Mak 12:14 - Nobonob Baibel

¹⁴ Ag gumidna gona amu ag appig. “Ippunittak danab, ig doottem, na am danab tutukku. Na danab okkai onig ele, o danab onig iitta, na amu ohnu dab-ii-mettem. Iitta. Na doyak diig genabib, na nai amuppanuib mattin, danab ah Kayaknu kobol ippunadttem amunu, na keeke imunu appe doognig. Na attem doottem? Ig takis Sisar mettagnig am kobol tutukku, o kobol tutukku iitta?

Mak 12:14 Iomraidhean Croise

2 Stori 18:13

Amge Mikaia nug ehanittak anuqak danab amegppa aum. “Yawe genab bau daatte, genab amubia da dahil Kayak aɗi da amelppa atte amu, amu aakkuib da madikkulnu elele. Da keeke laanu madikkulnu elele iitta,” awa aum.

2 Stori 19:7

Amunu ag amu dabmena, ag ebehilag oh Yawenu bodoetta le maɗ! Yawe, ihinig Kayak, Nug nai doya mala hettoɗia epeɗia elele mettak kobol dim lamidtte; Nug kaliak nakok laa ii hette. Nug men doɗo awa, laa eheɗ heumnu, ‘Nug ii heum,’ iinab atte amunu, ag epeɗiak maɗi ahilag pehettak, eleleib heig!” awa aum.

Nehemaia 9:37

Ig hipunin hemut amunu, king laa ig gumigkkulagnu na maadme amu, ag wan imuppan ee wak okkai, ag aotteb. Ag ig gumignana, ihinigppa, ihinkad doɗ manan ele amu, ag aɗi aɗi hekkulagnu oo hak ahilag dim lamidna hetteb. Uug okkainab tonikke, ig nauhmut daattem.” ⌊Esra⌋ anam unuqittom.

Sam 120:2

O Yawe, na da ehaniɗna, danab ah hambuppuak nai mattinna, ag nai genab iitta atteb ele amu, na da ag eppelagppanu awiɗkkutnu oɗ medattem.

Sam 55:21

Nuhig nai amu enanag, ee enanag bia, amge nug ooppa amu, nug nug qaknuib hette. Yo, nuhig nai amu enanag, beɗu laittaknu goɗen enanag bia, amge nug oo unuqag amu, nug danab ah aqakkunu hette!

Jeremaia 42:20

Ag Isip gokkulagnu dabmetteb amu, amuam ag mauhkkulagnu hetteb. Aɗinu? Ag da Yawe, ahilag Kayak, da Nug unuqidkkulnu ag da amelppa, ‘Na Yawe, ihinig Kayak, na Nug ihinignu unuqidppe, Nug aɗi ab appe, ig doot, Nug aɗi aɗi hekkunignu akku amu, ig aakku hekkunig,’ appig.

Maika 3:8

Amge ⌊da Maika⌋ dahilnu amu, da Jakop buɗub, ag hipunin hetteb ele amelagppa akkulnu, ao, da Israel danab ag hipunin hetteb akkulnu, Yawe Nug he, nuhig Ouɗi, ɠagattag, nai doya mala hettoɗia epeɗia elele mettak kobol, aria ooppa ɠagattag doyak ele dahilppa ambe, da oittem.

Matyu 22:16

Ag anam hena, ag ahilkad ippunittak awak danab, am Herotnu ehanittak danab ele, ag amunu laala maatteg, Jesus gumidna gona appig. “Ippunittak danab, ig doottem, na am danab tutukku. Na danab okkai onig ele, o danab onig iitta, na amu ohnu dab-ii-mettem. Iitta. Na doyak diig genabib, na nai amuppanuib mattin, danab ah Kayaknu kobol ippunadttem

Matyu 22:17

amunu, na keeke imu appe doognig. Na attem doottem? Ig takis Sisar mettagnig am kobol tutukku, o kobol tutukku iitta?” aon appig.

Mak 12:13

Anam amu dimppa ag ɗo gumak danab-Parasia laala, amu Herotnu ehanittak danab oolagppanu ele laala ele maatteg gona, ag Jesus takisnu oɗ medappeg, Nug eheɗ ab, ag Nug aɗaglagnu goppig.

Mak 12:15

Ig mettagnig o iitta?” aon appig. Ag anam appig, amge Jesus Nug ag hambuppuak danab dilag kobol heppig doya, Nug aum. “Aɗinu ag heppeg, ɗo danab ag da aɗailkkulagnu hetteb? Ag men doɗo laa onig danarius aon doppeg, da anttei!” awa aum

Mak 14:45

Aria, ag uɗina, Judas nug pahanab Jesus gumitta ukka, “Ippunittak Danab,” awowa, nug ootuqittom.

Luk 20:22

amunu, na keeke imu appe doognig. Na attem doottem? Ig takis Sisar mettagnig am kobol tutukku o kobol tutukku iitta?” aon oɗ medappig.

Luk 23:2

Ag gona, appa ahan, nug beɗuppa nai huanak yaan appig. “Ig danab imu anittutut, Nug ihinkad danab hambuppualadtte. Nug ig Sisarnu takis mematanu gun ma, Nug nugakka hume attan te, Nug atte. ‘Da Kristus, da king laa,’ awa aum,” aon appig.

Jon 7:18

Am danab laa nug nukka nuhig dabmakppa nai maditte amu, nug nukka binag okkai aokkun hette. Amge danab laa, nug laa me uɗiom ele, nug binag mette amu, danab amu nug doyak diig genabib dim lamidtte; nug nuhigppa eheɗ laa ii daatte.

Rom 13:6

Laa ele amu, danab ag gumaknu ehah ele, ag ele Kayaknu maɗi nid daatteb, ag uɗat amu ena gokkunu dabmedatteb, amu diig amunu ag ag takis madatteb.

2 Korint 2:17

Danab kuɗum laa ag oinna, Kayak naippa men doɗonu uɗat hetteb ele amu, ig amubia ii hettem. Iitta. Ig Kristusnu daatta, maɗi nid Kayak maatte gotteb bia, ig oonig oppiaawak eleppa Kayak noobppa nai amu mehuqttem.

2 Korint 2:2

Aɗinu? Da ag oolagppa uug madappi amu, aria laa nug da oo gamag ahak meɗakkunu iitta! Ag akka!

2 Korint 4:1

Kayak Nug ihinignu oo gai-iitta doya oo mekka ehanikka, uɗat imu ig mekkom amunu, ig oo bai noak ii doottem.

2 Korint 5:11

Amu ig Naɗinu ebehi oh bodoetta le mak doottem amunu, ig danab ag nuhignu oolagppa genab dooglagnu uɗat okkai hettem. Kayak Nug ig dooikka malom; Nug noobppa am ig miag bemut daattem. Amu ag ele ig anam dooikkulagnu ool naɗi daatte.

2 Korint 5:16

Anam amunu gemu amu, ig oo alagppan kobolppa baula danab laa ib amuppa ii epeɗittem. Genab, anukka ig oo alagppan kobolppa Kristus epeɗimut, amge gemu ig anam ii hettem.

Galesia 1:10

Nai da gemu attem imu amu danab ag dahilnu oolagppa ena dooglagnute attem? Iitta! Da Kayak Nug dahilnu oo ena dookkunu hettem. Da am danab ag oolag ittag qekkunuib hettemte? Am da danab ittag qekkunu hettem dayeblob amu, aria da Kristusnu maɗi nid iitta daalom.

Galesia 2:6

Aria danab da ele nai mattimut, ag da nai mehuqttem ele amu, ag nai amu ii tuɗidppig. Eleleib dooppig. Danab laa ag amu dilagnu, “Danab okkai,” atteb, amge amuam genab o genab iitta, da amunu dab-ii-mettem. Aɗinu? Kayak Nug danab dilag neekkakppa danab laanu, “danab onig ele,” laanu, “danab onig iitta,” Nug dabmak amu dab-ii-mette.

Duteronomi 16:19

Epeɗiak danab ag heppeg, nai doya mala hettoɗia epeɗia elele mettak kobol am kaliak aib dayom. Ag hettoɗiakppa laanu hamu ena hettana, laanu hamu, eheɗ aib heppig. Ag lokkumakppa eheɗ haknu ehanittak aib aoppig. Aɗinu? Kobol anam, amuam he, danab doyak dabmak ena ele dilag dabmak he kaboliattette, genab tutukku hak danab dilag nai ele he kaliak daatte.

1 Tesalonaika 2:4

Iitta! Kayak Nug ig Nai Ena mehuqak uɗat imu hekkunignu elele anikka mekke, ig hettem. Ig Nai Ena madipput, danab ag ihinignu oolag daakkunu iitta. Iitta. Ig Kayak, Nug ig oonig epeɗitte amu, Nug ihinignu oo daakkunu hettem aakkuib.