Mak 3:7 - Nobonob Baibel

⁷ Jesus Nug anam he amu, Nug nuhikkud ippunittak awak danab ele ag ahan, aab amu uun, Galili le amegppa ukkaegeg, danab ah kuɗumnab Nug dim lamidna uɗippig. Ag Galilinu,

Mak 3:7 Iomraidhean Croise

Matyu 10:23

Amunu haen danab aab okkai laappanu ag eheɗ hadappeg amu, ag oolna, aab okkai laappa ukkeg! Da genab ag amelagppa attem, ag Israel oh dilagppa uɗat hena ii malappeg, Danab Bekkalag da, da eɗue uɗikkul.

Matyu 12:15

Am Jesus Nug nai amu doyom amunu, Nug aha, aab amu uua ukkom. Ugekke, danab ah kuɗum ag Nug dim lamittegeg, Jesus Nug oɗe danab ah oh bappalatte, ena daappig.

Matyu 12:16

Ena daaeg amu, Jesus, Nug am Kayak Bekka, Nug ag amu miag atiak amananu ɗo mattom.

Matyu 4:25

Jesus Nug anam heehe, danab ah huanak Galilinu, Dekapolisnu, Jerusalemnu, Judanu amu Jodan le laih wan atu oh elenu Nug dim lamidppig.

Mak 1:39

Nug anam ana, Nug aha, Galili wan oh talilitta oiyaya, Nug Juda dilag nai doyak lakka nai mehuqaqa, ouɗi nau danab beɗulagppa daappig ele lamattom.

Mak 1:45

Jesus anam aum, amge danab amu nug Jesus oɗe bia ii heum. Iitta. Nug ukka, danab kuɗum amelagppa a dooppig amunu, Jesus Nug aabppa miag nokkunu elele iitta dayaya, Nug aben aben danab haen oh ii daattebppa dayom, amge appa ele danab aben ohppanu Nug gumidna goppig.

Mak 3:20

Aakku Jesus Nug eɗua lakka ukka dayeye, danab ah kuɗum ele qagmeppig. Qagmena daaegeg amu, Jesus Nug uɗat nuhig heehe, Nug, nuhikkud ippunittak awak danab ele ag ee nakok laa awa lakkunu haen elele iitta.

Mak 4:1

Aria, Jesus Nug Galili le ameg ihippa mehuqak uɗat baula digma heum. Nug anam he amu, danab ah kuɗumnab uɗin qagmeppig amunu, Jesus Nug uub attan teum. Nug ta, heɗep na dayeye, danab ah oh ag le ihippa daaegeg,

Luk 23:5

Nug anam aum amge ag tuɗidna ɠagattag appig. “Nug Juda laih ohppa danab ah amelagppa biig yaak nai mattie, ag ahilag dabmak manin ii daatte. Nug kobol amu Galilinu digme uɗia, ippa ele he beum,” aon appig.

Luk 6:12

Haen amuppa Jesus Nug tuqan Kayak unuqidkunu qaukoppa nakok teum. Ta, Nug tuqan amu oh unuqittette ukke, wagɗom.

Luk 6:17

Amu Jesus Nug nuhikkud totol danab ele ag oh nona gona, Nug wan uɗem enappa hibaitta dayom. Nuhikkud ippunittak awak danab kuɗumnab, amu danab ah kuɗumnab laa, ag Judanu, Jerusalemnu amu, aab okkai aɗit Tair Saidon ele, amu dilah wanppanu ele oh uɗieg daappig.

Jon 7:41

Laala ag appig. “Nug am Kristus,” amge laala ag appig. “Kristus Nug Galili appanu ii bema.

Jon 7:52

Nug anam a amu, ag nuhig nai inam nob meppig. “Na ele am Galili ted amunu na doyak iittatai? Na nai atognona ebqena am tutukku anidna dookkut. Propet laippu laa nug Galili appanu iinab bema,” aon appig.

Aposel 17:10

Ag anam heeg, Kristen ag tuqan amuppaib Pol, Silas ele maateg, aa aab amu uuya, Beria gopiɗ. Aa Beria teya amu, aa Juda dilag nai doyak lag ooppa nopiɗ.

Aposel 17:14

amu Kristen ag paha ahan, Pol aon meeg noa, yu ihippa gokkunu ugekke, Silas, Timoti ele, aa amu Beria daapiɗ.

Josua 20:7

Yawe Nug anam aum amunu, Israel danab ag ii doyaya laa qe mauhomnu ehanattak aab daaglagnu tituanadppig. Aab ag tituanppig ele amu, laa am Galili appa aab Kedes, aab amuam Naptali wanppa, qauko qauko daattebppa dayom. Laa am Sekem. Sekem am Epraim wanppa qauko qauko daattebppa dayom. Laa am Kiriat Arba, onig laa am Hebron. Nug Juda wanppa qauko qauko daattebppa dayom.

Josua 21:32

Ag amu mattona amu, Israel ag aab laala Israel dilag huu okkai Naptali wanppanu ele madappig; amuam Galili appa aab Kades, Hamotdor, amu Kartan ele. Ag aab amu, amu aab amunu gikkiɗah dad okkai ele madappig. Galilinu aab Kedes am danab nug ii doyaya laa qe mauhomnu ehanittak aab okkai laa. Aab amu oh ebqak amu ewam.