Mak 10:22 - Nobonob Baibel

²² Jesus Nug anam a amu danab amu nug nai amunu iɗu tiguguɗe, nug eɗua, oo uug ele ukkom. Aɗinu? Nug enub kuɗum ele.

Mak 10:22 Iomraidhean Croise

Esekiel 33:31

Danab ah amu, ag dahilad danab ah, ag hanhan na noomppa uɗin daanna, nahip nai dootteb, amge ag nahip nai da na medattem amu, ag nai amu ii dim lamidtteb. Aɗinu? Ag oɗelagppaib da dim lamiɗkkulagnu atteb, amge ag ib eheɗppa baubau awaknu hik aqeeqe oitteb.

Matyu 13:22

Ee aeg wan uud keeke qaun ele beppigppa nena qeppig ele amu, nai amu inam ippunigtte. Danab laa nug nai dootte, amge wannu haen imunu uug laala, enub awak uɗatnu ameg qak kobol ele, keeke amu oh danab amu nug ooppa he, Kayak nai iitta ma, meu ii otte.

Matyu 19:22

Awa a amu nid bau amu doya, nug oo uugnab ele ukkom. Aɗinu? Nug enub kuɗum ele.

Matyu 27:3

Aria Judas, nug Jesus kekeɗ eppelagppa meum ele, nug ag Jesus mauhkkunu nai qagappig doya, nug oo uug daye, silwa men doɗo 30 amu eɗua awa ukka, mana mettak danab okkai amu danab ah dilag ikki danab ele madakkunu haaha,

Mak 10:21

Awa a amu Jesus Nug danab amunu dabmak awa, nuhignu oo mauhe amu nug amegppa aum. “Keeke laippunu amuppaib na elele iitta. Na gona, na enun oh meppe, danab laala daden meppeg, na men doɗo amu oh aon, daɗek danab mattona, na hab attan enun okkai ele daakkut. Na anam hewona amu, na eɗun dona, da dim lamiɗe!” awa aum.

Mak 10:23

Nug ugekke amu Jesus Nug ippunittak awak danab nuhikkud neekkatta, Nug ag amelagppa aum. “Danab ag enulag kuɗum ele amu ag Kayaknu ɗo maɗoɗ ooppa noaknu am uug okkai ele,” awa aum.

Mak 6:20

Aɗinu? Herot nug doyom, Jon am genab tutukku hak danab, Kayaknu danab oppiaawak ele amunu, Herot nug heeb mauhmanu baɗa atognoum. Amu deɗ laala Herot nug Jon nai madikkunu onigppa e uɗia, nai mattie amu Herot nug Jonnu nai amunu dabmak kuɗum awom, amge nug nai amu dookkunu oo ele dayom.

Mak 6:26

Nid ahin nug anam a amu King Herot nug oo uug naunab dayom, amge nug tatam nai ɠagattag qetta aawo, ɗo danab ag nug ele ee lappig amu, ag ele nai amu doyeg, “Amu iitta,” akkunu uua,

Luk 12:15

Anam awona, Nug danab ah oh amelagppa aum. “Ag dabmena, tutukku doyeg! Ag baubau awaknu hik qak kobol oh aib heppig. Aɗinu? Danab nug keeke ohnu elelenab eɗittak daatte amu, nug nuhig keeke amuppa bau dayak ii aotte,” awa aum.

Luk 18:23

Nug anam a amu, ikki danab nug nai anam doya, nug oo uugnab dayom. Aɗinu? Nug enub kuɗum ele.

2 Korint 7:10

Ooppa guittak doyak, Kayak Nug he bette amu, oo guittak doyak amuam he, ig danab aakku oonig eɗutte. Kobol amuppa Kayak Nug ig eɗua awigtte. Danab amunu am eheɗ laa ii dooma, amge ooppa guittak doyak, wannu kobolppa bette ele amu, ooppa guittak doyak amuam he, mauhak bette.

Epesus 5:5

Aɗinu? Ag dootteb, gappai danab, danab nug ooppa oppiaawak iitta, amu baubau awaknu hik qak danab, danab amu nug kayak hambuppuak dim lamidtte, danab amunu laa nug Kayak, Kristus ele dilah ɗo maɗoɗ ooppa ii daama.