Luk 1:2 - Nobonob Baibel

² Digmakppanu ukke batakppa danab ag keeke amu anidppig ele ag aeg doout yaappig. Ag am Nai Ena mehuqak danab daanna, nai amu aeg doomut.

Luk 1:2 Iomraidhean Croise

Mak 1:1

Kayak Bekka Jesus Kristusnu Nai Ena am inam niitte.

Mak 16:20

Aria, ippunittak awak danab ag wan ohppa gona, Jesusnu nai mehuqegeg, Naɗi Nug ag ehanattette, ag Kayak dabmettaknu kobol danab haknu elele iitta laala ele heegeg, amuppa danab ag mehuqak ahilag genab dooppig.))

Mak 4:14

Danab nug Kayak nai mehuqtte amu, nug am danab ee aeg ebatte bia.

Luk 24:48

Amu ag gemu da ele iikku daattem amu, ag dahilppan keeke oh anidppig,” awa aum.

Jon 15:27

Amu ag ele dahil nai mattinna oiglagoitte! Aɗinu? Ag digmakppanu da ele daaut uɗie, gemu ele daattem.

Jon 16:4

Da nai imu mattiminu diig am haen amu beebeb, da dabmak awaknu nai imu mattami amu, ag daulagppa dokku. Digmakppa da ag ele daamut amunu, da nai imu ag amelagppa ii ami; gemuib madittem.

Aposel 1:3

Aria, Nug guittak nau amu awa mauhowa, dimppa Nug genab eɗua hibaittom Nug nuhikkud totol danab 11 ippuanadkkunu, eɗuak hibaittak dimppa Nug nuhikkud totol danab 11 haen gamag deɗ 40 amuppa gumatta ona, ib kuɗumppa keeke amu ippuanattom. Nug deɗ 40 amuppa Kayaknu ɗo maɗoɗnu nai ele mehuqe dooppig.

Aposel 1:8

Amge geha dimppa Kayak Ouɗi Nug ahilagppa neeb, ag ɠagattag aon, geha ag dahil aɗi heehe anttomnu mattiak danab daanna, ag dahilnu Jerusalem mehuqna, ag gona, Juda wan ohppa, Samaria appa ele mehuqna, ag wan atu ohppa ele gona mehuqkkulag,” awa aum.

Aposel 14:25

Aa teya amu Perga aabppa Nai Ena mehuqoya, dimppa amu aa noya, Atalia gopiɗ.

Aposel 16:6

Aria Pol, Silas amu Timoti ele ag oiyegeg, Kayak Ouɗi Nug ag Nai Ena Asia appa mehuqmananu ib oo neum amunu, Pol nug aɗit laa ele ag ahan wan atu aɗit onilah Prigia, Galesia ele tikkuna gonana amu,

Aposel 17:11

Am Juda danab Beria daappig amu, ena haknu, ag diilag am Juda danab Tesalonaika daappig eɗittak. Aɗinu? Ag nai Pol mattiom ele dooglagnu oolag ahe, ag doon autna aoppig. Ag doon aon, Pol nai attom am genabte, o iitta genab iittate amu, ag amu dooglagnu deɗ ohppa Kayak nai ebqeppig.

Aposel 26:16

Amge na ahan, hippaidna daye! Da na dahil maɗi nid daakkutnu, na dahilnu aɗi anidme, amu dimppa da na aɗi ippunidkkul, na amunu aɗi heehe anttomnu mattiak danab daanna, laala amelagppa madikkutnu aakku tituanidttem amunu da gumitten uɗimi.

Aposel 4:20

Aa anam awoya am baula tuɗidya apiɗ. “I amu oɗenih qamutkkunihnu ele iitta. Aɗinu? I keeke oh amenihppa anidɗa, nuhig nai doomuɗ ele amu, ib laa iitta, mehuqkkunihnab,” aoya apiɗ.

Aposel 8:4

Anam heehe, Kristen ag matatun aab laalappa gona daanna, ag Nai Ena mehuqppig.

Rom 15:16

da iitta aɗi ag oolagppa uɗat hekkulnu Kristus Jesusnu maɗi nid bemi. Da iitta aɗi ag Kayak Nug oo daatte amubia daaglagnu, Kayak Ouɗi Nug heeb, ag oppiaawak danab bena daaglagnu, da ag diie, Kayak medakkulnu mana mettak danab bia bein, Kayaknu Nai Ena mehuqttem.

1 Korint 4:1

Aria ag ihinignu inam dabmekkulag am ena. “Ag am Kristusnu maɗi nid, Kayaknu nai unuqag daatte amu, ag appeg doognignu daatteb. Ag amunu uɗat gumak danab daatteb.”

Hibru 2:3

Aria gemu amu Kayak Nug ig eɗua awigkkunu ib babaittom, uɗat naɗi nuhig aakku daatte amunu, ig Kayaknu uɗat amu dimettagnig dayeb, ig eheɗ hak ihinignu nob naunu dekkaɗta oolta gokkunignu elelete? Iitta! Ig elele iittanab. Naɗi Jesus Nug nukka, eɗua awikkak amunu amu Nug tatam a, danab ag Nug oɗeppa aawo dooppig ele ag ig amenigppa nai amunu am genabnab ippunigppig.

1 Pita 5:1

Nai imunu amu, da ahilkad ikki danab ag oolagppa daatteb, da ahilagnu nai imu iikku yaattem. Da ele am ikki danab daattem, amu da amelppanab Kristus Nug uug mawe anitten, amunu da aɗi heehe anttomnu mattiak danab daattem. Da ag ele, ig oh geha Kristusnu binag amahlak oppiaawak ele heeb miag atieb, ig amu ooppa daagnig amunu, da ag ikki danab ag uɗat inam hekkulagnu ag maɗadakkulnu nai imu yaattem.

2 Pita 1:16

Ig kaya, hamu doyaknu am ittag qak ele, auntai laa nug nukka, nuhig dabmakppa he beppig amu, ig kaya amu laa aot, ihinig Naɗi Jesus Kristus, Nug wanppa uɗiom, Nug am ɠagattag ele, ig amunu ag amelagppa ii mattimut. Iitta. Ig amenigppanab, Nug am danab dagom onig ɠagattag ele anidmut, amu ig amunu ag amelagppa mattimut.