Mak 3:22 - Nobonob Baibel

²² Anam appig amge, ɗo mehuqak danab ag matu Jerusalemnu neppig, ag Nug heumnu inam appig. “Ouɗi nau ikkilag Belsebub nug danab imu beɗuppa daatte amunu, Nug ɠagattag amuppa ouɗi nau lamadtte,” aon appig.

Mak 3:22 Iomraidhean Croise

2 King 1:2

Amu deɗ laappa Samaria appa King Ahasia nug laug oo attan amuppa ta dayom. Dayaya, nug gililppa ulah ibuppa daya, ad naunau, keeke laa oɗe amuppanu na qemanu lo akkak bia oɗe amuppa daappig amu, keeke amu qiie, nug attannu na qa ukka wanppa noa o, beɗu guittak awom. Anam amunu, nug eɗua ena daakkutai, o iittatai, amu dabmaama dookkunu, nug danab laala maatte, Pilistia wanppa Ekron aabppa gokkulagnu onilagppa eppig. Nug e uɗin daaegeg, nug amelagppa aum. “Ag gona, Ekron dilag kayak Balsebup, da eɗuen ena daakkulte amu oɗ metteg!” awa aum. Nug anam ana, nug he goppig.

Sam 22:6

Amge da amu maɗuai laa bia. Da am danabnab daatte bia ii daattem. Danab ah laa oh ag dahilnu oolagppa ena iinab doonna, ag dahilnu, “Keeke hamunab” dootteb!

Matyu 10:25

Amu danab ag ippunittak danab, nuhigppa aɗi hekkulag amu, ag nuhikkud ippunittak awak danab, ag amu dilagppa ele anamib hekkulag. Aria, danab ag gumak danab, nuhigppa aɗi hekkulag amu, ag nuhikkud maɗi nid, amu dilagppa ele anamib hekkulag. Danab ag lag mamegnu, ‘Nug am ouɗi nau ikkilag,’ appig dayeb amu, geha nuhikkud lag laippu amu, ag ahilagnu onig amunu nau eɗittak, onilkad naunab akkulag.

Matyu 11:18

Aɗinu? Jon nug uɗia, nug ee digdig ii laum, wain ele ii laum amunu, danab ah ag nuhignu, ‘Nug beɗuppa ouɗi nau ele,’ aon atteb.

Matyu 12:24

Amge haen ɗo gumak danab-Parasia ag amu doon, ag inam appig. “Umu Nug ouɗi nau ikkilag Belsebub, Nug nuhig ɠagattagppa aakkuib ouɗi nau lamadtte,” aon appig.

Matyu 15:1

Aria, amu dimppa ɗo mehuqak danab laa amu ɗo gumak danab-Parasia laala ele ag Jerusalemnu ahan, Jesus gumidna uɗin appig.

Matyu 9:34

Ag anam appig, amge ɗo gumak danab-Parasia ag, “Nug ouɗi nau ikkilagnu ɠagattagppa ouɗi nau lamadtte,” aon appig.

Mak 7:1

Aria, amu dimppa ɗo gumak danab-Parasia laa, amu ɗo mehuqak danab laa ele ag Jerusalemnu ahan, Jesus gumidna gona,

Luk 11:15

Amge danab laala ag appig. “Nug ouɗi nau ikkilag Belsebub, Nug nuhig ɠagattagppa ouɗi nau lamadtte,” aon appig.

Luk 5:17

Deɗ laa Jesus Nug danab ah nai ippuanattatta dayeye, ɗo gumak danab-Parasia amu ɗo mehuqak danab ele, ag Galilinu aab ohppanu, Judanu, amu Jerusalemnu ele uɗin daaegeg, Jesus Nug nai mehuqom. Naɗinu ɠagattag am Jesus Nug oɗe danab heeb ena daaglagnu ele nuhigppa dayom.

Jon 10:22

Am Jerusalem appa hobul laa, ag anukka Kayaknu mettid lag od eɗun matulppig ele, hobul amu daakkunu haen be, danab ah oh appa qagmeppig. Haen amuam oug haen.

Jon 7:20

Nug anam a amu, danab ah ag Nug amegppa appig. “Ouɗi nau laa na beɗunppa daatte. Aun nug na nitteb mauhkkutnu hette?” aon appig.

Jon 8:48

Awa a amu Juda ag Jesus oɗeppa aon appig. “Ig nahipnu genab attem. Na Samaria ted, ootppa hahail ele,” aon appig.

Jon 8:52

Awa a amu ag Nug amegppa appig. “Gemu ig genab doottem, na ootppa hahail ele! Abraham nug mauhom, amu propet ele mauhppig, amge na attem, ‘Laa nug nahip nai awa dim lamidkku dayeb, nug am iinab mauhma.’