Mak 4:8 - Nobonob Baibel

⁸ Ee aeg laala ag wan enappa nena qena, ena bena, meu oppig. Ee aeg laala ag meulkad 30 oppig. Laala ag meulkad 60 oppig, amu laala ag 100 oppig.” Jesus Nug anam aum.

Mak 4:8 Iomraidhean Croise

Genesis 26:12

Nug anam a, dimppa Aisak wan amuppa dayeye, Yawe nug itittom amunu, Aisak nug keeke laala eppa, maɗ amu ooppa nug eppomnu meu kuɗumnab awom.

Aisaia 58:1

Yawe Nug atte. “Ag laa, ag dahil nai mattiglagnu daatteb, ag Israel danab ah ag dahil nai dooglagnu nai amu huana eppeg doyeg! Ag qinonob aib madippig! Trampet huana gaatte bia eppeg doyeg! Ag dahilad danab ah, ag da waalppa daaglagnu uun, dahil nai tappaeg neene oitteb, ag amunu appeg doyeg! Ao, ag Jakop buɗub, ag hipunin digdig henan oitteb amu, ag amunu appeg doyeg!

Jeremaia 23:29

Dahil nai am aab aɗu bia. Yo, dahil nai am hama, danab ag aguppa men oeg aoɗa, huppu huppu nette, dahil nai am amubia daatte.” Yawe Nug anam awa atte.

Matyu 13:23

Aria, ee aeg wan enappa nena qeppig ele amu, nai amu inam ippunigtte. Danab nug nai daugppa doya dabmedatte, nai diig ele oo maidtte amu, nug meu ena otte, laa 100, laa 60, laa 30 eppakppanu eɗittak, anam otte,” awa aum.

Matyu 13:8

Amge ee aeg laala ag wan enappa nena qena, ena bena, meu oppig. Ee aeg laala ag meulkad 100 oppig. Laala ag meulkad 60 oppig, amu laala ag 30 oppig.

Mak 4:20

Aria, ee aeg wan enappa nena qeppig ele amu, nai amu inam ippunigtte. Danab laa ag nai doonna, aon oolagppa metteb amu, ag meu ena otteb, laa 100, laa 60, laa 30 eppakppanu eɗittak, anam otteb,” awa aum.

Mak 4:7

Aria, ee aeg laala ag wan uud keeke qaun ele beppigppa nena qeeg, uud keeke qaun ele bena naɗi ma, teguatte bunaɗna, meu ii oppig.

Mak 4:9

Nug anam ana, Nug baula ele aum. “Danab nug daug ele dayeb, nug doyaɗ!”

Luk 8:15

Amge ee aeg wan enappa nena qeppig ele, nai amu inam ippunigtte. Danab laa ag nai doon, ag aona oolagppa meeg, tutukku oolagppa ena dayeye, ag ɠagattag daanna meu otteb,” awa aum.

Luk 8:8

Ee aeg laala ag wan enappa nena qena, ena bena, meulkad kuɗumnab oppig; ee aeg laippu anen anen am ee aeg 100 oppig.” Jesus Nug anam ana, Nug ewa, “Danab nug daug ele dayeb, nug doyaɗ!” awa aum.

Jon 15:5

Da amu muɗi grep, ag amu muɗi grep ebekkud. Laa nug dahilppa daatte, da nuhigppa daattem amu, nug meu kuɗumnab otte. Ag da uuiɗkkulag dayeb, ag keeke laa hekkulagnu elele iitta.

Jon 7:17

Am danab laippu laa nug Kayaknu dabmak awaknab dim lamidkku amu, nug nai, da madittem imu, nai amuam Kayak toppanu beum o iitta da dahil dabmakppatai madittem amu nug dookku.

Aposel 17:11

Am Juda danab Beria daappig amu, ena haknu, ag diilag am Juda danab Tesalonaika daappig eɗittak. Aɗinu? Ag nai Pol mattiom ele dooglagnu oolag ahe, ag doon autna aoppig. Ag doon aon, Pol nai attom am genabte, o iitta genab iittate amu, ag amu dooglagnu deɗ ohppa Kayak nai ebqeppig.

Epesus 2:21

Danab ag lag ebehi oh tutukku tuɗidtteb, amubia Kristus Nugib he, Kristen danab oh ag laippu qagmena, Naɗi noobppa oppiaawak daanna, nuhig uɗat hekkulagnu, Kayaknu mettid lag bia beegeg, okkai mette.

Pilipai 1:11

Oo mauhak kobol ahilag am okkai dayebeb, haen ag wan imuppa oitteb ele, genab tutukku hak kobolppan meu, Jesus Kristus he betteb ele amu, meu amu oh ahilagppa naɗi daaglag. Amuppa ag Kayak Nug binag amahlak oppiaawak ele okkai medappeg, Nug binag naɗi ele daakku.

Kolosi 1:6

Nai Ena wan atu ohppa ukke, danab ag doonna heeg, naɗi ma amu kobol ena, doyak digdig ena ele danab kuɗum ag aakku aon hetteb. Anamib aakku ahilagppa digmeum, deɗ amuppa Nai Ena amu nug he, ag aon, ag Kayaknu ehanittak okkai hamu megatte ele diig genab doon, ag kobol ena, dabmak ena ele aɗan oitteb.