Mak 12:12 - Nobonob Baibel

¹² Jesus Nug anam a amu, Juda danab okkai ag Jesus Nug keeke danab ag dootteb ii dootteb ele ouaqata ippuanittak nai amu ag eheɗ hak ahilag anidkkulagnu mattiom dooppig amunu, ag Jesus aɗaglagnu ib madippig. Madippig amge ag danab ah kuɗum ⌊appa daappig⌋ ele baɗadppig amunu, ag Jesus uuidna goppig.

Mak 12:12 Iomraidhean Croise

Matyu 21:26

Amge ig, ‘Danabnu keeke,’ akkunig amu, danab oh ag Jonnu, nug am propet dootteb amunu, ig ahilagnu baɗattem,” akka akka aon appig.

Matyu 22:22

Haen ag Jesusnu nai anam doona amu, ag dabmak kuɗum aonna, ag Nug uuidna goppig.

Mak 11:18

Jesus Nug anam a amu, mana mettak danab okkai amu ɗo mehuqak danab ele ag danab ah laa kuɗum amu oh ag Jesusnu nainu oolag okkai dayom anidppig amunu, ag Jesusnu baɗan, qeppeg mauhkkunu ib madippig.

Mak 11:32

Amge ig, ‘Danabnu keeke,’ apput amu, ig danab ah baɗadttem. Aɗinu? Ag oh ag Jonnu, nug am propet oolagppa genab dootteb,” akka akka aon appig.

Luk 20:19

Amu mana mettak danab okkai amu ɗo mehuqak danab ele ag Jesus Nug keeke danab ag dootteb ii dootteb ele ouaqata, ippuanattak nai amu ag eheɗ hak ahilag anidkkulagnu mattiom doona, ag haen amuppanab ahan aɗaglagnu ib madippig, amge ag danab ah dilag baɗappig.

Luk 20:6

Amge ig, ‘Danabnu keeke,’ apput am, geha danab oh ag Layattak Jonnu, nug am propet oolagppa genab dootteb amunu, ag menppa iqaglag,” aon appig.

Jon 7:25

Jesus Nug anam a, Jerusalem danab laala, ag Juda okkai ag Jesus qeppeg mauhkkunu dabmeppig amu, ag amu doona, ag appig. “Danab imuam ag qeppeg mauhkkunu appig,

Jon 7:30

Jesus Nug anam a, ag Nug aɗaglagnu heppig, amge nuhig haen ii malom amunu, laippu laa nug Jesus ii aɗom.

Jon 7:44

Daana, laala ag Jesus aɗaglagnu heppig, amge laippu laa nug eppeg bahia, Jesus ii aɗom.