Mak 15:10 - Nobonob Baibel

¹⁰ Pailat nug mana mettak danab okkai ag Jesusnu amelag qe oolag elele ii daye, Jesus hettoɗiakppa meppig doyom amunu, nug anam oɗ mattom.

Mak 15:10 Iomraidhean Croise

Genesis 37:11

Anam amunu, nug awakkud ag nuhignu, ihinigppa anam doolon dabmak aɗan daappig, amge nug mameg nug Josepnu tul niiak amu dabmakppa me dayom.

Prowerb 27:4

Danab nug oo nauhkku dayeb amu, nug laa guittak medakkutai. Ao, danab nug oppoɗi be ameg kokoɗ ebatte dayeb amu, nug laa guittak nau medakkutai; amge danab nug dahil doya laa aomanu doyak aɗa daakku dayeb, nug heeb, laa padal mekkunu elele.

Eklisiastis 4:4

Da amu oh dabmein, da inam ele anidmi. Danab ag uɗat okkai, enanag ele hettebnu diig am, ag mudippan laippu dilagnu amelag qe oolag elele ii daatte. Anam, amge amu ele am gaɗappa, unuqagppa ele anttak laippu iitta; amu ele am danab nug ulah aɗakkunu, ulah dim lamidtte, am amubia.

Matyu 27:18

Pailat nug Juda okkai ag Jesusnu amelag qe oolag elele ii daye, Jesus hettoɗiakppa meppig doyom amunu, Nug anam oɗ mattom.

Mak 15:11

Pailat nug anam oɗ mattom, amge mana mettak danab okkai ag ahan, wagai mena, danab ah kuɗum daappig ele gaɗa gaɗa mattaeg, ag Jesus ii uhuqma, nug Barabas uhuqkkunu appig.

Mak 15:9

Ag anam aeg amu Pailat nug aum. “Da Jesus, Nug Juda dilag king, da Nug uhuqen madakkulnu oolag daattete?” awa aum.

Aposel 13:45

Amge haen Juda laala ag danab ah kuɗumnab qagmeeg anadna, ag, ihinigppa anam daalon dabmak aɗan daan, ag ahan, Pol nai mattiom amu, laa ag amu doomnanu, nai amu tabappeg nokkunu henana, ag Polnu nainu nai iɗu iɗu mattin, dappidna, aon aon qedappig.

Taitus 3:3

Aɗinu ig anam oignig? Ig ele anukka dabmak tutukku iittappa, nai tappe nakppa, Satan nuhig hambuppuakppa ele oimut. Ig oo ahaknu keeke digdig kuɗum, amu beɗunig gamag ahak aokkunu kobol digdig kuɗum ele waappa daat hemut. Ig oo aeg bak kobolppa oitta, laa dilagnu ele amenig qe oonig elele ii dayom. Ig oonigppa lainkad dilagnu nau ninig ele doot oimut, amu ag ele ihinignu anamib doon oippig.

Jems 4:5

Kayak nai laa amunu ag keeke hamu bia doottebte? Nai amuam inam. “⌊Nuhig⌋ Ouɗi, Kayak Nug ig oonigppa meum daatte ele amu, Nug ihinignu dahil doya laa aomanu doyak aɗa daatte.”

1 Jon 3:12

Ag Kain bia aib oippig. Kain nug Satannu danab, amu nug amag qe mauhom. Nug nuhig kobol eheɗ, amagnu kobol amu tutukku, amunu nug qe mauhom.