Mak 4:32 - Nobonob Baibel

³² Nug ba, okkai mewowa, dattanu ee laa oh eɗadtte. Eɗatta, eppeg ele okkai mena daaegeg, ai ag nug logoppa daatteb,” awa aum.

Mak 4:32 Iomraidhean Croise

Sam 104:12

Ai ag teɗualag lenag guguittak hattana, ad eppelkadppa daanna, ahi edatteb.

Sam 91:1

Laa nug Kayak Attannab Laa Oh Eɗattak guppiɗ dimugppa daatte amu, nug Kayak Nukka Ɠagattag Oh Ele, nug nuhig dabmettak waappa daakku.

Prowerb 4:18

Amu genab tutukku hak danab ippulag am digmakppa ena daatte, gamagppa enanag daatte, batakppa am enanagnab daatte; am aam haɗaedette, amahlak nakok nakok wanppa daye ukke, aam be, amahlak naɗi daatte, amubia daatte.

Solomonnu Ahi 2:3

Apel adnu dadppa, apel ad laa am apel ad laa oh eɗattak daatte; apel ad laa anam daatte bia amu, laa, nug dahilnu oo mauhtte, nug apel ad amubia nid bau laa oh oolagppa eɗattak daatte. Da apel ad amu waappa, logoppa daakkulnu enanagnab doottem; apel ad meu lakkulnu ele ena doottem. Anamib, da danab dahil ele daagnihnu enanagnab doyeye; keeke aɗi nug da meɗatte amu, da amunu ele da oolppa ena doottem.

Aisaia 11:9

Le yuppa ambeum, amubia danab ah huu ohnu, wan ohppa ag Yawenu dabmak amu aoppeg, ahilagppa ambekku. Anam daakku amunu, Yawenu qauko, qauko amuam Yawenu tituanak daatte, ⌊am qauko Sion aakku⌋ qauko amuppa ⌊wan ohppa ele⌋ laippu laa nug laa heeb ii nauhma; o keeke laa heeb ii nauhma, iitta!

Aisaia 32:2

Haen amuppa kobol inam bekku. Danab okkai amu oh ag gilil ulah qehagtte bia daaglag. Ao, ag ulah huanak uɗieye, danab nug padal mak eɗitteb ena dayaknu abenppa ukka daatte, ag aben amubia daaglag. Okkai danab amu ag atu taɗak, le iitta ele, ag appa le laa noa gotte bia daaglag. Ao, ag wan laappa, aam gakkaɗak naunab nau neene, danab nug men okkainab logoppa ukka daatte, ag lokko amubia daaglag.

Gayak Nai 4:20

Amu danab laa, Yawe nug ihinig king daakkunu goɗen gokkaɗakppa tituane, ig ehanikka auta autanab awom amu; kekeɗ ag ahilag pelem meeg, nug amuppa teum. Ig nuhignu, “Ig nug waappa daat; wanppan wan laa oh oolagppa ena daagnig,” dabmemut, ⌊amge iitta⌋.

Esekiel 17:23

Ge, da geha ad sida eppeg, Israelnu qauko attan appa ebakkul. Da anam eppen malappi, ad amu eppeg benana, meulkad ele okkulag. Am ad enanag daakku. Ai iɗu iɗunu ag ad amu attan teɗ maadkkulag. Ao, ag ebekkud oolagppa appa ena, elele daaglag.

Matyu 13:32

Mastet aeg nug am ee laa aeg bia iitta. Nug aeg nakoknab, amge nug ba okkai mewowa, dad ooppanu ee laa oh eɗatta, ad ma dayeye, ai ag uɗin, nug eppegppa teɗ hena daatteb,” awa aum.

Mak 4:31

Kayaknu ɗo maɗoɗ am mastet aeg eppaeg bette amubia. Mastet aeg nug am ee laa aeg bia iitta. Nug aeg nakoknab, amge danab nug wanppa ebatte, nug bette.

Mak 4:33

Jesus Nug nuhig nai keeke danab ag dootteb ii dootteb ele ouaqata ippuanittak nai kuɗum amubiappa danab ah amelagppa mattiom. Ib amuppa Nug ag dooglagnu elele daappig, Nug amu ippuanattom.