Mak 3:5 - Nobonob Baibel

⁵ Ag toettan daaegeg, Jesus Nug neekka anatta, Nug oo nauhak doya, ag ahilag dabmak ɠagattag eppom ele antta, Nug amunu oo uugnab doya, Nug danab eppeg mauhak ele amegppa aum. “Na eppen taiette!” awa aum. Jesus Nug anam a amu, danab amu nug eppeg taiette, eɗua laih bia, ena dayom.

Mak 3:5 Iomraidhean Croise

Genesis 6:6

Nug amu antta, danab wanppa daaglagnu hattomnu kahipa aoɗom bia doya, ahilag haknu ooppa guittak doyom.

1 King 13:6

Aakku King Jeroboam nug Kayaknu propet amegppa aum. “Na Yawe, nahip Kayak, na Nug unuqidppe, nug da ehaniɗa heeb, da eppel imu eɗua ena daakkunu ool daatte,” awa aum. Nug anam a amu, Kayaknu propet nug Yawe, nuhig Kayak, nug Nug unuqitte, king eppeg eɗua, ena dayom bia dayom.

Nehemaia 13:8

Ag aeg doye, da ena iinab doyen, da Tobianu keeke oh oo amuppanu akkai ukkom.

Sam 95:10

Danab amu ag maɗ 40 anamib heegeg, da ahilagnu ool nauhehe daami. Ao, da anam daye, da ami. ‘Danab ah imu ag haen oh dahil ib apiɗidna oitteb. Ge, ag dahil kobol ii doyadppig, gemu ele ii doyadtteb.’

Matyu 12:13

Jesus Nug anam awowa amu, Nug danab eppeg mauhak ele amegppa aum. “Eppen taiette!” awa aum. A amu danab nug eppeg taiette, eppeg eɗua, laih bia, ena dayom.

Mak 3:4

Nug anam a, danab nug hibaitta dayeye, Jesus Nug ɗo gumak danab-Parasia oɗ mattom. “Ɗo ihinig aɗi atte? Ig Sabat deɗppa ena hekkunig am enatai o iitta ig Sabat deɗppa eheɗ hekkunig am enatai? Ig hepput danab mauhkku amuam enatai o iitta ig hepput, danab laa nug mauhkkunu hette ele amu nug elele daakku amuam enatai?” awa aum. Nug anam oɗ matte amu, ɗo gumak danab-Parasia ag Jesusnu oɗmak amunu nob mekkulagnu oolag ii dayom amunu ag toettan, bakkum daappig.

Luk 13:15

Anam a amu, Naɗi Nug eɗua aum. “Ag am hambuppuak danab. Sabat deɗppa amu, ag oh doɗ laulagppa gotteb. Gona ahilkad makau, donki ele diin gona, le madatteb.

Luk 17:14

Ag anam aon eeg, haen Nug ag anatta, Nug amelagppa aum. “Ag gona, beɗulag mana mettak danab ippuanatteg!” awa aum. Nug anam a, aria ag wana ukkaegeg, ibppa oɗe ahilag amu iitta meum.

Luk 6:10

Nug anam awowa, Nug neekka, danab oh anattowa, Nug danab eppeg mauhak ele amegppa aum. “Na eppen taiette!” awa aum. Jesus Nug anam a, danab amu nug eppeg taiette, eppeg eɗua, laih bia, ena dayom.

Jon 9:7

Qataqewowa, danab amegppa aum. “Na gona, Siloam le amegppa iɗun ihe!” awa aum. Siloam diig amu me ukkak. Amunu nug ukka, iɗu ihe, ena daya neekka, nug eɗua uɗiom.

Rom 11:25

O lailad, ag akka ahilagnu dabmena, “Ig doyak binanig ele okkainab,” aon amananu da ag nai anukka tonak dayom amu da geha iikku miag atiak madikkulnu hettem ele amu, ag amunu ootot ii aqamanu ool daatte. Anam amunu, da nai anukka tonak dayom ele imu ahilagppa diig matule madittem. Amu inam. Israel danab laala ag dabmak ɠagattag eppom ele, kobol amu ahilag am anamib dayeb ukkeb, iitta aɗi ag Kayak dim lamidkkulagnu nuhig aɗppa wappeg, ebqak melemel elele aokku.

2 Korint 3:14

Amge Israel danab ag dabmak ahilag am ɠagattag eppom daatte. Anukkanu uɗie gemu ele anam. Ag haen amu oh tituanak alagnu yaak amu ag ebqeppig, gemu ele ebqetteb, amge ag amunu meunab ii dooppig, gemu ele ii dootteb. Danab nug iɗu am iɗu hautaknu lamen qattippa hautak daatte, ahilag dabmak am amubia ina daatte. Ag ii aotteb. Iitta. Danab nug Kristusnu ooppa genab dootte dayeb, Kayak Nug lamen amu maut-tte.

Epesus 4:18

Iitta aɗi amu, ahilag dabmakppa am gatatuib. Ag dabmak ena iitta, ag oolag ɠagattag eppe, Kayak dimettanna, Nug dim lamidkkulagnu oolag ii daatte amunu, ag Kayaknu bau ena iinab aoppig.

Epesus 4:26

Ag oolag nauhkku dayeb amu, ag hipunin hemananu dabmeig! Ag oolag nauhkku dayeb, oo nauhak amu nug dayebeb ukkeb, aam aib noum. Aam ii noak haenppa ag oolag laippu meig!

Epesus 4:30

Ag Kayak Ouɗi oo uug aib medappig. Aɗinu? Ag Nug aoppig oitteb amunu, dimppa qagaiettakppanu eɗua uhuqak awaknu deɗppa Kayak Nug uhuqak amu madakkunu, nuhig Ouɗi, epponak keeke bia, ahilagppa daatte.

Hibru 3:10

Amu diig amunu da danab amu dilagnu ool nauhe inam ami. ‘Danab ah imu ag haen oh dahil ib apiɗidna oitteb. Ag dahil kobol ii doyadppig, gemu ele ii doyadtteb.’

Hibru 3:17

Kayak Nug maɗ 40 haen amu ohppa aun aɗi dilagnu oo nauhak doyom? Amuam danab ah ag hipunin qenana, mauhna atu taɗakppa niippig. Kayak Nug ahilagnu oo nauhak doyom.

Hibru 5:9

Jesus Nug uug amu oh mawom amuppa Nug mana mettak ikki danab daakkunu elelenab mettom, amu Nug danab oh nuhig nai dim lamidtteb ele amu, Nug am ahilag ehanatta eɗua diiak hanhannu diig beum daatte.

Revelesen 6:16

Lokkumna daanna, ag qauko, men ele dilag appig. “Laa nug sia king ⌊anuqak,⌋ appa daatte ele, Nug amegnu lokkumigkkulagnu, amu Sipsip Nag, Nug danab ah dilag hipuninnu oppoɗi bak dootte ele amu, ag oppoɗi bak amunu ele lokkumigkkulagnu, ag nena qena tonikkeg!

Ikki Danab 10:16

Israel danab ah ag anam unuqittona, ag heeg, laa dilag kayak hambuppuak dottolkad ag oolagppa ii daaeg, ag Yawe waappa daan, Nug oɗe dim lamidppig. Ag anam heeg, Nug ag uug nau dooppignu, Nug ooppa guittak doyom.

1 Samuel 20:34

Saul nug anam he, Jonatan nug amunu oo nauhak huanaknab doya, nug aha, lag oo amu uua ukkom. Deɗ amuam kalam bau doumnu deɗ aɗit, amu Jonatan nug deɗ amuppa ee ii laum. Jonatan nug oo nauhak huanaknab doya, ee laa deɗ amuppa ii laumnu diig am, nug genabnab genab nug mameg nug Dawitnu eheɗ hedakkunu doya, Dawitnu dabmaama, mameg nug ele Dawit uɗa nak mette doyom.