Mak 14:2 - Nobonob Baibel

² Amu ag keeke amu hekkulagnu inam appig. “Danab ah nug qemana, muttub ele qemananu amu, ig Pasowanu Hobul haenppa Jesus ii aɗamta,” aon appig.

Mak 14:2 Iomraidhean Croise

Prowerb 19:21

Danab ag keeke laala haknu maittak digdig kuɗum aotteb; amge Yawe Nug aɗi bekkunu oo daatte ele amu, gog takppa amuib aakku bette.

Prowerb 21:30

Doyak dabmak ena ele laa, o diignu doyak tutukku laa, o maittak awak laa; amu oh oolagppanu Yawe eɗidkkunu elele iitta.

Gayak Nai 3:27

danab nug nid bau dayaya, wan imuppa uug maokku am ena.

Matyu 26:2

“Ag dootteb, deɗ aɗit uueb, Pasowanu Hobulnu ee lanaknu haen ana bekku amu ag Danab Bekkalag da kekeɗ eppelagppa meiɗna, ag ad emaitakppa atuliɗkkulag,” awa aum.

Matyu 26:5

Ag hettoɗiak hena amu ag appig. “Danab ah ag nug qemana, muttub ele qemananu amu, ig Pasowanu Hobul haenppa Jesus ii aɗamta,” aon appig.

Mak 11:18

Jesus Nug anam a amu, mana mettak danab okkai amu ɗo mehuqak danab ele ag danab ah laa kuɗum amu oh ag Jesusnu nainu oolag okkai dayom anidppig amunu, ag Jesusnu baɗan, qeppeg mauhkkunu ib madippig.

Mak 11:32

Amge ig, ‘Danabnu keeke,’ apput amu, ig danab ah baɗadttem. Aɗinu? Ag oh ag Jonnu, nug am propet oolagppa genab dootteb,” akka akka aon appig.

Mak 14:1

Jesus Nug nai amu oh mattia male amu dimppa Pasowa Hobulnu deɗ ii nak, nekkunu deɗ aɗit dayeye, hobul amunu ag Bret Yis Iitta Lanaknu Hobul Nakok ele adappig amu, mana mettak danab okkai, ɗo mehuqak danab ele amu ag lokkumakppa Jesus aɗan, qeppeg mauhkkunu ib madippig.

Mak 14:3

Aria, Jesus Nug Betani appa danab onig Saimon, nug ⌊matu⌋ gaɗa oɗe nau ele ⌊gemu iitta meum⌋ amu, nug laugppa balalppa ee lanan dayeye, ah laa nug men id enanag, leppu muttuɗig enanag, nob okkainab ele inak, amu awa, Jesus gumitta uɗiom. Ag leppu amu bala laa onig nad, amuppaib heppig. Aria, ah amu nug id amu awa uɗia baag qe aoɗe, leppu amu Jesus igippa gokkaɗom.

Luk 20:6

Amge ig, ‘Danabnu keeke,’ apput am, geha danab oh ag Layattak Jonnu, nug am propet oolagppa genab dootteb amunu, ag menppa iqaglag,” aon appig.

Luk 22:1

Aria Bret Yis Iitta Lanaknu Hobul Nakok, hobul amu onig laa am Pasowa, amu bekkunu miag dayeye,

Jon 12:19

Ag goppig amunu ɗo gumak danab-Parasia ag akka akka nai mattin appig. “Ig nuhig ib oo nekkunignu elele iitta. Antteg! Danab ah oh Nug dim lamidtteb,” aon appig.

Jon 7:40

Danab ah laala ag nai amu doona, “Genabnab danab imuam propet laa uɗikkunu, ig nug ameg mettem ele,” aon appig.