Mak 4:17 - Nobonob Baibel

¹⁷ amge ahilag ooppa genab doyak am ɠagattag iitta, haen tutunuib amunu, deɗ laa ag Kayaknu nai dim lamidtteb, diig amunu uug laa bette, o danab laala ag eheɗ hadatteb amu, ag pahanab ahilag ooppa genab doyak paɗatteb.

Mak 4:17 Iomraidhean Croise

Job 19:28

Anam amunu, ag dahilnu, ‘Nug eheɗ he, Kayak bu medatte amunu, ig genab, ig nug amegppa ii daye daye amunu akkunig,’ akkulag dayeb amu,

Matyu 11:6

Amu danab aun nug nuhig ooppa genab doyak dahilnu ii paɗe nette amu, nug itittak ena awom daatte,” awa aum.

Matyu 12:31

Anam daatte amunu da ag amelagppa attem. Kayak Nug danab ah dilag hipunin oh, nuhignu amu nuhig keekenu dabittak nai ahilag oh ele uhuqa madakku, amge danab nug Kayak Ouɗinu dabittak nai madikku dayeb amu, nug amunu uhuqa mettak ii aoma.

Matyu 13:21

Nug nai doya aotte, amge nuhig ooppa genab doyak am ɠagattag iitta, haen tutunuib amunu, deɗ laa nug Kayaknu nai dim lamidtte, diig amunu uug laa bette o danab laala ag nuhigppa eheɗ hetteb amu, nug pahanab nuhig ooppa genab doyak paɗatte.

Mak 4:16

Amu ee aeg men duqe ukkakppa nena qeppig ele amu, nai amu inam ippunigtte. Danab laa ag nai doon, oolag gamag ahehe, pahanab aotteb,

Mak 4:18

Ee aeg wan uud keeke qaun ele beppigppa nena qeppig ele amu, nai amu inam ippunigtte. Danab amu ag nai dootteb,

Luk 12:10

Am danab nug Danab Bekkalag da, dahilnu nai nau akku amu, geha Kayak Nug hipunin amu uhuqa medakku. Amge danab nug Kayak Ouɗinu dabittak nai madikku amu, nug hipunin uhuqa mettak ii aoma.

Jon 8:31

Juda danab ag Jesusnu oolagppa genab dooppig ele amu, Nug ag amelagppa aum. “Ag ippunittak nai dahil dim lamidtteb dayeb amu, ag am genab ippunittak awak danab dahiladnab daaglag.

Galesia 6:12

Danab laala ag onilag okkai ele daaglagnu hetteb, ag Galesia danab ag gaɗalag otaɗkkulagnu wagainab metteb ele amu, ag diig laippuppaib hetteb. Amuam inam. Ag danab laala ag Kristus ad emaitakppa ehanigkkunu mauhom oolagppa genab ii dootteb dabmenana, eheɗ hattamnanu gaɗa otaɗaknu nai amu huana maditteb.

2 Timoti 1:15

Na doome, Asia danab ag oh da uuiɗna goppig; danab amunu oolagppa am Pigelus, Hermogenes ele.

2 Timoti 4:16

Tatam da hettoɗiakppa meiɗppig amu, laippu laa da ii ehaniɗom, ohnab da uuiɗna malappig, amge da aab ag qaɗelagppa ii nemanu Kayak unuqidttem.

Hibru 10:29

Aria, anukka danab nug ɗo tippalom amu, ag nug qeppeg mauhkkunu dayom amunu, gemu danab laa nug Kayak Bekka dimedatte ele, nuhignu attemnab? Danab amu nug geha qagaiettak naɗinab anidkkunu elele. Aɗinu? Nug Kristusnu, Nug am keeke hamu doya, Nug tiignu ele, amuppa Kayak Nug nug ele nug tituanya nai qagapiɗ, amuppa Kayak he, danab amu oppiaawak beum, amge danab amu nug tiig amunu keeke oppiaawak iitta doyom. Laa ele amu, nug Kayak Ouɗi, Nug ehanittak okkai hamu mettaknu diig amu, nug nuhigppa ele kobol eheɗnab heum.

1 Jon 2:19

Kristusnu kekeɗ ag ig oonigppa daappig, amge ahilag ooppa genab doyak am ihinig ele laippu iitta amunu, ag uuigna goppig. Ag ig ele ooppa genab doyak laippu daalom, ig gemu ag ele laippu daalom. Ag ig uuigna goppig amu, amuam ag ig ele laippu ii daamut ippunigtte.

Revelesen 2:10

Nakok laa ele ag Smerna, ag uug baula maoglag, amge ag keeke amunu aib baɗappig. Doyeg! Ag Smerna daatteb, ag ahilag ooppa genab doyak am genab, o genab iitta doyaknu, ag ma anttak aoglag. Amuam Satan nug heeb, ahilkad kekeɗ ag oolagppanu laala maniguittakppa maadkkulag. Laa amu, ag deɗ 10 ag Smerna eheɗ hattaglag. Na oo metta ii uuak kobol dim lamidna, ootppa genab doyak ɠagattag aɗappe ukkeb, haen na mauhttem, amuppa amu da na bauklel hanhannu medakkul.

Revelesen 2:13

Da nahip dayak adeppa daatte amu, da doottem. Satan nug aben amuppa nug okkai daatte, amge na da onil ɠagattag aɗattem. Na dahilnu ootppa genab doottem, amu anukka Antipas, nug oo metta ii uuak kobol dim lamitta nai dahil mehuqttom ele, nug mehuqeqe, na appanppa, Satan aguppa daatte amu, appa laa ag Antipas qeeg mauhom, amge haen amuppa ele na ooppa genab doyak nahip dahilnu ii paɗame.