Mak 10:4 - Nobonob Baibel

⁴ Nug anam a amu ag appig. “Moses nug inam aum. ‘Danab laa nug wau lamidkkunu oo dayeb amu, nug uɗug laa ewau okkulaknu ya, wau mettowa lamitteb gokku,’ ” aon appig.

Mak 10:4 Iomraidhean Croise

Aisaia 50:1

Yawe Nug atte. “Danab laa nug wau nuhigppa eheɗ heum doya he, aha gotte amu, da amubia hemi amunu, ag gona, wan laappa maɗi nid daattebte? Iitta! O iitta, danab laa nug laa eppegppanu lon awa, eɗua medakkunu elele iitta amunu, lon mameg nug danab lon awom wau, bekkod ele laanu maɗi nid daaglagnu me, daden mette ele amu, da anam bia hemi amunu, laa ag Juda, ag ag diiadna goppigte? Iitta! Amu ohnu am iittanab iitta! Ag hipunin heppig amunu, ag laa eppegppa daatteb. Ag hipunin heppig amunu, ag gona, diia ukka laih me dayak danab ah wan laappa daatteb.

Jeremaia 3:1

Amu Yawe Nug atte. “Danab ah aa ewau daattep, ah nug ⌊gappai heeb,⌋ danab nug nuhig ah amu lamitteb, ah nug ukka, danab laa awa, ⌊baula gappai heeb,⌋ danab amu ele nug ah amu lamitteb, danab nug tatam ah amu awa lamittom amu, nug eɗua, ah amu baula aokku am enate? Kobol augigiak amuppa wan am Kayaknu neekkakppa dubuttid tak ele iite daama. Anam, amge ag Juda, ag kayak hambuppuak kuɗum noolagppa dup nona binalag meegeg uɗie, gemu ele hetteb. Ag ib baag ah nug danab kuɗum ele niiglagnu hette, ag amubia hetteb. Ag anam hetteb, amge da tuɗitten, ag eɗue diiadkkulnu onilagppa ettem.

Matyu 1:19

Daye amu Maria gamu Josep nug am genab tutukku hak danab, ⌊oo doyak ele⌋ amunu, nug heeb, danab ah dilag neekkakppa Maria uɗa nak guittak ele dookkunu uua, nug lokkumakppa Maria uukkunu dabmeum.

Matyu 19:7

Jesus Nug anam a amu, ɗo gumak danab-Parasia ag amegppa appig. “Na anam attem, amge attemun Moses nug ihinigppa ɗo laa meum, amu ɗo amuppa danab nug wau lamidkkunu oo dayeb amu nug uɗug laa ewau okkulaknu ya, wau mettowa, lamitteb gokku?” aon appig.

Mak 10:3

Ag anam oɗ mettaeg amu Jesus Nug oɗelagppa awa, oɗ mattom. “Keeke amunu amu Moses nug ɗo attem meum?” awa aum.