Mak 4:3 - Nobonob Baibel

³ “Ag daulag human doyeg! Ee aeg eppak danab nug ee aeg ebakkunu aha,

Mak 4:3 Iomraidhean Croise

Sam 34:11

Dahilad nid naunau ag dona, nai dahil doyeg! Ge, da ag Yawenu ebehilag oh bodoetta le mekkunu ippunadkkul.

Sam 45:10

O ah makkun, ⌊king aɗeg wan laappanu⌋, na daut human, da doiɗe! Ao, na da aɗi attem amu, na dabmettan autna awe Na danab ah nahipad, amu na appan uma elenu daut atiaɗ!

Prowerb 7:24

Anam aakku amunu, o bekkalad, ag daulag human, da aɗi nai attem imu ag doon, elele metteg!

Prowerb 8:32

Anam amu, aria, O da bekkalad, ag dahil nai doyeg; laa ag da ippul tappan oitteb amu, ag itittak ena aon malappig daatteb.

Eklisiastis 11:6

Na nahip uɗat attem meu okku amu, na ii doottem; uɗat laa imu meu okkutai, o uɗat laa umu am meu okkutai, o aɗit oh meu okkulahtai, na ii doottem, amunu na buttua ahan, ee keeke eppan; tueb ele na uɗat henan daye!

Aisaia 46:12

Da anam hettem amunu, ag danab ah ahilag dabmak ɠagattag eppom, ag genab tutukku hak kobol ii dim lamidtteb ele amu, ag dahil nai doyeg!

Aisaia 46:3

Amu Yawe Nug atte. “O Jakop buɗub, ag dahil nai doyeg! Ao, ag Israel buɗub ii mauhppig, gemu daatteb ele amu, ag dahil nai doyeg! Nid nug digma, anig ooppa daye, anig atognotte, amubia ag Israel, ag digmena, huu laa daappig, haen amuppan uɗie, gemu ele da ag atognoadmi. Ao, anig nug nid menua, atognotte bia, da ag huu piɗe daaglagnu digmak haenppanu gemu ele, da ag mawattette bekkadttem.

Matyu 13:24

Jesus baula ele keeke danab ag dootteb ii dootteb ele ouaqata ippuanatta, mattia aum. “Kayaknu ɗo maɗoɗ am danab laa, nug wit aeg ena dad okkai nuhigppa tauɗom, amubia daatte.

Matyu 13:26

Dimppa wit amu ba meu o amu, ag gikkiɗah nau ele ba okkai meeme anidppig.

Matyu 13:3

Ag anam daaegeg, Jesus Nug keeke danab ag dootteb ii dootteb ele ouaqata ippuanittak naippa keeke kuɗum ag amelagppa mattiom. Nug inam mattia aum. “Ee aeg eppak danab nug ee aeg ebakkunu aha, dad okkaippa ukka ee eppaknu abenppa oiyaya, ee aeg tauɗom.

Mak 4:14

Danab nug Kayak nai mehuqtte amu, nug am danab ee aeg ebatte bia.

Mak 4:2

Jesus Nug keeke danab ag dootteb ii dootteb ele ouaqata ippuanittak naippa keeke kuɗum ippunattak ha, inam mattiom.

Mak 4:23

Laa nug daug ele dayeb, nug doyaɗ!” awa aum.

Mak 4:4

dad okkaippa ukka ee eppaknu abenppa oiyaya, ee aeg tauɗom. Nug tauɗa ugekke, ee aeg laala danab ib oittebppa nena qena niiegeg, ai ag uɗin, ee aeg amu lappig.

Mak 4:9

Nug anam ana, Nug baula ele aum. “Danab nug daug ele dayeb, nug doyaɗ!”

Aposel 2:14

Ag anam aon aeg amu, Pita aha hibaitte, totol danab 11 amu ele ahaeg, nug huana ewa, danab ah ag tutukku doona maidkkulagnu inam aum. “Juda danab ag, amu danab ag gemu Jerusalem ippa ina daatteb ele, ag oh da nai madippippi, ag daulag human dabmebeppeg, da keeke imunu diig mehuqppi doyeg!

Duteronomi 4:1

Aria, gemu amu, ag Israel, ag ɗo iɗu iɗu imu da ippunadkkulnu hettem amu, ag doon autnanab aweg! Ag bau daaglagnu, amu wan laa, Yawe, ag mamelkad aɗi dilag Kayak, Nug wan ag madakkunu hette, ag wan amuppa gona, aon daaglagnu, ag Kayaknu ɗo imu dim lamitteg!

Jems 2:5

O lailad, ag doyeg! Danab ag wanppan danab oh noolagppa daɗek daatteb ele, danab amu Kayak Nug ag ooppa genab doyak ɠagattag aɗan oiglagnu, ag nuhig ɗo maɗoɗ ooppa, Kayak Nug danab ag nuhignu oolag mauhtte ele ag aguppa daaglagnu nai qakka aum amu, ag amu ooppa daaglagnu tituanattom daatteb.

Revelesen 2:11

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, mauhak ebqak 2 am nug guittak nakok laa ii mettama. Iittanab,” awa aum.

Revelesen 2:29

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ!” awa aum.

Revelesen 2:7

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da nug bau hanhan dayaknu ad meu, Kayaknu Paradisppa daatte, medappi lakku,” awa aum.