Mak 12:1 - Nobonob Baibel

¹ Jesus Nug anam awowa amu Nug digma, keeke danab ag dootteb ii dootteb ele ouaqata ippuanittak nai laala inam aum. “Danab laa nug grep dad eppowa, aɗ ita, dad ooppa grep meu tappa leppu awaknu aben laa ha, nug neekkeb ukkeb, aɗi uɗitteb anttaknu lag attan ta ukkak laa ele heum. Aria, nug uɗat amu oh ha mala, nug dad uɗat danab eppelagppa mewowa, nug aha, atu laih umanab ukkom.

Mak 12:1 Iomraidhean Croise

Aisaia 7:23

Keeke laa bekku am geha, haen amuppa, ahilkad grep dad oh nauhkkulag. Muɗi grep dad ahilkad anen anenppa, ahilkad muɗi grep 1,000 ele, ahilag nob am 11.5 kilogram silwa elele, amge dad amu ohppa uud keeke qaun ele, keeke amu bena, dad ena amu oh teguadkkulag.

Jeremaia 2:21

Israel danab ah, ag am muɗi grep danab eppom, amubia. Muɗi grep amuam enanag, meu okkunu elelenab, oɗe keeke iitta. Nug muɗi grep elele anam eppom, meu enanag aokkun dabmeum, amge muɗi grep ba, okkai ma, meu oum, me meu amuam ena iitta; am meu nau. Muɗi grep amuam eɗua, muɗi grep dakkuɗ, meu ena iitta ele beum. Amu ag Israel danab ah, ag dahilppanu anam bia aakku.

Esekiel 20:49

Yawe Nug anam a amu, da ami. “O Naɗi Yawe, gadon, na nai amubia laala ele meɗae, da mattimi, amge Israel danab ah ag tuɗidna, dahilnu, ‘Nug keeke danab ag dootteb ii dootteb ele ouaqata ippunittak nai aakkuib iite maditte,’ atteb amunu, da attem hein, nai amubia baula appi dooglag,” awe ami.

Matyu 13:3

Ag anam daaegeg, Jesus Nug keeke danab ag dootteb ii dootteb ele ouaqata ippuanittak naippa keeke kuɗum ag amelagppa mattiom. Nug inam mattia aum. “Ee aeg eppak danab nug ee aeg ebakkunu aha, dad okkaippa ukka ee eppaknu abenppa oiyaya, ee aeg tauɗom.

Matyu 21:28

Jesus Nug nai anam mattiowa, Nug nai baula ele tuɗitta aum. “Ag attem dootteb? Danab laa nug nid danab aɗit ele, amu nug aha ukka, nid tatamnu amegppa, ‘Na gona grep dad dahilppa uɗat he!’ awa a, nid amu nug,

Matyu 21:33

Jesus baula ele amelagppa aum. “Ag keeke danab ag dootteb ii dootteb ele ouaqata ippuanittak nai imu baula doyeg! Danab laa nug wan ele amu, nug grep dad eppowa, aɗ ita, dad ooppa amu nug grep meu tappa leppu awaknu aben laa ha, nug neekkeb ukkeb aɗi uɗitteb anttaknu lag attan ta ukkak laa ele heum. Aria, nug uɗat amu oh ha mala, nug dad uɗat danab, dimppa ag dad amunu meu laih mettaglagnu ag eppelagppa mewowa, nug aha, atu laih umanab ukkom.

Matyu 21:34

Dimppa, haen grep meu awak haen miag do, nug nuhikkud maɗi nid laa maatte, ag grep meu nuhig aoglagnu dad uɗat danab gumadna goppig.

Matyu 25:14

Aria Jesus Nug nai anam awowa, Nug nai laa ele inam aum. “Kayaknu ɗo maɗoɗ amu danab okkai laa nug atu laappa gokkunu ha, nuhikkud maɗi nid onilagppa e uɗieg, nug enub ag eppelagppa meum, amubia.

Mak 11:33

Ag akka akka anam ana amu, ag Jesus amegppa appig. “Ig ii doottem,” aon appig. Aon aeg amu Jesus Nug aum. “Aakku amunu da ele ɠagattag aɗippa uɗat hettem amu, da appi ii doomna,” awa aum.

Mak 13:34

Haen amu inam bia bekku. Danab laa nug atu laih gokkunu aha, nug laugppanu uɗat oh otia, nuhikkud maɗi nid eppelagppa mewowa, laa nug od gumom ele, nug nuhig okkai eɗua uɗikkunu dabmaama daakkunu awowa, aha ukkom.

Mak 3:23

Ag anam aeg amu Jesus Nug he, ag gumidna doeg, Nug keeke danab ag dootteb ii dootteb ele ouaqata, ippuanatta nai amuppa amelagppa inam aum. “Satan nug attemu Satan lamidkkunu elele?

Mak 4:2

Jesus Nug keeke danab ag dootteb ii dootteb ele ouaqata ippuanittak naippa keeke kuɗum ippunattak ha, inam mattiom.

Luk 15:13

Nug aa mate aoeh, haen elab iitta amu bekka gehanu nug aha, nuhig keeke am oh akka qagma awa, wan laappa umanab ukkom. Nug nukka appa wan amuppa dayaya, am nuhig men doɗo amu enaen mak kobolppa oh akke ukkom.

Luk 19:12

Nug mattia aum. “Anuqak danab laa nug aha, wan laappa uma ukkeb, appa ag nug nuhig wanppanu king daakkunu ehah medappeg, dimppa amu nug eɗua uɗia, king daakkunu dabmeum.

Luk 22:9

Nug anam a amu aa Nug amegppa apiɗ. “Adeppa bappaidkkunihnu oot daatte?” aoya oɗ medapiɗ?

Luk 8:10

Oɗ mettaeg amu Jesus Nug aum. “Ag dahilad amu, Kayak Nug ag Kayaknu ɗo maɗoɗnu keeke diig lokkumak amu dooglagnu doyak mattom amunu ag dootteb, amge da danab laa amelagppa keeke danab ag dootteb ii dootteb ele ouaqata ippuanattak naippaib madittem. Amunu diig am, ‘Ag neegkkulag, amge ag diig tutukku anidkkulagtai, o tutukku iitai anidkkulag. Ag nai daulagppa dooglag, amge ag nai meu am tutukku dooglagtai, o tutukku iitai dooglag,’ ” awa aum.

Aposel 7:38

Moses nug dimppa Israel ele oh ag atu taɗakppa, Sainai qaukoppa qagmena amu, nug engel, ig mamelkad aɗi ele dilag gamag danab dayeye, engel nug Kayak nai bau dayaknu amu mette, nug awa, ag mattom.