Mak 13:7 - Nobonob Baibel

⁷ Amu ag bannu doonna, bannu ulah nai ele dooglag. Keeke amu genab bekkulagnab, amge doyeg! Ag aib ottaippig. Wan haen malak iitta.

Mak 13:7 Iomraidhean Croise

2 Samuel 14:14

Le wanppa gokkaɗe, iitta me, danab nug eɗua aokkun elele iitta, amubia ig oh mauhkkunigoitte, amge Kayak Nug haen oh danab mauhkkunu daatte he ii mauhtte. Iitta! Nug heeb, danab ah ag nuhigppanu uma daatteb ag eɗun dona, Nug gumidna daaglagnu ib maditte.

Sam 112:7

Danab anam, nug nai uug ele uɗieb dookku amu, nug ii baɗama; Iitta. Nug Yawenu ooppa genab dootte amunu, nug ooppa maɗoɗ daatte.

Sam 27:3

Ban hak danab laihnu ag da ele ban hekkunignu uɗin taliliɗkkulag dayeb amu, da ii baɗapa. Genab, dahil kekeɗ ag uɗin iuglagnu hekkulag dayeb amu, da Kayaknu oolppa genab doyeye, Nug ehaniɗkkunu oolppa genab dookkul.

Prowerb 3:25

Amu genab, na hanhan doyak dabmak ena ele, oo maittak awaknu ehah ele daut ii atieb, dim lamatkkut dayeb amu, Yawe Nug nahip guppiɗ daakku. Ao, Nug geha atognoitteb, na pelemppa ii temana. Nug anam hekku amunu, na uug naunab paha, laippun bettenu ii baɗamna. Ao, na padal mak, nau hak danab dilagppa bette amu, na amu baɗidna ii oimna.

Aisaia 8:12

“Haen danab ah imu ag, ‘Danab ah laa umu ag eheɗ hekkulagnu nai qagappig,’ aon atteb amu, na paha aib nai amunu genab doome. Amu haen danab ah ag nai amunu baɗan oitteb amu, na amunu aib baɗan oime. Ao, na amunu baɗak okkai aib aome!” awa aum.

Jeremaia 51:46

Ag Yawe amu hekkunu ameg menana, ag maɗ laappa ulah nai, “Babilon wanppa nug qak naɗi daatte,” dooglag. Maɗ laappa, “Babilon dilag okkai nug okkai laa umu eɗidkkunu hette,” dooglag. Ag anam anam aakku dooglag, amge ag ulah nai amu doon, ag aib ottaippig, aib baɗappig.

Matyu 18:7

Wan imuppan danab ag laala hipunin hekkulagnu eeɗadtteb amu, ahilagnu gadonnab gadon. Kobol amuam genabnab daatte, amge danab nug anam hette, nuhignu am gadonnab gadon.

Matyu 2:3

Aon aeg amu, King Herot nug nai amu doya ottaie, Jerusalem danab ah oh ele ottaippig.

Mak 13:6

Aɗinu? Danab kuɗum ag da onilppa uɗin, ‘Da am Kristus,’ anana, kuɗum laa buppualadkkulag.

Mak 13:8

Wan laa ag wan laa ele nug qekkulag. Ɗo maɗoɗ laa ag ɗo maɗoɗ laa ele nug qekkulag. Aben laalappa amu mim nebeppeg, enug haen okkai ele nekkulag. Kobol amu oh am nid dokkunu ah ag guittak tatam dootteb, amubia aakkuib.

Jon 14:1

Amu Jesus nai tuɗitta aum. “Ag oolag uug aib dayom. Ag Kayaknu oolagppa genab doona, ag dahilnu ele oolagppa genab doyeg!

Jon 14:27

Da maɗoɗ awe ii gopa. Iitta! Da maɗoɗ ag madattem. Ge, da dahil maɗoɗ ag madattem. Wan imuppan maɗoɗ am laa, da amubia ii madattem amunu, ag oolag uug aib qeum. Ag aib baɗappig.

Aposel 17:3

Nug Kayak nai amu diig mehuqaqa amelagppa aum. “Kristus Nug nuhig uɗat ha malakkunu amu, Nug guittak nauppa mauha, eɗua hippaidkkunu dayom,” awa aum. Nug nai mehuqe doyegeg, nug aum. “Jesus, da nuhignu ag amelagppa attem ele amu, Nug amu Kristus,” awa aum.