Mak 1:40 - Nobonob Baibel

⁴⁰ Dimppa deɗ laa danab laa nug gaɗa oɗe nau ele nug Jesus noobppa ukka, gateg qaun o, nug unuqa aum. “Na oot heeb, na heppe, oɗe dahil iitta mekkunu amu, na elele daattem,” awa aum.

Mak 1:40 Iomraidhean Croise

Genesis 18:14

Da Yawe, da keeke oh hekkulnu elele iittate? Da matu ami, amubia, haen da memippa, haen amuppa da geha eɗue uɗippi, amu haen gamag amuppa Sarah nug nid danab aweb daakku,” awa aum.

2 Samuel 3:29

Joap nug hak nau amu heum amunu, nob am Yawe Nug nug, nug buɗub ele madakkunu ool daatte. Da Joap buɗub oolagppa hanhan laa nug ihi nau, ii qaɗaiedatte ele daakku, o iitta nug buɗub oolagppa hanhan laa nug gaɗa oɗe nau ele daakku, o iitta, nug buɗub oolagppa hanhan laa nug baeg nau ele daakku, o iitta nug buɗub oolagppa hanhan laa nug qep-ppa mauhkku, o iitta nug buɗub oolagppa laa nug ee iitta dayeb, enug qekkunu ool daatte,” awa aum.

2 King 15:5

Amu Yawe Nug he, gaɗa oɗe nau ele Usia qa, ii uuitte ukke, nug mauhom batak am anam dayom. Amunu Usia nug kingnu lag enanagnab amu uua, lag laappa ukka dayaya, nug king dayom, amge nug bekka Jotam nug kingnu uɗat amu haaha, king laug am wan ele gumeeme ukke, mameg Usia mauhom batak.

2 King 7:3

Haen amuppa Samaria aab okkainu aɗnu od okkai, od amu dimittim amu danab waɗele, ag gaɗa oɗe nau ele, ag appa daappig. Ag daanna, ag akka ahilagnu inam appig. “Aɗinu ig hamu inam daatta, mauhak haen ameg mettem?

2 Stori 6:13

Amge imu oh ii hak haenppa, tatam⌋ Solomon nug balal okkai brasppa heum. Balal amu elab nuhig am 2 mita, 20 sentimita ele, nuhig emaitak am 2 mita, 20 sentimita ele, amu attan tak nuhig am 1 mita, 30 sentimita ele. Nug amu ha, nug balal amu danab ah dilag haɗap gamagppa me daye, Solomon nug amu attan ta daya, nug Israel danab ah oh daappig noolagppa gateg qaun o, nug ⌊haen amuppa nug⌋ eppeg laih laih oh bahia, eppeg oo oh ottale hume daye,

Matyu 11:5

Amelag gaɗuak ag eɗun neegtteb, baelag nau autaut oitteb amu, ag ena oitteb, gaɗalag oɗe nau ele amu oɗe amu iitta mette, daulag ituak amu ag eɗun nai dootteb, danab mauhppig ele, ag eɗun bau daatteb, amu daɗek danab ag Nai Ena dootteb.

Matyu 17:14

Aria ag gona, danab ah kuɗum noolagppa teppig. Teeg amu danab laa nug Jesus toppa ukka, gateg qaun o aum.

Mak 1:41

Nug anam a, Jesus Nug oo bodoetta le me, Nug eppeg bahia, danab beɗu aɗa, amegppa aum. “Da ool anam daatte, na ena daye!” awa aum.

Mak 10:17

Jesus Nug anam ha mala amu Nug ibppa ugekke, danab laa nug qaiqaɗ Jesus gumitta ukka, Jesus baegppa laippun gateg qaun o, nug aum. “Ippunittak danab ena, da attem heina da bauklel hanhannu aokkul?” awa aum.

Luk 22:41

Nug amelagppa anam awona, uuatta nakok piɗe waum, danab men mawe gotte amubia. Wana gateg qaun o, unuqitta aum.

Aposel 7:60

Nug unuqitta anam awowa, nug gateg qaun o, nug huana ewa aum. “Naɗi na ahilag hipunin imunu nob ii mattamna oɗ medattem.” Stiven nug anam ewowa, nug mauhom.

Epesus 3:14

Da Kayaknu dabmak amu dabmein, da amunu Mame noobppa gatel qaun ottem.