Mak 1:14 - Nobonob Baibel

¹⁴ Aria, haen amu male, Herot Antipas nug Layattak Jon maniguittakppa me dayeye, Jesus Nug aha, Galili ukka, Nug Kayaknu Nai Ena mehuqom.

Mak 1:14 Iomraidhean Croise

Matyu 11:2

Mehuqeqe, Jon nug maniguittak ooppa dayaya, Kristus uɗat oh heum doya amu nug nuhikkud ippunittak awak danab ⌊aɗit⌋ maate, aa nuhig oɗmak aoya, Jesus toppa gopiɗ.

Matyu 14:2

Doya amu nuhikkud maɗi nid amelagppa aum. “Danab amuam Layattak Jon mauhowa, eɗua hibaittom amunu, kobol danab hekkunu elele iittanu ɠagattag okkai okkai amu nuhigppa bette,” awa aum.

Matyu 4:12

Amu Jesus Nug Jon maniguittakppa meppig doya, Nug aha, Galili ukkom.

Matyu 4:17

Haen amuppa Jesus Nug Galili appa digma nai mehuqom. Nug nai inam mehuqaqa aum. “Kayaknu ɗo maɗoɗ aakku miag doum daatte amunu, ag oolag eɗuaɗ!” awa aum.

Matyu 4:23

Jesus Nug danab amu onilagppa ewowa, Nug Galili wan ohppa oiyaya, Nug Juda dilag nai doyak lakka nai ippuanatta, Kayaknu ɗo maɗoɗnu Nai Ena mehuqa, Nug oɗe oh, aria keeke nau danab ah beɗulag heeg nauhom, Nug amu oh danab ah aqappig ele bappalattom.

Matyu 9:35

Aria, Jesus Nug ukka, aab nakok okkai ohppa, amu aab nakok ele ohppa oiyaya, Nug Juda dilag nai doyak lakka nai ippuanatta, Kayaknu ɗo maɗoɗnu Nai Ena mehuqa, Nug oɗe oh, aria keeke nau danab ah beɗulag heeg nauhom, Nug amu oh bappalattom.

Luk 3:20

Daug bate amu Herot nug daug batak nai amu doya, nug kobol nau nuhig amu tuɗitta, Jon awa, maniguittakppa meum.

Luk 8:1

Haen laa dimppa Jesus Nug ukka, aab nakok okkai, aab nakok ele laalappa oiyaya, Kayaknu ɗo maɗoɗnu Nai Ena mehuqa, danab ah ippuanattom. Nuhikkud ippunittak awak danab 12 ag Nug ele oiyegeg,

Aposel 20:25

Ag doyeg! Anukka da ag oolagppa oiyeye, da Kayaknu ɗo maɗoɗnu nai amelagppa mehuqmi, am gemu da doottem, ag oh da iɗul baula ii anidmana.

Aposel 28:23

Ag Pol ele nai anam mattiona amu, ag deɗ meeg, deɗ amuppa danab ah kuɗum ag Pol gumidna, nug dayom, lag amuppa uɗieg, buttuanu ukke tueb batak nug Kayaknu ɗo maɗoɗnu nai mehuqa, nai Mosesnu ɗoppa niitte, amu propet dilag yaaknu ele, nug nai amuppa ag Jesusnu oolagppa genab dooglagnu, ahilag dabmak maɗetta ippuanatta mattiom.

Rom 1:1

Da Pol, da Kristus Jesusnu maɗi nid. Nug da totol danab daakkulnu otiɗa amu Kayaknu Nai Ena mehuqkkulnu ele tituaniɗom.

Epesus 2:17

Nug aakkuib uɗia, ameg laa uma daappig, ameg laa miag daappig ele amu, Nug ag oh ag oolag laippu maɗoɗppa daaglagnu aum.