Mak 10:33 - Nobonob Baibel

³³ “Doyeg! Ig gemu iikku Jerusalem gottem. Gopput, laa nug Danab Bekkalag da, mana mettak danab okkai amu ɗo mehuqak danab ele ag eppelagppa meiɗeb, ag da hettoɗiakppa meiɗna, iuppeg mauhkkulnu nai qakkana, ag da iitta aɗi eppelagppa meiɗkkulag.

Mak 10:33 Iomraidhean Croise

Aisaia 53:3

Danab ah ag nuhignu ena iinab doon, ag nug guhuɗidppig. Nug bau dayaya, nug oo doyak huanaknab doyaya, guittak huanak ele doyom. Danab ah ag laa, ag nug nakok laa anidkkulagnu oolag iinab hette amu, ag Yawenu maɗi nidnu ena iinab dooppig. Ig nug binag nakok laa ii mettamut.

Matyu 16:21

Haen amuppa Jesus Nug digma, Nug ib laa iitta, Nug Jerusalem ukkeb, appa Juda dilag ikki danab, mana mettak danab okkai, amu ɗo mehuqak danab ele ag heppeg, Nug guittak kuɗum dookku, ag qeppeg mauhkku, deɗ ewam uueb Kayak heeb, Nug eɗua hippaidkku amu, Nug nuhikkud ippunittak awak danab amelagppa aum.

Matyu 26:66

Ag aɗi atteb?” awa aum. A amu ag appig. “Nug mauhkkun daatte,” aon appig.

Matyu 27:2

Qakkona amu, ag Jesus eppeg muɗippa qakkana, aon gona, Pailat eppegppa meppig. Pailat nug gawana dayom.

Mak 14:64

Nug nukka nuhignu, ‘Da am Kayak,’ aum amunu, Nug Kayaknu dabittak nai aakku aum. Ag nai amu dooppig amu ag nuhignu aɗi atteb?” awa aum. Nug anam a amu ag oh, “Nug eheɗ heum, Nug mauhkkun daatte,” appig.

Mak 15:1

Aria, wagɗe buttuanab amu, mana mettak danab okkai, Juda dilag ikki danab, ɗo mehuqak danab amu Juda dilag hettoɗiak okkai onig Sanhidren, amunu danab ele ag oh qagmena, Jesus mauhkkunu nai qakkona, Jesus eppeg muɗippa qakkana, aon gona, Pailat eppegppa meppig.

Mak 8:31

Aria, haen amuppa Jesus, Nug am Danab Bekkalag, Nug digma, Nug ib laa iitta, Nug guittak kuɗum dookku, Juda dilag ikki danab, mana mettak danab okkai amu ɗo mehuqak danab ele ag geɗidna, ag ⌊heppeg, laa ag⌋ qeppeg mauhkku, deɗ ewam uueb Kayak heeb, Nug eɗua hippaidkku, Nug nuhikkud ippunittak awak danab amelagppa aum.

Mak 9:12

Ag anam aeg amu Jesus Nug aum. “Ɗo mehuqak danab ag, ‘Elaiya nug tatam uɗia, keeke oh bappaidkku,’ atteb amu, ag genab atteb, amge ag dahilad, ag Kayak nai laa ele dabmekkulag. Nai amuam inam. ‘Danab Bekkalag da, da guittak dooppi geɗilkkulag.’

Mak 9:31

Aɗinu? Nug nuhikkud ippunittak awak danab nuhignu inam ippuanattatta aum. “Danab Bekkalag da amu, laa nug geha da danab eppelagppa meiɗeb, ag heppeg da mauhkkul. Mauhoya amu deɗ ewamppa da eɗuen hippaidkkul,” awa aum.

Luk 23:21

amge ag enan appig. “Ad emaitakppa atule, ad emaitakppa atule!” aon eppig.

Luk 9:22

Anam amu, Jesus Nug aum. “Da, Danab Bekkalag, da ib laa iitta, da guittak kuɗum dookkul, Juda dilag ikki danab, mana mettak danab okkai amu ɗo mehuqak danab ele ag geɗilna, ag ⌊heppeg, laa ag⌋ iuppeg mauhkkul, deɗ ewam uueb Kayak heeb, da eɗua hippaidkkul,” awa aum.

Jon 18:28

Matuk gaye amu buttuanab ag Jesus Kaiapas toppanu aona, gawananu lag enanagnabppa goppig, amge ag akka ag gawana laug ooppa ii noppig. Iitta. Ag Pasowanu Hobulnu ee lakkulagnu oolag he, ag oolagppa, “Gawana imu nug Juda iitta, ihinig ɗoppa ig nug laug ooppa gokkunig dayeb, ig Kayak ele ouqa dayaknu elele iitta daagnig. Ig anam daatta amu, ig Pasowanu Hobulnu ee ele lakkunignu elele iitta daagnig amunu, ig lag ooppa ii gomata,” anana, lag ooppa ii goppig.

Jon 18:32

Ag nai amu appig amu Jesus Nug kobol aɗippa mauhkkunu aum ele, nuhig nai amu meu oum.

Jon 19:11

Anam a amu Jesus amegppa aum. “Attannu laa Nug na ɠagattag ii mettalo amu, na dahilppa aɗi hekkutnu elele iitta amunu, aun nug da na eppenppa meiɗom ele, nuhig hipunin am okkainab, nahip eɗittak,” awa aum.

Aposel 13:27

Aria, danab Jerusalem daatteb amu ahilkad ikki danab ele, ag Jesus anidna, ag Nug am laa propet ag uɗikkunu appig amu, ag amu oolag ii maittom. Anam amge haen ag Nug qeeg mauhom, haen amuppa ag propet dilag yaak, Sabat deɗ ohppa ebqetteb ele amu, ag hena, ag nai amu elele medappig.

Aposel 20:22

Aria, doyeg! Gemu da dahil dabmak ɠagattag da duttuniɗa he, da iikku Jerusalem gottem. Appa aɗi keeke geha dahilppa bekku amu da ii doottem.

Jems 5:6

Danab laa ag beɗulagppa aab iitta, ag ahilagppa eheɗ laa ii heppig, amge ag danab amu hettoɗiakppa maadna heeg, epeɗiak danab nug ag eheɗ heppig a, ag aqaeg mauhppig.