Mak 10:19 - Nobonob Baibel

¹⁹ Amge nahip oɗmaknu amu, na ɗo oh doottem. Na ewau aib pakkuna gappai heme. Na danab aib qeppe mauhom. Na yabhok aib heme. Na hettoɗiakppa, aben laa oh eleppa, na layapnu nai hambuppuak aib mattime. Na kobol hambuppuakppa keeke aib aome. Na mamen, anin ele binalah mate!” awa aum.

Mak 10:19 Iomraidhean Croise

Aisaia 8:20

Gona, ag Kayaknu dabmak, nuhig ɗo naippa, nuhig nai laappa ele, ag amuppa anidna doyeg! Aun aɗi ag nai maditteb ele, ag Kayak nai bia ii maditteb dayeb, ag ahilagppa amahlak laa iitta.

Mak 10:18

Nug anam a, Jesus Nug eɗua amegppa aum. “Kayak Nug nukka am ena amunu, na dahilnu, ‘Danab ena,’ ame amu, na nai amu tatam dabmewonate ame, o iitta na hamute ame?

Luk 18:20

Amge nahip oɗmaknu amu, na ɗo oh doottem. Na ewau aib pakkuna gappai heme. Na danab aib qeppe mauhom. Na yabhok aib heme. Na hettoɗiakppa, aben laa oh eleppa, na layapnu nai hambuppuak aib mattime. Na mamen, anin ele binalah mate!” awa aum.

Rom 13:9

Ɗo imu oh, “Na ewau aib pakkuna gappai heme; na danab aib qeppe mauhom; na yab aib heme; na layapnu keeke aib amen qeeb aolomnab dabmak eheɗ aome,” ele, ɗo amu, amu ɗo laala ele daatteb, amu oh dilag ikki tamaniak, ɗo okkai laippu daatte am inam. “Na nakka nahipnu oot mauhtte, amubia na laipad dilagnu oot mauhaɗ!”

Rom 3:20

Ɗo nai am danab oh dilag daatte, amge danab ohnab ag pehettak ii dim lamidtteb amunu, ɗo dim lamittak kobolppa danab laippu laa Kayak amegppa genab tutukku hak danab daakkunu elele iittanab. Aɗinu? Ɗo nai am ig hipunin ihinig uhuqa megakkunu keeke iitta. Ɗo nug he, eheɗ hak ihinig miag atitte aakkuib.

Galesia 4:21

Ag Galesia danab, ag eɗun ɗo waappa daaglagnu hetteb ele amu, ag gemu appeg doyei! Ag ɗo nai atte amu ag iitai dootteb?

Galesia 5:14

Aɗinu? Ɗo oh amu nai laippu imu ooppa daatteb. “Na nakka nahipnu oot mauhtte, amubia na laipad dilagnu ele oot mauhaɗ!”

1 Tesalonaika 4:6

ag Kristen ag gappai kobol, mauhnoak oiyak, oo ahak kobol, keeke amu oh hena, lailkad buppualadnana, laanu ah ele ii aomnanu Nug oo daatte. Ig anukka kobol nau amunu nau aomnanu nai mattat, amelagppa mattimut, amu amubia Naɗi Nug danab anam hetteb ele amu nob nau madakku.

Jems 2:11

Ig doottem, Kayak Nug aum. “Na ewau aib pakkuna gappai heme,” amge Nug amuib ii aum. Iitta. Nug ele inam aum. “Na danab aib qeppe mauhom,” awa aum. Amunu na gappai kobol ii hekkut dayeb, amge na danab qeppe mauhkku dayeb amu, na aakku ɗo tippalak danab daattem.