Mak 4:7 - Nobonob Baibel

⁷ Aria, ee aeg laala ag wan uud keeke qaun ele beppigppa nena qeeg, uud keeke qaun ele bena naɗi ma, teguatte bunaɗna, meu ii oppig.

Mak 4:7 Iomraidhean Croise

Jeremaia 4:3

Yawe Nug ag Juda danab ah, Jerusalem danab ah ele Nug ahilagnu inam atte. “Danab nug wan ii buuak, hamu daye, keeke qaun ele benan daattebppa keeke eppe, keeke amu ena ii ba, meu ena iinab otte. Iitta. Danab nug uud keeke qaun ele amu heeb iitta meeb, wan amu buueb, wan buuakppa keeke ebakku, am meu okku amunu, ag amubia ag oolagppa anam heig!

Matyu 13:22

Ee aeg wan uud keeke qaun ele beppigppa nena qeppig ele amu, nai amu inam ippunigtte. Danab laa nug nai dootte, amge wannu haen imunu uug laala, enub awak uɗatnu ameg qak kobol ele, keeke amu oh danab amu nug ooppa he, Kayak nai iitta ma, meu ii otte.

Matyu 13:7

Am ee aeg laala ag wan uud keeke qaun ele beppigppa nena qeeg, keeke qaun ele bena, naɗi ma teguattom.

Matyu 13:8

Amge ee aeg laala ag wan enappa nena qena, ena bena, meu oppig. Ee aeg laala ag meulkad 100 oppig. Laala ag meulkad 60 oppig, amu laala ag 30 oppig.

Mak 4:6

amge haen aam na, keeke beppig ele qe amu, ag diɗilag wan ooppanab ii noum amunu bunaɗppig.

Mak 4:8

Ee aeg laala ag wan enappa nena qena, ena bena, meu oppig. Ee aeg laala ag meulkad 30 oppig. Laala ag meulkad 60 oppig, amu laala ag 100 oppig.” Jesus Nug anam aum.

Luk 12:15

Anam awona, Nug danab ah oh amelagppa aum. “Ag dabmena, tutukku doyeg! Ag baubau awaknu hik qak kobol oh aib heppig. Aɗinu? Danab nug keeke ohnu elelenab eɗittak daatte amu, nug nuhig keeke amuppa bau dayak ii aotte,” awa aum.

Luk 21:34

Jesus Nug anam ana, Nug nai tuɗitta aum. “Keeke amu bekkun daatte amunu, ag daulag atieb, ag hanhan ee lanaknuib hik aqeb, le ɠagattag labeppeg, kaaka aqebeb, beɗu ena dayak amunu guattebeb hebeppeg, kobol amuib aha ag tonadmanu tutukku dabmeig! Kobol amu ag tonatteb, Naɗinu deɗ amu ag dab-ii-menana, pahaettak, doɗ pelemppa notte bia ag anadkku.

Luk 8:14

Amu ee aeg wan uud keeke qaun ele beppigppa nena qeppig ele, nai amu inam ippunigtte. Danab amu ag nai dootteb, amge ag gona oiyegeg, wan imuppa uug laala, enub awaknu uɗat, amu ameg qak kobol ele, keeke amu oh ag oolagppa he, Kayak nai iitta ma, meu ii otte.

Luk 8:7

Aria ee aeg laala ag wan uud keeke qaun ele beppigppa nena qeeg, keeke qaun ele bena, naɗi ma teguattom.