Mak 12:13 - Nobonob Baibel

¹³ Anam amu dimppa ag ɗo gumak danab-Parasia laala, amu Herotnu ehanittak danab oolagppanu ele laala ele maatteg gona, ag Jesus takisnu oɗ medappeg, Nug eheɗ ab, ag Nug aɗaglagnu goppig.

Mak 12:13 Iomraidhean Croise

Sam 140:5

⌊O Yawe, na da ehaniɗkkutnu oɗ medattem.⌋ Dada hak danab ag da aɗailkkulagnu pelem meppig daatte. Ao, ag da uhui laappa nokkulnu meppig daatte. Ag da ippulppa pelem maadppig daatteb. Sila.

Sam 38:12

Kekeɗ dahil ag danab laa nug pelem doɗ aɗeb qekkunu mette amubia, ag dahilppa anam bia hekkulagnu hetteb. Ao, danab ag da guittak meɗaglagnu hetteb amu, ag mattiak hena, ag eheɗ nau heiɗkkulagnu maidtteb. Ag deɗ oh amun tuqan ele amu hambuppuak nai maditteb.

Aisaia 29:21

Danab nau amu, ag am laa ag hettoɗiakppa danab eheɗ laa ii he, nug eheɗ heum atteb. Ao, ag am laa ag hettoɗiakppa danab eheɗ ii heum laikkud, ag nug ehanittegeg, laa amu ag amu dilagnu pelem meeg, ag eheɗ aotteb. Ge, ag am laa ag hettoɗiakppa danab eheɗ ii he, ag hambuppun, “Nug eheɗ amu heum,” ag nai amu ag nug hamu yaatteb amunu, danab nug eheɗ ii heum, nug hamu guittak aotte.

Jeremaia 18:18

Amu danab laa ag appig. “⌊Jeremaia atte am genab iitta.⌋ Mana mettak danab ag Yawenu ɗo ippunigtteb amu, kobol amu ii iitta mema. Danab doyak dabmak ena ele ag ulum nai ena megatteb amu, amu ele ii iitta mema. Propet danab ag Yawenu nai mehuqeg doottem amu, kobol amu ele anamib daakku, ii iitta mema amunu, ahappeg, ig hepput, Jeremaia hettoɗiakppa dayaya nauhaɗ! Ig amu hepput, nuhig nai ig daunigppa baula ii daama,” aon appig.

Matyu 16:6

Ag anam gona tewona amu, Jesus Nug ag amelagppa aum. “Ag ɗo gumak danab-Parasia amu ɗo gumak danab-Sadyusi ele dilag yisnu dabmeig!” awa aum.

Mak 12:14

Ag gumidna gona amu ag appig. “Ippunittak danab, ig doottem, na am danab tutukku. Na danab okkai onig ele, o danab onig iitta, na amu ohnu dab-ii-mettem. Iitta. Na doyak diig genabib, na nai amuppanuib mattin, danab ah Kayaknu kobol ippunadttem amunu, na keeke imunu appe doognig. Na attem doottem? Ig takis Sisar mettagnig am kobol tutukku, o kobol tutukku iitta?

Mak 3:6

Jesus anam heum amunu, ɗo gumak danab-Parasia ag ahan ukkaeg, Herotnu ehanittak danab ele qagmena, Jesus qekkulagnu ib madippig.

Mak 8:15

Amu Jesus Nug ag amelagppa nau aomanu nai imu aum. “Ag ɗo gumak danab-Parasia amu Herot ele dilag yisnu dabmeig!” awa aum.

Luk 11:54

Nug nai eheɗ laa ab, ag Nug dimug mekkulag, amunu heppig.