Mak 4:41 - Nobonob Baibel

⁴¹ Jesus Nug anam he anidna, nuhikkud ippunittak awak danab ag baɗak eheɗ nau doon, ag akka akka appig. “Danab imu am aun? Ulah, le ele, aa ele nuhig nai dim lamidttep!” aon appig.

Mak 4:41 Iomraidhean Croise

Job 38:11

Haen da amu oh hein, da yu amegppa ami. ‘Na iikku batak uɗikkutnu elele. Tom imu amu, na ii eɗidmana. Ao, nahip duban am ɠagattag okkai ele, dada danab daatte bia daatte, amge aben imu ii eɗidma.’ Da amu ai, anam dayom.

Sam 89:7

Danab ah Kayaknu oppiaawak ele daatteb, ag laippu qagmena amu, ag Kayaknu ebehilag oh bodoetta le mak dootteb. Laanu iitta. Ao, laa Kayak talilidna daatteb ele amu, danab nug ag anatteb, nug ebehi oh bodoetta le mekku, amge laa nug Kayak antteb, nug ebehi oh bodoetta le ma auta autanab aokku.

Malakai 2:5

Amu Yawe Nukka Ɠagattag Oh Ele Nug atte. “Da hei, da Lewi ele i nug tituana nai qakkak hemuɗnu diig am, nug nai amu dim lamidkku dayeb, nug bau, maɗoɗ ele daakku. Anam amu, ⌊nug dim lamittom amunu,⌋ da keeke aɗit amu nug mettami. Nug tituana nai qakkak amuam, Lewi nug dahilnu ebehi oh bodoetta le mekkunu dayom, amu Lewi anam heum. Nug da onilnu ebehi oh bodoetta le meum.

Matyu 14:32

Jesus Nug anam Pita amegppa a, haen aa uub attan oolya tepiɗ amu, ulah toettom.

Matyu 8:27

Nug anam he amu, nuhikkud ippunittak awak danab ag dabmak kuɗum aonna, akka akka appig. “Danab imu am danab attemu? Ulah, le ele aa ele nuhig nai dim lamidttep!” aon appig.

Mak 4:40

Nug anam ha amu, Nug nuhikkud ippunittak awak danab amelagppa aum. “Ag aɗinu anam baɗatteb? Ag gemu ele oolagppa genab iite dootteb?” awa aum.

Mak 5:1

Aria, ag gona, Galili le ameg laih Gerasa danab dilag wan atu, ag amuppa eeɗppig.

Mak 5:33

Dayeye amu ah amu nug, “Da nuhig lamen lauɗitten ena daami amunu, Nug dahilnu atte,” dabmakppa ana, nug baɗa hahaɗaɗa, Jesus noobppa wana, Nug baegppa laippun gateg qaun o, gomela, iɗu wanppa ma, keeke oh nuhigppa beum, nug amunu oh miag Jesus amegppa aum.

Mak 7:37

Danab ah ag Jesus heum anidna, ag huanak ottaina, ag dabmak kuɗum aonna, ag appig. “Nug aɗi hette amu Nug enaib hette. Danab daulag ituak ele Nug he, ag nai dootteb, amu danab oɗetup ele ag nai maditteb,” aon appig.

Luk 4:36

Anam amu, danab oh ag dabmak kuɗum aona, akka akka Jesusnu appig. “Nai amuam ippunittak baute? Danab amu Nug ehah ena, ɠagattag ena ele amunu, Nug ouɗi nau amelagppa, ‘Ag ukkeg!’ atte amu, ag uuadna gotteb,” aon appig.

Luk 8:25

Aria Jesus Nug ippunittak awak danab amelagppa aum. “Ag ahilag ooppa genab doyak amu adeppa daatte?” awa aum. Nug amu he, ag nuhignu ebehilkad oh bodoetta le me, dabmak ele kuɗum aona, ag akka akka mattin appig. “Danab imu am aun? Nug haknunab nai a, ulah, le ele aa ele danab imunu nai dim lamidttep!” aon appig.

Hibru 12:28

Keeke diignab ele aakkuib daakku, amu ig ɗo maɗoɗ amuppa daattem amunu, ig Kayak amegppa, “Ena hen mekkame,” aot atu! Amu ele ig ebehinig oh nuhignu bodoetta, le ma aut auta aweb, ig Nug oo niitte bia Nug noobppa dup nota binag metu!

Revelesen 15:4

O Naɗi, na aakkuib oppiaawak daattem amunu, aun laa ag nahipnu ebehi oh bodoetta le mak ii doon, na binan amahlak oppiaawak ele ii mekkulag? Atu atu danab oh uɗin, na noomppaib dup nona binan mekkulag. Nahip genab tutukku hak kobol am miag atia beum amunu, ag hekkulag,” aon appig.

1 Samuel 12:24

Amge ag dabmenan, ag ebehilag oh Yawenu bodoetta le meeb, ag oo metta ii uuak kobol dim lamidna meulag ohppa Nug waappa daan, Nug oɗe dim lamitteg! Ag keeke okkai okkai, Nug ahilagnu heum ele amu, ag keeke amu ele dabmenan oiyeg!