Mak 3:16 - Nobonob Baibel

¹⁶ Nug danab 12 tituanattom, amu ag onilag am inam. Saimon, amu Jesus nug onig laa Pita ataɗom.

Mak 3:16 Iomraidhean Croise

Mak 1:16

Deɗ laa Jesus Nug Galili le ameg ihippa oiyaya, Nug Saimon, Andru ele, aa am eamag amu, Nug aa ahilah uhui leppa eeheh anatom. Aa am kakai awak danab amunu aa uhui epiɗ.

Mak 3:15

ouɗi nau ele lamadkkulagnu ɠagattag ele daaglagnu maatteb gokkulagnu tituanattom.

Mak 3:17

Aɗit laa amu Sebedi bekoɗ Jems, Jon ele. Jesus Nug aa onilah laa Boanerges ataɗom. Onig amu, nuhig meu am “Hakkaɗ bekoɗ.”

Luk 6:13

Wagɗe, aam be, nuhikkud ippunittak awak danab diikkunu oo daye, Nug ag onilagppa e, gumidna uɗieg, Nug danab 12 tituanatta, ag onilag totol danab ataɗom.

Jon 1:42

Anam ana amu Andru nug Saimon omala, Jesus toppa ukkom. Ukke Jesus antta, amegppa aum. “Saimon, Jon bekka, nahipnu ag geha Sipas akkulag,” awa aum. (Grik naippa Sipas eɗuak am Pita.)

Aposel 1:13

Haen ag aab okkaippa tena amu ag gona, ag lag oo attan, ag daappig ele amuppa teppig. Ag onilag amu Pita, Jon, Jems, Andru, Pilip, Tomas, Bartolomyu, Matyu, Alpius bekka Jems, Saimon, nug am Selot, amu Jems bekka Judas aakku.

1 Korint 1:12

Da nug mehqak kobolnu mattimi amu, da imunu ami. Ag oh ameg piɗe piɗe oppatna daanna, nai aeg ona aeg dotte. Ag anam henana amu, laa nug, “Da am Pol dim lamidttem,” awa aawo, laa nug, “Da Apolos dim lamidttem,” awa atte. Amu laa nug, “Da am Pita dim lamidttem,” awa aawo, laa nug, “Da am Kristus dim lamidttem,” awa atte.

1 Korint 3:22

Pol, Apolos, Sipas, onig laa Pita, aria wan imu, bau dayak, mauhak, keeke gemu daatteb, keeke dimppa bekkulag ele amu, keeke amu oh am ahilag,

1 Korint 9:5

Amu da Kristen ah laa aoppi, uɗat hekkulnu oh oignihnu, totol danab laa, Naɗi laikkud laa oh, am Pita ele ag hetteb bia elele iittate?

2 Pita 1:1

Da Saimon Pita, da am Jesus Kristusnu maɗi nid, amu totol danab ele, da pas imu yaattem. Da ag laa, ag ihinig Kayak, Jesus Kristus, Nug Padal ii maknu ehanittak ihinig daatte amu, Nug genab tutukku hak kobolib dim lamitta he, ag ooppa genab doyak enanag, ihinig bia, ag amu aoppig, da ahilagnu yaattem.