Luk 10:3 - Nobonob Baibel

³ Nug anam ana, Nug nai baula tuɗitta aum. “Ag aakkude ukkeg! Da ag maatti, ag sipsip nakkud wulp oolagppa gotteb bia gotteb.

Luk 10:3 Iomraidhean Croise

Sam 22:21

Na da ehaniɗppe, laion laa oɗe aaha emaiɗma, da na oɗ medattem. Yo, na ehaniɗppe, makau okkai ebehi ele dakkuɗ qeqeɗilagppa yaaiɗppeg, da padal mepanu unuqidttem.

Sepanaia 3:3

Israel dilag ehanittak anuqak danab amu, ag danab ah dilagnu laion doɗ laa qa lakkunu oiyaya gaatte, amubia ag danab ah dilagppa hetteb. Ao, Israel ag ahilkad okkai danab ag doɗ wulp, ag tueb meeb, ag doɗ laa anidna, qena lalobnu oitteb bia hetteb. Doɗ laion, o doɗ wulp ag aɗi doɗ laa tueb qena lae neppig, butti buttua huppu nakok laa ii daatte, amubia hetteb.

Matyu 10:16

Doyeg, da ag maatti, ag sipsip wulp oolagppa gotteb bia gotteb amunu, ag dabmak tutukkunab aona, keeke heig! Amu ele ag keeke oh qinonob henana, kobol nau laa hekkulagnu aib dabmeppig.

Matyu 10:22

Da onil ahilagppa daatte amunu, danab oh ag oolagppa ahilagnu nau ninig ele dooglag, amge laa nug ɠagattag dayebeb ukkeb, keeke oh ba maleb, haen amuppa ele nug ɠagattag daakku amu, nug padal ii mema.

Matyu 7:15

Ag propet hambuppuak dilag dabmeig! Propet hambuppuak ag, ‘Da Kayak ippu ippunadttem,’ aon atteb, amge amuam nai hambuppuak. Propet hambuppuak ag wulp sipsip emala lakkunu, sipsip gaɗa awa ma, sipsip oolagppa oitte, ag amubia oitteb.

Luk 10:4

Ag men doɗo inaknu hogot, oiyaknu battam, baelag gaɗa ele amu aib aoppig. Ag gonana, ibppa laa ele nai mattiglagnu haen aib kakidppig.

Jon 10:12

Danab nug uɗat nid daatte, nug sipsip gumak danab genab iitta, nug sipsip mamelag ele iitta amunu, haen nug wulp uɗitte antta amu, nug sipsip uuatta, oola ugekke, wulp nug sipsip aqa lamatte, ag mauhnoak oolna, matatun tamtam gotteb.

Jon 15:20

Nai da ag amelagppa ami ele amu daulagppa doaɗ! Nai amuam inam. ‘Maɗi nid nug okkai nuhig ii eɗidtte.’ Amu aun aɗi laa ag da eheɗ heiɗppig amu, ag ag ele eheɗ hattaglag. Aun laa ag dahil nai dim lamidppig ele amu, ag am ahilag nai ele dim lamidkkulag.

Jon 16:2

Danab ag Juda dilag nai doyak lag ooppanu lamadkkulag. Ge, dimppa haen beeb, ag ag aqappeg mauhppeppeg, ‘Ig Kayaknu uɗat ena hettem,’ aon akkulag.

Aposel 20:29

Amu da doottem, da ag uuatten goppi, dimppa hambuppuak ippunittak danab, ag wulp bia, geha ag tamaniak oolagppa bena heppeg nauhkkulagnu hekkulag.

Aposel 9:16

Geha nug da onil ag ippuanattatta, amuppa nug uug nau digdig maokkunu daatte amu da nug ippunidkkul,” awa aum.

Aposel 9:2

amegppa a, nug Juda dilag nai doyak lag Damaskus daatteb, amunu ikki danab anen anen dilag pas Saul mettom. Pas amuppa nug inam yom. “Saul nug danabte, iitta ahte ag Jesusnu oolagppa genab dootteb ele appa anadkku, nug hippalatta diia, Jerusalem uɗikku,” ana yom.