Mak 14:12 - Nobonob Baibel

¹² Aria, Bret Yis Iitta Lanaknu Hobul Nakok deɗ tatamnu ne, deɗ amu Juda danab ag Pasowa Hobulnu sipsip nakkud aqadttappig ele, deɗ amuppa Jesusnu ippunittak awak danab ag dona, Jesus oɗ medappig. “Na Pasowanu ee lakkutnu amu, ig amunu adeppa bappaidkkunignu oot daatte,” aon appig.

Mak 14:12 Iomraidhean Croise

Eksodas 12:18

Ag hobul imu hekkulagnu amu, ag inam heig! Ag kalam digmakppa, kalam amunu deɗ 14ppa, ag tueb amu digmena, bret yis iitta lakkulag. Lappeg ukkeb, kalam anuqak amunu deɗ 21ppa, tueb meeb bataglag.

Eksodas 12:6

Ag doɗ amu deɗ 10ppa tituanadna, ag ena atognoadppeppeg, kalam amunu deɗ 14ppa tuebnab amu, ag Israel oh baelkadppa anen anen, ag doɗ ahilkad baalag otaɗkkulag.

Eksodas 12:8

Tuqan amuppa amu, ag sipsip teppu, o meeme teppu amu, ag aab aɗuppa managlag. Manona amu, ag teppu amu, bret yis iitta ele, amu ele lanana, keh mua ele lakkulag.

Eksodas 13:3

Yawe Nug anam a amu, Moses nug Israel danab ah amelagppa inam aum. “Ag Isip daanna, appa begbeg maɗi nid daaegeg, haen amuppa Yawe Nug nuhig ɠagattag amuppa ag Isipnu diia, omalatte uɗippig amunu, haen oh Yawe Nug deɗ imuppa ahilagnu keeke okkainab amu heum, keeke amu ag daulagppa doaɗ! Ag amu daulagppa doobob, ag bret yis ele hak amu, ag aib lappig.

Matyu 3:15

A amu Jesus oɗeppa awa aum. “Iitta. Gemu amu na da ami bia hekkut. I amuppa kobol tutukku oh elele mettagnih,” awa aum. Awa a amu Jon nug Jesus oɗe dim lamittom.

Mak 14:1

Jesus Nug nai amu oh mattia male amu dimppa Pasowa Hobulnu deɗ ii nak, nekkunu deɗ aɗit dayeye, hobul amunu ag Bret Yis Iitta Lanaknu Hobul Nakok ele adappig amu, mana mettak danab okkai, ɗo mehuqak danab ele amu ag lokkumakppa Jesus aɗan, qeppeg mauhkkunu ib madippig.

Mak 14:11

Nug anam a amu ag enanagnab doon, nug anam heeb, ag men doɗo mettaglagnu nai qakkan appig. Ag anam aeg amunu, Judas nug haen ena adekku Jesus aɗa, ag eppelagppa mekkunu ib mattiom.

Mak 14:13

Ag anam aeg amu Jesus Nug ippunittak awak danab aɗit amelahppa aum. “Aa ahaya goya, aab okkaippa noya, appa amu aa danab nug nippud le ambak ele mawa doa, aa uɗalah teeb amu, aa nug dim lamidya ukkeɗ!

Galesia 4:4

Am anam daye ukkom, amge haen Kayak aum amu elele mette, Kayak Nug Bekka me ne, ah nug menue, Nug ɗo waappa ba dayom.

Duteronomi 16:5

Ag aab naunau, Yawe, ahilag Kayak, Nug ag madakkun hette amu, ag amuppa Pasowa Hobulnu sipsip ii lakkulagoitte.