqa aum. “Nid ahin dahil nug mauhkkun hette amunu na gona, eppenppa aɗappe, ena dayaya, bau daakkunu oɗ medattem,” awa aum.

Mak 5:23 Iomraidhean Croise

2 King 5:11

Elisa he, danab amu nug ukka, anam a, Naman nug nai amu doya, nug oo nauhe, nug Elisa laug uua aha ugakka, nug inam aum. “Dahil dabmak am inam dayom. Da goppi, propet amu nug dimittim da gukkuiɗa doa aniɗeb daaɗa, nug Yawe, nuhig Kayak, nug Nug unuqitta, eppeg da beɗul laih oɗe ele amu attan bahieb ukkeb, eɗua aweb dokku. Nug anam heeb, oɗe beɗulppa iitta meeb, da ena daalom. Amge iitta.

Sam 107:19

Ag anam uugppa daanna, ag, “O Yawe, na ig ehanigkkutnu oɗ medattem!” unuqitteg, Nug ag ehanatte, padal ii meppig.

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Matyu 8:3

Nug anam a, Jesus Nug eppeg bahia, danab beɗu aɗa, amegppa aum. “Da ool anam daatte, na ena daye!” awa aum. Anam a amu, pahanab gaɗa oɗe nau amu iitta me, danab nug ena dayom.

Mak 16:18

Ag mat nau aɗaglag, o le nau danab qe mauhtte ele, ag amu lakkulag, amge ag amuppa ii mauhmana. Ag oɗe danab beɗulag aɗappeg, ag oɗe uuadkku,” awa aum.

Mak 5:24

Nug anam a amu Jesus nug ele ukkaeheh, danab ah laala kuɗumnab ag Jesus happutna, qataiettan daaegeg goppig.

Mak 6:13

Anam henana amu, ag oɗe danab kuɗum olip goɗenppa layadna ⌊unuqitteg, Kayak he,⌋ ag beɗulag ena daye, ag ouɗi nau kuɗum ele lamadppig.

Mak 7:32

Nug no amu danab laala ag danab daug ituak, nai elele ii maditte ele Jesus toppa omalna gona, Jesus eppeg danab amu qaɗeppa ma ehanidkkunu unuqppig.

Mak 8:23

Ag unuqeg amu Jesus Nug danab amu eppeg aɗa, omala aab dimittim ukka, Nug waɗu hunue, danab amegppa no, Nug eppeg danab qaɗeppa ma oɗ mettom. “Na keeke laa anidttemte?” oɗ mettom.

Luk 13:13

Nug anam awowa, Nug eppeg ah amu qaɗeppa me, pahanab nug tutukku hibaitta, Kayak binag meum.

Luk 4:38

Aria, Jesus Nug Juda dilag nai doyak lakkanu aha, Saimon laugppa ukkom. Saimon nome nug oɗe, beɗu gakkaɗak huanaknab ele amunu, ag Jesus ehanidkkunu oɗ medappig.

Luk 4:40

Babaitte, aria deɗ amu aam noono, appan danab ag ahan, oɗe danab, oɗe digdig ele omaladna, Jesus toppa ukkaeg, Nug danab amu eppegppa aɗalatte, ena daappig.

Luk 7:12

Nug ukka, aab amunu aɗnu od okkai amu guguitta noono, ag danab mauhak laa maon doppig. Danab mauhom nug anig am ah qab, nug bekka laippu amu aakkuib. Amu danab ah kuɗumnab aab amuppanu ag ah amu, nug ele uɗippig.

Jon 11:3

Lasarus nug oɗe meum amunu, Maria, Marta ele aa nai meeh, Jesus toppa ukke apiɗ. “Naɗi, na nuhignu oot mauhtte ele, danab amu aakku oɗe meum,” aoya apiɗ.

Aposel 28:8

Ig appa daautut, Pablius mameg nug beɗu gakkaɗak oɗe amu hioɗak oɗe naunab ele niieye, Pol nug gumitta wana, Kayak unuqittowa, eppeg qaɗeppa me, ena dayom.

Aposel 6:6

Ag danab amu otiadna heeg, totol danab 12 noolagppa hibaitteg, ag eppelag qaɗelagppa mena, ahilagnu unuqidppig.

Aposel 8:17

Amunu aa unuqittoya, aa eppelah qaɗelagppa meeh, ag aakku Kayak Ouɗi aoppig.

Aposel 9:17

Amunu Ananias nug ukka, Saul dayom ele, lag amu ooppa noa, eppeg qaɗeppa ma, nug amegppa aum. “Lai Saul, Naɗi Jesus Nug na ibppa gumitta neum ele amu, Nug na eɗun bau neegkkutnu, Kayak Ouɗi na ootppa ambekku Nug aakku he, da na gumitten uɗimi,” awa aum.