Luk 16:3 - Nobonob Baibel

³ Anam a amu uɗat gumak danab amu nug nukka nukka nai mattia aum. ‘Da attemtai hekkul? Danab okkai nug am dahil gumaknu uɗat amu eɗua aotte. Da wan oppatkkulnu amu, da ɠagattag elele iitta, laa amu da danab laa unuqadppi, ee meɗaglagnu am da uɗal nette,’ awa aum.

Luk 16:3 Iomraidhean Croise

Esta 6:6

King nug anam aum amunu, Haman nug ooppa no, king nug aum. “Danab laa da binag okkai medakkulnu ool okkainab hette ele amu, da nuhignu aɗi hekkul?” awa aum. King nug anam a amu, Haman nug ooppaib dabmak awom. “Auntai laa da eɗilak, king nug binag okkai medakkunu laa iitta,” awa dabmakppa aum.

Prowerb 13:4

Danab bahi iittanab ele nug keeke aokkunu dabmak okkai aotte, me nug aɗitai laa ii aotte; amge danab nug yagbak doya uɗat hette, nug keeke oh oo hette ele, nug elele aotte.

Prowerb 15:19

Danab bahi iittanab ele amu, nuhig bau dayaknu oiyak am, laa nug ib uud keeke qaun eleppa keldoak dayeye akkula gotte, amubia nug uug kuɗum anidtte; amge genab tutukku hak danab nug ib enanagppa gotte.

Prowerb 18:9

Am laa nug nuhig uɗat mauhnoak, pehettak ii hette amu; nug am laa, nug keeke he nauhtte, nug nid amu amag bia aakku daatte.

Prowerb 19:15

Danab bahilag iitta ele, ag niiak huana hetteb; danab ag uɗat laa ii hetteb, ag am enug daaglag.

Prowerb 20:4

Danab bahi iittanab ele nug haenppanab dad uɗat ii hette; amunu ee meu awak haenppa, nug ee meu laa ii anidtte.

Prowerb 29:21

Danab nug maɗi nid nuhig nug nid nakokppa digma, nid atognotte amu; deɗ laa gog takppa nid nug nug bekka bekku.

Aisaia 10:3

Ag anam hetteb amunu, Yawe Nug geha ahilag hak nau amu nob mekkunu haen tituanom, amuppa Nug ag uug naunab madakkunu dabmette amu, ag amu eɗidkkulagnu elelete? Iitta! Haen amuppa Nug danab wan laa umanu diieb, ag ulah ɠagattag uɗitte, amubia ag uɗin, ag ag eheɗ madappeg, ag geha attem hekkulag? Ag geha oolna, aun toppa ehanadkkunu gokkulag? Keeke kuɗum ag aoppig, geha ag keeke amu aben adekkuppa mekkulag?

Jeremaia 5:31

Kobol naunab nau ag hetteb am inam. Propet danab ag doonna, propet nai hambuppuak maditteb. Mana mettak danab ag akka, ahilag dabmak dim lamidna, danab ah gumadtteb. Propet, mana mettak danab ele ag anam aakku hetteb, amge dahilad danab ah ag kobol amunu oolag mauhtte. Anam, amge ib amu batakppa ag attem anidkkulag?” awa atte.

Hosea 9:5

Anam amunu, hobul dayaknu haen epeɗiak, haen amuppa ag aɗi hekkulag? Ao, ag Yawenu qagmak gamag ahak elenu deɗppa, ag aɗi hekkulag?

Matyu 20:8

Aria, uɗat haen iitta me, grep dad mameg nug uɗat amu gumak danab onigppa e uɗie, amegppa inam aum. ‘Na uɗat nid onilagppa eppe uɗippeg, ahilag uɗat nob daden matte! Madakkut, amge laa dim doppig, amu dilagppa digmena, daden madappe ukkeb, tatam doppigppa bate!’ awa aum.

Mak 10:46

Ag ibppa gona, Jeriko appa tena, Jesus Nug nuhikkud ippunittak awak danab amu danab ah laala kuɗumnab ele ag Jeriko eɗidna ukkaegeg, Timeus bekka Bartimeus, nug ameg gaɗuak amu, nug appa ib daugppa heɗep na dayaya, danab men doɗo keeke mettaglagnu unuqadttom.

Luk 12:17

Nug ooppa nuhig dabmak inam dayom. ‘Da ee dahil huanak imunu attemtai hekkul? Da ee dahil oh qagmekkulnu amu, ee maknu lag elele iitta,’ awa aum.

Luk 16:2

Anam aeg amu nug uɗat gumak danab nuhig onigppa e uɗie, amegppa aum. ‘Na keeke heme amu, nai amu da doomi amunu, na gona, dahil keeke oh na aɗattem amu uɗug laappa ye! Aɗinu? Na baula uɗat gumak danab daakkutnu am elele iitta,’ awa aum.

Luk 16:20

Amu nug laug od guguittak amu daɗek danab laa hanhan meeg daattom. Nug onig amu Lasarus. Nug beɗu ihiud nau ambak ele.

Luk 16:22

Am dimppa daɗek danab amu nug mauhom. Mauhe am engel ag nug aon meeg, Abraham ele daapiɗ. Daaeheh amu enub danab nug ele mauhe, ag nug boumppig.

Luk 16:4

Anam ana, nug baula dabmakppa aum. ‘Okkai dahil nug uɗat dahil eɗua aweb, da danab laala ag da ag laulagppa daakkulnu akkulagnu amu, da inam hekkul. Danab amu ag dahil okkainu lon aoppig amu, da ag ehanadppi, dimppa ag da ehaniɗkkulag,’ awa aum.

Luk 18:4

Ah amu nug anam heehe, epeɗiak danab nug laa ehanidkkunu amu, kobol amu nug beɗuppa ii daattom, amge dimppa nug ooppa aum. ‘Da Kayaknu ebehil oh bodoetta le ii me, danab dilagnu ele am da dab-ii-mettem,

Jon 9:8

Aria, nuhig mudippan laippu, amu laikkud aab laippu laa ag danab amu nug anukka dayaya, men doɗonu unuqttom ele, ag nug anidppig amu, ag akka akka nug oɗ medappig. “Anukka danab laa nug keekenu danab unuqadttom ele amu, amuam danab imu iittate?” aon oɗ medappig.

Aposel 3:2

Ukkaeh, danab laa ag danab laa, nug baekuɗ kubuku bata noak kaliak daapiɗ, ag nug maon uɗippig. Nug anig ooppanu anam doum. Ag deɗ oh nug aon gona, Kayaknu mettid lagnu aɗ odppa, od amunu ag, Anttaknu Enanag atteb, amu gukkuidna meeg dayeye, danab ah ag Kayaknu mettid lag ooppa noegeg, men doɗo mettaglagnu unuqadkkunu dayom.

Aposel 9:6

Amge na ahan, aab okkai ooppa nona daabppe, geha na keeke aɗi hekkutnu amu, danab laa nug na amenppa akku,” awa aum.

2 Tesalonaika 3:11

Ig nai imu yaattemnu diig am, ig gemu laala ag uɗat hak kobol uuna, hamu oina, ag akka kobol ena ii henana, ag laa dilag dabmak, maittak keeke baolikkulagnu hettebnu nai daunigppa doottem.