Mak 5:15 - Nobonob Baibel

¹⁵ Ag gona, Jesus gumidna gona, ag danab amu dayeye anidppig. Anukka nug ouɗi nau kuɗum qalittak ele dayom, amge haen laa ag aɗi beum anidkkulagnu goppig amu, haen amuppa nug lamen takka, dabmak ena ele toetta dayom. Anam dayeye anidna, ag baɗappig.

Mak 5:15 Iomraidhean Croise

1 Stori 13:12

Amu Dawit nug Yawe anam he antta, nug Kayaknu baɗa aum. “Da genab Kayaknu Tituanak Nainu Kunup awe tein, dahil aabppa mekkulnu elele iitta,” awa aum.

1 Stori 15:13

Ig tatam Tituanak Nainu Kunup amu aognignu gomut, haen amuppa ig attemnab maot uɗignignu Kayak oɗ ii mettata, ib laappa aot uɗignignu heta, ag Lewi buɗub ag gona, maon ii uɗippig amunu, Yawe, ihinig Kayak, Nug ihinignu oo nauhe, bu mekkom,” awa aum.

Job 13:11

Ag amu hekkulag dayeb, Kayak antta heeb, ag nuhig ɠagattag haknu baɗak eheɗ nai iite doomna? Ao, ag Nug bu mattamanu baɗak okkai iite doomna?

Sam 14:5

Ag anam hetteb, amge Kayak Nug laa ag genab tutukku hak kobol dim lamitteb, Nug ag ele daatteb amunu, Nug geha heeb, nau hak danab amu ag eheɗnab baɗaglag.

Matyu 12:29

Jesus Nug anam ana, Nug nai tuɗitta aum. “Am danab laa nug attemun danab ɠagattag laa laugppa noa keeke aokku? Am elele iitta amunu, tatam nug danab ɠagattag amu muɗippa hippalowa, nug danab amu laugppa noa, keeke yab aokku.

Matyu 26:53

Na iite doottem? Da Mama amegppa ehaniɗkkunu appi amu, pahanab nuhikkud engel daup kuɗumnab, ban danab ameg 12 eɗattak, da meɗakku.

Matyu 4:24

Bappalattette, ag Jesusnu Siria wan ohppa mattieg, danab ah oɗe digdig ele diin uɗippig. Laala ag beɗulagppa guittak okkai dooppig, amu aria, laala ag beɗu mauhak ele, amu laala ag ebehilag mauhak ele. Anam amu, Nug amu oh bappalattom. Aria, laala ag ouɗi nau ele amu, Nug ouɗi nau amu lamattom.

Matyu 9:33

Do amu, Jesus Nug ouɗi nau amu lamitte, oɗetup nug nai mattiom. Nai mattieye, danab ah kuɗum appa daappig ele ag dabmak kuɗum aonna appig. “Anukka keeke inam laa Israel ooppa ii beum,” aon appig.

Mak 5:14

Ag mauheg amu bo gumattak danab ag oolna gona, aab miag dayom, amu nuhig wan taliliak ele amuppa ag keeke aɗi anidppig amu aeg dooppig. Doona amu ag keeke amu anidkkulagnu ahan goppig.

Mak 5:16

Aria, danab ag Jesus Nug danab ouɗi nau ele nuhignu attem heum amu anidppig ele amu, ag laa amelagppa amunu mattinna, bonu ele madippig.

Mak 5:18

Ag anam unuqeg, Jesus Nug uubppa teete, danab ouɗi nau uuidppig ele, nug Jesus ele oh gokkulahnu unuqom.

Mak 5:4

Ag haen kuɗum qagattappig, amge nug haen oh wagai ma, sen pakkua, baeg aɗaknu keeke ele he aoɗttom. Danab laa nug danab amu aɗa eɗidkkunu elele iitta.

Mak 5:9

Aria, Jesus Nug ouɗi nau oɗ mettom. “Na onin aun?” Oɗ mette amu ouɗi nau nug aum. “Ig am kuɗumnab amunu da onil am, ‘Daup Kuɗum,’ ” awa aum.

Luk 10:39

Marta nug makkeg amu onig Maria. Jesus Nug lakka te, Maria nug Naɗi gumitta doa, baegppa heɗep na dayaya, Jesus nai mattiom ele amu, nug doyom.

Luk 8:27

Amu Jesus Nug uubppanu aha, honap le ihippa no, danab laa aab amuppanu Nug gumitta doum. Danab amu nug ouɗi nau qalittak ele. Haen elab nug bam iitta oiyaya, lakka ii daattom. Iitta. Nug matmatppa daattom.

Kolosi 1:13

Nug ig hipuninnu ɠagattag hippalikkakppanu uhuqikkom. Nug ig eɗua awikka, Nug Bekka Jesus, Nug nuhignu oo mauhtte amu, Nug nuhig ɗo maɗoɗ ooppa daagnignu meikkom.

2 Timoti 1:7

Kayak Nug ig Jesusnu oonigppa genab doottem ele, Nug nuhig Ouɗi ig mekkom, amu nuhig Ouɗi Nug danab nug baɗa nukka nuhignuib dabmak aotte, Nug dabmak amu ig ii mekkom. Iitta. Nug ig ɠagattag daagnignu, ig oo mauhak doognignu, amu ig dabmak pehettak awaknu ehah ele aognignu, Nug dabmak amu oh ig mekkom.

1 Samuel 16:4

Yawe Nug ib amuppa hekkunu Samuel amegppa a, Samuel nug Yawe aum oɗe bia heum. Nug aha, Betlehem ukke, ikki danab aab amuppan ag nug uɗiom, ag amunu baɗan, nug uɗa tena, ottaina, ag amegppa appig. “Danab okkai, na oot maɗoɗ elete uɗime?” aon appig.