Mak 13:2 - Nobonob Baibel

² Nug anam a amu Jesus Nug aum. “Ag lag okkai imu anadtteb, amge dimppa laa ag men imu loppaɗppeg nena qena, laa nug laa qaɗeppa iinab daama. Ohnab loppaɗppeg, honap nena qekkulag,” awa aum.

Mak 13:2 Iomraidhean Croise

Jeremaia 26:18

“Hesekaia nug ig Juda, ihinig king dayeye, propet onig Maika, Moreset ted, nug dimppa aɗi bekkunu nai mattia, nug Juda danab ah amelagppa inam aum. ‘Yawe Nukka Ɠagattag Oh Ele, Nug inam atte. “Kekeɗ ag heppeg, Sion am datta wan buuak bia daakku. Ao, kekeɗ ag heppeg, Jerusalem am kinipan ameg okkai hume tak daakku. Anam amu, dahil mettid lag, nuhig tomppan keeke oh ele qauko nakokppa daatte amu, aben amu oh am ad naunau qataiettak bena, wan tonan daaglag.” Yawe Nug anam atte,’ awa aum.

Daniel 9:26

Amge haen maha 62 amu dimugppa ⌊huu laa⌋ ag heppeg, laa king daakkunu goɗen gokkaɗakppa tituanak ele, nug king ii daama, nuhig ehanittak laa ele ii daama. Wan laappan okkai, dimppa aha amu, nug nuhikkud daup ele ag uɗin, Jerusalem, Kayaknu mettid lag ele heppeg nauhkku. Ag le ui uɗia keeke he nauhtte, amubia ag Jerusalem, Kayaknu mettid lag ele heppeg nauhkkulah. Aria, amu dimppa ukkeb ukkeb, gog tak haen batak amu, ban hak, keeke heeb nauhak ele daakku.

Maika 3:12

Ag Jerusalem danab okkai, ag nau amu hetteb, ag nai hambuppuak amu ele maditteb amunu, ag beɗulagppa kekeɗ ag heppeg, Sion am datta wan buuak bia daakku. Ao, kekeɗ ag heppeg, Jerusalem am kinipan ameg okkai hume tak bia daakku. Anam amu, Kayaknu mettid lag, amunu tomppan keeke oh ele qauko nakokppa daatte amu, aben amu oh am ad naunau qataiettak bena, wan tonan daaglag.

Matyu 24:2

Anam aeg amu Jesus Nug oɗelagppa awa aum. “Ag keeke amu oh anidtteb, amge da genab ag amelagppa attem, men imu laa ag loppaɗppeg, nena qena, laa nug laa qaɗeppa iinab daama. Ohnab loppaɗppeg, honap nena qekkulag,” awa aum.

Luk 21:6

“Gemu keeke imu oh ag anidtteb amu, haen laa ana beeb, men imu laa ag loppaɗppeg, nena qena, laa nug laa qaɗeppa iinab daama. Ohnab loppaɗppeg, honap nena qekkulag,” awa aum.

Aposel 6:14

Amu nug mattiaya, inam aawo ig doomut. ‘Jesus, Nasaret ted, geha nug Kayaknu mettid lag imu heeb nauheb, anukka Moses nug kobol ig mekkom amu ele Nug eɗukku,’ awa aum,” aon appig.

Revelesen 11:2

Amge na Kayaknu mettid lagnu haɗap, iitta aɗi ag aguppa oitteb amu, na haɗap amuppa melemel aib meme. Haɗap amuam melemel maknu dimittim dayaɗ! Aɗinu? Kayak Nug haɗap amu iitta aɗi ag amuppa daaglagnu otiom. Amu iitta aɗi ag Jerusalem, aab okkai amuam Kayaknu amu, ag aab amu kalam 42 eheɗ naunab hettaglag.